Mondariz Balneario celebrou, na pasada fin de semana, a I Mostra de Petiscos, una actividade que substitúe ao concurso que se celebrara entre o 2016 e 1018. A identidade do novo formato, tal e como explican os organizadores, “é camiñar xuntos e non competir”. Nesta primeira edición dunha iniciativa que nace con vocación de continuidade, participaron cinco establecementos que, durante a tarde do venres, o sábado e a mañá do domingo vendero a incrible cifra de 1964 tapas despachadas algo que, é evidente, sería imposible realizar sen o bo facer da hostalería local.
A cifra de participantes, doutra banda, é difícil de contabilizar pero para poñerse en situación, se está a falar de 1964 tapas nun concello de aproximadamente 700 habitantes o que supón un éxito sen precedentes e convertendo unha fin de semana de tempada baixa nun evento moi concorrido co que se cumprían claramente o dous obxectivos da Mostra de Petiscos: amosar a calidade da hostalaría local, ninguén que visite habitualmente a vila balnearia ten dúbida diso, e atraer a participantes en tempada baixa.
As e os participantes tiveron a oportunidade de cubrir unha cartilla con selos, por cada petisco que pedían, o que lles permitía entrar nun sorteo e, segundo número de selos conseguidos, optar a distintos premios, agasallos todos eles dirixidos a fomentar a vida local, o comercio e a cultura.
Así, con tres selos sorteábanse dous libros de Mondariz en los textos de Emilia pardo Bazán. Antoloxía editado por GALAXIA. Con catro selos, sorteábase un Bono Comercio valorado en 30 € e unha cesta de Don Pedro. Finalemente, con 5 selos sorteábanse seis premios: cinco entradas dobres para O Palacio da Auga e un bono para unha cea nun dos establecementos participantes, valorada en 60 €.
Na mañá do día realizouse o sorteo dos premios na Oficina de Turismo, encargándose do mesmo un representante dos hostaleiros de Mondariz Balneario, unha representante do GDR Condado Paradanta e dous representantes do Concello de Mondariz Balneario.
O vindeiro día 17 as 12.30 h no Concello celebrarase a entrega dos premios que serán entregados por un representante dos hostaleiros de Mondariz Balneario, un representante de Adegas Galegas e un representante do Concello de Mondariz Balneario.
A I Mostra de Petiscos estaba organizada polo Concello de Mondariz Balneario, Atalaya, Boas Migas, Mixturas, Regato de Valdecide, e Yago´s, colaborando coa mostra Augas de Mondariz, Balneario de Mondariz e Adegas Galegas e contando co apoio de Bar Cafetería Lourdes, Chocolat, Carnes o Galego, Estación servicio Mondariz, Gala Termal, Farmacia Balneario, Hotel CEMAR, Peluquería as Camelias, Mercaplus Balneario, Lavandería Puma Clean Mondariz Balneario, Lapido y asociados. Real Estate investmen group, La del Río, Las Colonias.
