Comarcas

O Concello de Redondela vén de anunciar a realización de cambios na programación de Entroido debido as malas previsións meteorolóxicas para as vindeiras horas. Este mismo sábado, a Concellería de Cultura optou por trasladar as actividades que se tiñan que realizar na Alameda Castelao á carpa instalada no Campo da Feira.

Mondariz Balneario celebrou, na pasada fin de semana, a I Mostra de Petiscos, una actividade que substitúe ao concurso que se celebrara entre o 2016 e 1018. A identidade do novo formato, tal e como explican os organizadores, “é camiñar xuntos e non competir”. Nesta primeira edición dunha iniciativa que nace con vocación de continuidade, participaron cinco establecementos que, durante a tarde do venres, o sábado e a mañá do domingo vendero a incrible cifra de 1964 tapas despachadas algo que, é evidente, sería imposible realizar sen o bo facer da hostalería local.

Un total de 235 alumnos e alumnas de 4º da ESO dos IES San Paio e Indalecio Pérez Tizón, do Colexio Maristas Santa María e do Seminario Menor San Paio asistiron esta mañá no Teatro Municipal de Tui, no edificio Francisco Sánchez, a unha nova proxección de “O Cine nas aulas”. Nesta segunda cita do programa deste curso traballan cunha película onde se fala sobre o fracaso e o éxito, as familias, os logros ou desexos aos que aspiramos, e as drogas.

A Eurocidade Tui.Valença apresentou o Calendário Desportivo, para 2024, ontem, quarta-feira, 7 de fevereiro, com 21 atividades e uma previsão de participação de cerca de 7 mil atletas. As 21 atividades desportivas que levam a chancela da Eurocidade, são organizadas por diferentes associações desportivas de Tui e Valença, bem como por empresas especializadas e implicará um investimento direto de cerca de 60 mil euros.

O Concello felicita á Banda de Música Unión de Guláns polo seu recente premio da Cultura Galega na categoría de música. O mércores os diferentes integrantes da agrupación recibiron o recoñecemento da man do presidente da Xunta de Galicia, Alfonso Rueda, nun acto que tivo lugar no Convento de Santa Clara, en Pontevedra.

A oferta de instalacións deportivas municipais amplíase cun novo parque de calistenia en Chapela. O primeiro abriuse en Redondela, na zona da Marisma en 2021 atendendo as peticións da mocidade. Desde a súa posta en marcha na zona da Marisma son moitos os rapaces e tamén adultos os que utilizan estas instalacións a diario. Agora xa está en funcionamento o segundo parque destas características do municipio en Chapela, no paseo marítimo, a escasos metros do Centro de Deportes Acuáticos.

O Concello de Covelo abre o prazo para inscribirse na xornada de interpretación astronómica 'Ceo de inverno. 4 estacións Starlight'. Enmarcada na programación de actividades anuais que oferta o Concello de xeito estable e gratuíto, a actividade desenvolverase no conxunto xeográfico do Faro de Avión o vindeiro venres 16 de febreiro aberta a tódolos públicos incluso para aquelas que teñan mobilidade reducida.

Tomiño adiará o seu tradicional Venres de Foliada dúas semanas. O Concello trasladará o desfile ao vindeiro venres 23 de febreiro, unha nova data establecida contando co parecer das comparsas e adaptando o agardado encontro a unha data na que non interrompera outras actividades xa axendadas por parte das entidades participantes.

A programación de Entroido na Guarda está articulada fundamentalmente en torno ás actividades infantís e de animación musical, de xeito que entre o sábado e o luns á tarde haberá unha actividade festiva dirixida ás crianzas e familias seguida de animación musical a cargo dunha charanga da nosa contorna e o sábado á noite, Festa DJ a partir das 23.30 h, centralizándose toda a actividade na Alameda. As adversas previsións meteorolóxicas fixeron preciso trasladar as actividades que se ían celebrar noutros lugares á carpa situada na centrica alameda guardesa.

O vindeiro 21 de febreiro o IES Salvaterra de Miño en colaboración co Concello de Salvaterra de Miño, a ANPA, a Comunidade de Montes de Lira e o Distrito Forestal XVII, organiza unha plantación de árbores destinada ao de 1º ESO e 3º ESO, do grupo Titoría entre Iguais (TEI), e para 1º de FPB Madeira.

“O plan aprobado pola Xunta e moi positivo para a cidade de Tui e cambiará para sempre o casco histórico. Hai que valóralo como moi positivo porque é algo moi bo para Tui e, hai que ser honestos, e recoñecer o traballo do director do Instituto de Vivenda da Xunta, ao que temos que trasladarlle a nosa gratitude porque sempreprestou moito interese por este proxecto”. Deste xeito, o presidente provincial do PP de Pontevedra, Luis López, replicou as mesmas palabras do alcalde socialista de Tui, Enrique Caballeiro, ao que lle agradeceu os seus eloxios públicos ao traballo da Xunta.

O Concello quintuplica a capacidade de atención a usuarios e a usuarias do programa “Xantar na Casa”. Deste xeito, a administración local aumenta o número de persoas beneficiarias deste servizo ata as 50 fronte as 10 de anos anteriores. O convenio asinárono esta mañá a alcaldesa, Nava Castro e o xerente do Consorcio Galego de Servizos de Igualdade e Benestar, Perfecto Rodríguez, no Salón de Plenos.