O Condado

O portavoz de AporM, Xoán C. Montes Bugarín, anunciou que acudirá á concentración que prepara a Plataforma en Defensa da Sanidade Pública en Mondariz, que celebrarase mañá mércores, día 22 ás 20:30 h diante do Centro de Saúde.

O vindeiro sábado 25 de setembro hai unha nova cita na Casa da Cultura de Salvaterra de Miño. Esta vez vén da mán de TANXARINA TÍTERES que trae a súa actuación "Tiricircus", ás 18:00 h da tarde.

O encoiro de Castrelo de Miño, en Ourense, acollía o sábado 18 de setembro a quinta edición do campionato galego de augas abertas, que ademáis constituía a derradeira proba do circuito galego express.

Outro año máis, e xa van trece, Defendendo o Tea vai a colaborar co 'Proxecto Ríos' de Adega na limpeza simultánea de cauces fluviais. Ao igual que o veñen facendo dende o inicio desta actividade, Defendendo o Tea invita toda a veciñanza de Ponteareas e alrededores a que veñan a mollarse polo río.

O Concello de Mondariz, consciente de que a carencia de espazos para usos empresariais é unha das dificultades das novas emprendedoras locais, vén traballando desde hai meses non proxecto de viveiro de empresas en instalacións municipais que xa é unha realidade, despois de ser aprobado na última sesión plenaria da Corporación Municipal e ser anunciado no BOPPO para a súa exposición pública durante 30 días.

Ponteareas reforza a súa conciencia ambiental mollándose os pés nos seus ríos para participar nunha limpeza simultánea con outros 21 concellos galegos. O Concello colaborará con ADEGA e persoas voluntarias o vindeiro 26 de setembro para retirar lixo da ribeira do Tea, unha xornada que forma parte do proxecto 'Móllate polos ríos', que promove a asociación ecoloxista.

Demostrar a fortaleza e a capacidade transformadora das mulleres, visibilizar o seu traballo e crear conciencia da carga e o peso que estas soportan foron as grandes protagonistas da peza de danza contemporánea de Xiana Vilas hoxe en Salvaterra. No marco dunha nova acción do programa da Deputación de Pontevedra 'Mulleres en Acción. Violencia Zero', a artista vilagarciana fixo con 'Maldita fenda' un chamamento claro e emotivo á sororidade e á igualdade.

A Escola Oficial de Idiomas celebra unha xornada de portas abertas na súa extensión de Ponteareas para dar a coñecer o que se está a realizar no centro, os métodos de ensinanza e os beneficios de estudar unha lingua estranxeira na escola e así atraer a novo alumnado e motivar a todas aquelas persoas que abandonaron os seus estudos por mor da pandemia. Todas as persoas interesadas en aprender inglés ou francés poderán participar na sesión informativa que se celebrará o vindeiro mércores 22 de setembro ás 19.00 horas na sede da EOI no IES Val do Tea.

O alumnado con necesidades específicas do CEIP Mestre Ramiro Sabell Mosquera de Ponteareas leva catro anos aprendendo xunto a cans. Con eles e un equipo especializado avanzan no seu percorrido educativo, reforzan a súa autoestima e melloran as súas capacidades físicas e de concentración. Resultados constatados polo Concello e o equipo educativo do centro, e que, en palabras da alcaldesa e concelleira de Educación, Cristina Fernández Davila, mostran que “a terapia con cans é moi exitosa”.

O vindeiro domingo 26 de setembro terá lugar o II Encontro de Corais de Xinzo no auditorio do Centro Cultural da parroquia. O evento dará comezo ás 18:00 h e contará tanto coa participación da Coral Cantares de Xinzo como coa invitada Coral Polifónica 'O son dos Cantares' de Tameiga (Mos).

Ponteareas volverá a converterse este sábado na capital da música tradicional do país. O Concello organiza a 54 edición do Concurso de Gaitas do País, a festa musical desta especialidade máis antiga de Galicia, e que coloca a vila como referente na promoción do folclore musical galego. O concelleiro de Cultura, Fernando Groba, afirma que “para Ponteareas é un orgullo acoller estes eventos”, e expón que o Concurso “é unha mostra máis da nosa decidida aposta pola música que se fai no país”.

Dende a súa apertura no mes de Febreiro do ano 2019 o Museo da Ciencia do Viño do Condado do Tea, situado dentro do Castelo de Dona Urraca no municipio de Salvaterra de Miño, está sendo todo un referente cultural sobre a vitivinicultura e enoloxía en España. O Concello de Salvaterra de Miño e a Confraría do Viño do Condado do Tea e Espumosos, animados pola acollida e participación de edicións anteriores, presentan unha variada oferta de cursos relacionados co mundo do viño para o outono de 2021.