Mos

Feijóo visita a escola infantil «Trastes» da Asociación de Empresarios de Mos

O presidente do Goberno galego, Alberto Núñez Feijóo, vistou hoxe a escola infantil «Trastes» da Asociación de Empresarios de Mos á que o presidente puxo como exemplo do traballo “man a man” entre empresas, concellos e Administración autonómica, para xuntos, facilitar a conciliación, seguir creando recursos de atención á infancia e dar apoio económico ás familias que queren ter fillos; “para poñer, en definitiva, todas as facilidades económicas, fiscais e urbanísticas á disposición destes obxectivos”, dixo.

A Garda Civil desarticula un importante punto de venta de drogas en Mos

A Garda Civil vén de dar conta da desactivación dun punto de venda de drogas moi activo situado nun domicilio no municipio de Mos, onde se incautaron diferentes substancias estupefacientes preparadas para a súa venda, ademais de varias armas e unha importante suma de diñeiro froito da devandita actividade. As investigacións iniciáronse o pasado mes de decembro, cando os efectivos do Posto da Garda Civil de Mos tiveron coñecemento da venda de substancias estupefacientes na parroquia de Sanguiñeda, observando un repunte de aprehensións de droga no municipio.

Oposición das comunidades de augas ao macrocentro comercial da cidade deportiva do Celta

Os representantes das catro comunidades de usuarios de auga de Casal-Tameiga, Monte Baxiña, Sanguiñeda e Petelos-Tameiga, e a Comunidade de Montes Vecinaies en man común de Tameiga-Mos, veñen de esixir, nun comunicado de prensa, "a retirada da modificación puntual número un, do PXOM, que daría via libre a Mouriño e Nidia Arévalo, para expropiar o monte e a auga." A esixencia desta retirada da modificación do PXOM, foi tamén demandada por tódolos grupos da oposición no último preno municipal do pasado 28 de xaneiro.

Always Tenis de Mesa de Mos participará no torneo estatal de Valladolid

Samuel Pereiro Costas, propietario de Always T.M. de Sanguiñeda acompañará como Adestrador Nacional de Tenis de Mesa, ao xogador da categoría benjamín Brais Díaz do Club CRC Porriño, clasificado como 3º no Torneo Zonal da Estrada e 15º no Ránking español, para participar no Torneo Estatal que terá lugar do 15 ao 17 de Febreiro no Pavillón de Pisuerga (Valladolid) onde estarán os mellores xogadores benjamines de España, en competición individual por grupos segundo Ránking, e eliminatorias os mellores dos grupos.

COGAMI inicia un servizo de vivenda tutelada en Mos para persoas con discapacidade física

Cinco das corenta e dúas persoas usuarias do centro de recursos que a Confederación Galega de Persoas con Discapacidade ten en Mos (COGAMI), acudiron este luns ao centro coa maleta feita. Durante dous meses e medio, Ramón, Antonio, Vanesa, Nara e Araceli van ser compañeiras de vivenda, porque serán elas as encargadas de estrear un novo proxecto piloto de vivenda tutelada e totalmente adaptada en Mos.

Suscribirse a este canal RSS