O Entroido se transforma na Guarda neste 2024 incorporando importantes novidades tanto na data, no percorrido como nas características das categorías participantes. Así o desfile realizarase o venres 16 de febreiro ás 20:00 h inaugurando un novo percorrido entre a Alameda e a Rúa do Porto, que transcorrerá por Concepción Arenal.
A participación no desfile en cada unha das categorías estará compensada cunha axuda á participación á que poden optar as 10 primeiras Comparsas ou Carrozas, así como os 5 primeiros grupos en inscribirse. Podendo ser ampliada esta axuda a mais agrupacións sempre que haxa crédito dispoñible
Os interesados e interesadas en participar poderán anotarse entre o 1 ao 6 de febreiro a través da sede electrónica ou no Rexistro Xeral, no caso de persoas físicas. As categorías de participación serán:
- CARROZAS, deben ter un mínimo de 15 participantes representando un tema, dos cales 5 deberán estar enriba dun móvil.
- COMPARSAS, un mínimo de 20 participantes representando un tema e acompañados de música
- GRUPOS, deberán estar compostos por un mínimo de 10 persoas e un máximo de 15.
As bases están dispoñibles para a súa consulta no taboleiro de anuncios da sede electrónica, e na web municipal nesta ligazón.
