A Xunta contrata dous técnicos para mellorar as oportunidades das persoas desempregadas do Condado-Paradanta

O delegado territorial da Xunta en Pontevedra, José Manuel Cores Tourís, anunciou que a Consellería de Economía, Emprego e Industria investirá 550.000 euros na provincia de Pontevedra co obxectivo de reforzar o servizo galego de orientación laboral a través da contratación de 45 técnicos en 18 oficinas de emprego. Na comarca do Condado-A Paradanta serán 2 os novos orientadores profesionais, un na oficina de emprego de Ponteareas e outro na da Cañiza.

Cinco concellos do Condado-Paradanta recibirán 91.500 euros para contratar a persoas desempregadas

O delegado territorial da Xunta en Pontevedra, José Manuel Cores Tourís, destacou esta mañá a resolución da Consellería de Economía, Emprego e Industria pola que os Concellos de Covelo, Arbo, Mondariz, Mondariz Balneario e As Neves, poderán contratar a desempregados durante 9 meses a tempo completo, asumindo a administración autonómica o 100% dos custes salariais.

Mondariz pon en marcha 10 actividades formativas no ‘Plan Municipal de Formación 2017’

O Concello de Mondariz vén de poñer en marcha un total de 10 accións formativas dentro do «Plan Municipal de Formación 2017», iniciativa que ten como obxectivo mellorar a empregabilidade das persoas en situación de desemprego empadroadas no municipio ou mellorar as competencias laborais daquelas que son traballadoras en activo. Os cursos, todos eles de actividades que teñen unha alta demanda no mercado do traballo, desenvolveranse nos meses de novembro e decembro.

  • Publicado en Mondariz

Eva García e o presidente de Sogacsa, asinan un convenio de formación laboral

A alcaldesa do Porriño, Eva García de la Torre, e o presidente de Sogacsa, César Fernández Álvarez, asinaron este venres un convenio que permitirá que 15 persoas do Porriño en situación de desemprego, participen nun programa formativo, que combina instrución teórica e prácticas non laboráis, que terán coma finalidade a posibilidade de que os participantes nesta iniciativa, poidan entrar a traballar na propia empresa.

Malestar entre os traballadores do Concello ao enterarse da convocatoria dunha reunión “pola prensa”

Os traballadores e traballadoras do Concello de Ponteareas, que hoxe celebraron unha reunión no Salón de Plenos convocados polos sindicatos CCOO, AFIP e SPPME, amosaron o seu “fondo malestar” polo feito de enterarse “pola prensa escrita” da notificación para a reunión da Mesa Xeral de Negociación, que terá lugar o vindeiro luns, día 16 de outubro mentres que aos grupos sindicais, a estas horas, “aínda non se lles convocara”.

Suscribirse a este canal RSS