Redondela premiará con 3.000 euros ao ganador do ‘II Certame Viadutos de Novela’

A Concellería de Xuventude de Redondela vén de presentar a segunda edición do ‘Certame Viadutos de Novela’, na que poden participar todas as persoas interesadas sempre que sexan maiores de 18 anos. Ademais, como requisito indispensable, as obras presentadas deben estar escritas en galego. As bases do certame, dispoñibles na web do Concello, sinalan como características principais a orixinalidade da obra que se presente, posto que non se aceptarán aquelas que xa tiveran sido publicadas ou premiadas.

Carlos López Font e Digna Rivas supervisan a reposición de Servizos na rúa Cubillón

O deputado provincial, Carlos López Font, e a deputada Digna Rivas visitaron esta mañá en Redondela as obras de reposición de servizos na contorna da Rúa Cubillón, en Chapela, actuacións que se executaron coas achegas do Plan Concellos 2017 da Deputación de Pontevedra. Na visita participou tamén o alcalde de Redondela, Javier Bas, así como varias concelleiras e concelleiros municipais.

Alumnado do obradoiro 'Redondela Vila Bela II' recupera a Praza da Alfóndiga

Cinco alumnas e cinco alumnos do Obradoiro de Emprego 'Redondela Vila Bela II', con idades comprendidas entre os 25 e os 59 anos, comezaron a arranxar nesta semana o enlousado da Praza da Alfóndiga, na zona vella de Redondela e Camiño de Santiago Portugués, deteriorado polo paso do tempo e, sobre todo, pola raíces dunhas acacias que se atopaban en cada esquina da praza e que foron taladas previamente.

'Sinha PACA' lamenta que o PP convirta o Pleno de Redondela nun 'reality show'

A Plataforma de Activistas Culturais e Artistas de Redondela, 'Sinha PACA' vén de facer pública un comunicado de prensa no que lamentan a "maldade, faltadas e malaeducación" amosada pola concelleira do PP, Carmen Amoedo, ao tratar a moción presentada pola plataforma que buscaba chegar a un punto de encontro dende o que reconducir a política cultural de Redondela. Segundo 'Sinha PACA' "o ton exaltado, bronco e marrulleiro que empregou Amoedo é un impedimento para a comunicación entre persoas".

'Oito olladas sobre a folga feminista do 8 de Marzo' enche Vilavella

O Pazo de Vilavella encheuse, no serán de hoxe, no acto de presentación do libro 'Oito olladas sobre a folga feminista do 8 de Marzo', unha asistencia masiva que era, ao mesmo tempo, unha clara resposta ao que se cualificou como "veto do alcalde Javier Bas" á que a Deputación puidera presentar este traballo literario nunha das salas baleiras do Multiúsos da Xunqueira. "Non hai posibilidade de poñer portas aos dereitos das persoas a ocupar o espazo público que non é patrimonio de ninguén. Iso fronte a quen cree cando goberna que é seu", aseguou a presidenta Carmela Silva.

O BNG de Redondela solicita información sobre "os fedores procedentes de Aucosa"

O Bloque Nacionalista Galego de Redondela, a través do seu portavoz Xoán Carlos González, vén de preguntar ao alcalde de Redondela, Javier Bas, sobre a problemática orixinada pola empresa produtora de fariñas a partires de sobras de peixe, ubicada na beiramar de Cabanas e que, segundo veciños e veciñas, orixina cheiros "que mesmo lles impediron abrir as fiestras". Logo de varias semanas dende a pregunta, o concelleiro nacionalista dí que o único que obteñen do Concello "é a calada por resposta".

‘Redondela VIII’ incrementará as oportunidade laborais de 100 persoas desempregadas

O director xeral de Orientación e Promoción Laboral, Alfonso Marnotes, visitou hoxe en Redondela aos alumnos e alumnas que están a formarse no Programa Integrado de Emprego (PIE) Redondela VIII, unha iniciativa cun ano de duración e cun obxectivo de inserción laboral que supera o 40 %. A Consellería de Economía, Emprego e Industria financia ao 80 % esta iniciativa, a través dunha axuda de 208.000 euros.

'Oito olladas sobre a folga feminista do 8-M', o xoves no Pazo de Vilavella

A xira de presentación da publicación 'Oito olladas sobre a folga feminista do 8 de marzo', editada por Galaxia e froito da iniciativa da Deputación de Pontevedra, chega este xoves, 7 de febreiro, ás 20.00 horas a Redondela. Tralo aprazamento do acto unha semana para evitar a súa coincidencia co pleno municipal e trala negativa do alcalde da vila, Javier Bas, a ceder un espazo no Multiusos de Redondela para acoller esta presentación, a Deputación de Pontevedra dará a coñecer a publicación no Pazo de Vilavella.

Suscribirse a este canal RSS