13.2 C
Pontevedra
Venres, 22 de Outubro de 2021
Máis
    HomeO CondadoMondarizMondariz facilita o emprendemento local a través dun viveiro de empresas

    Mondariz facilita o emprendemento local a través dun viveiro de empresas

    O Concello de Mondariz, consciente de que a carencia de espazos para usos empresariais é unha das dificultades das novas emprendedoras locais, vén traballando desde hai meses non proxecto de viveiro de empresas en instalacións municipais que xa é unha realidade, despois de ser aprobado na última sesión plenaria da Corporación Municipal e ser anunciado no BOPPO para a súa exposición pública durante 30 días.

    O viveiro de empresas de Mondariz, que inicialmente destinará espazos públicos nos edificios do Centro Social e da Praza de Abastos para actividades de xestión en oficinas e actividades de comercialización en postos de venda, tamén inclúe na súa concepción o edificio do antigo matadoiro municipal para actividades empresariais relacionadas coa transformación de produtos, aínda que este último espazo non está recollido no regulamento de réxime interno do viveiro de empresas por una cuestión administrativa.

    “A nosa idea é facilitar espazos para os diferentes procesos, incluída a transformación de produtos, tan importante para o sector agrogandeiro”, explica Xosé Emilio Barros, alcalde de Mondariz e concelleiro de Desenvolvemento Económico e Turismo.

    O viveiro de empresas de Mondariz, segundo consta no seu regulamento de réxime interno, é unha ferramenta de emprendemento temporal pensada para ubicar empresas nos seus primeiros pasos no mercado, acompañalas e prestarlles determinados servizos adaptados ás súas necesidades para promover o desenvolvemento xerminal de iniciativas de interese no ámbito local. As autorizadas para o uso dos espazos do viveiro de empresas deberán satisfacer un canon demanial que se determinará de acordo coa normativa de aplicación vixente.

    En total, a superficie dispoñible do viveiro de empresas de Mondariz é de 98,62 metros cadrados. No primeiro andar do edificio do Centro Social, baleiro desde que as actividades administrativas dos Servizos Sociais Comunitarios e da Oficina Municipal de Información Xuvenil se trasladaran á Casa do Concello, hai tres despachos e unha sala de reunións. Na Praza de Abastos, mentres tanto, cóntanse con tres postos de venda que poderán aumentar en número e metros cadrados en función da demanda e das necesidades.

    A estes servizos do viveiro de empresas de Mondariz poderá optar empresas de nova creación para desenvolver actividades durante 24 meses prorrogables. A selección das autorizadas a beneficiarse dos servizos do viveiro será realizada polo propio Concello de Mondariz. Calquera proxecto empresarial que cumpra os requerimentos establecidos no regulamento (empresas en proxecto, empresas novas ou empresas de ata dous anos de antigüidade) poderá solicitar a súa inclusión no viveiro de empresas en todo momento. Entre os criterios de selección das adxudicatarias están a viabilidade da iniciativa empresarial presentada; o carácter innovador, tecnolóxico e de desenvolvemento do proxecto; e o fomento do autoemprego en colectivos prioritarios, como mulleres, persoas menores de 30 anos, maiores de 45 anos, con diversidade funcional ou en situación de desemprego de longa duración.

    “Malia ser modesto en superficie e número de despachos ou postos de venda, este viveiro de empresas é unha iniciativa innovadora que busca diversificar a estrutura produtiva local, favorecendo a instalación de pequenas empresas e promocionando os produtos locais”, sinala Barros.

    Esta iniciativa encádrase dentro dunha estratexia de desenvolvemento económico local que ten varios puntais, como a creación de solo industrial para un futuro parque empresarial, o acondicionamento da parcela municipal da Cela para un futuro albergue turístico ou as xornadas formativas e informativas que se teñen organizado para inspirar o emprendemento local entre a veciñanza.

    COLABORACIÓNS

    Sentir común

    Allá por el año 2014, el lema de una gran compañía "gallega" se dejó sentir por nuestro pueblos y ciudades. Si os fijáis, lo he puesto entre comillas lo de gallega porque, de eso, lo único que tiene es el dinero de todos nosotros. Comencemos por el principio y no vamos a dar nombres porque la mayor parte de nuestros lectores ya saben o empiezan a intuir a lo que nos vamos a referir.

    Ácido y Caracola

    Todo comenzó hace muchos, muchos años, cuando Caracola aun vivía feliz, en el fondo del mar. De todas las princesas marinas que habitaban en las profundidades, ella era la más querida y la preferida de Océano, el Señor de todos los mares, y como tal, poseía todo aquello que pudiera desear

    Francisco Castro, «O cemiterio de barcos»

    Francisco Castro regresa de novo á novela xuvenil, un territorio no que xa ten demostrado que se desenvolve con soltura, para presentarnos unha narración que se move en dous planos diferentes.

    Bizcocho de plátano

    No sé si consumir plátano canario en este momento puede ser una pequeña ayuda a los palmeros que están pasando por esta situación tan dolorosa, que desde aquí cuesta imaginar; pero si con esto podemos aportar un granito de arena, lo haremos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    46 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS