A Guarda

A maxia do Nadal chega á Guarda

O Nadal chega á Guarda cunha extensa e variada programación de actividades que se presentaron este venres día 30 de novembro a concelleira de Cultura, Elena Baz; o alcalde da Guarda, Antonio Lomba e a concelleira de Turismo, Montserrat Magallanes. A programación, que se desenvolverá do 5 de decembro ao 6 de xaneiro abranque, entre outras actividades, teatro, animación musical polas rúas, concertos de panxoliñas, obradoiros de decoración, chocolatadas, pista de xeo, ou a Cabalgata de Reis.

Ata o 7 de decembro pódese visitar a exposición «Músicas da Terra» na Guarda

Ata o vindeiro día 7 de decembro pódese visitar a exposición de pintura «Músicas da Terra» na sala de exposicións do Centro Cultural da Guarda. A mostra, autoría do artista pontevedrés Álvaro Novegil «Alvarellos» inaugurábase o pasado 23 de novembro nun acto presidido pola concelleira de Cultura, Elena Baz, quen amosaba a súa satisfacción por poder contar, no municipio, "con esta interesante exposición de pinturas".

Unidade Móbil de Inspección Técnica de Turismos na Guarda

A Unidade Móbil 6 de Inspección Técnica de Turismos desprazarase ao Concello da Guarda do 03/12/2018 ao 05/12/2018 e do 10/12/2018 ao 17/12/2018 na Estación de Servizo San Roque (A Guarda). O horario habitual de atención será de 9:00 h a 13:30 h e 15:15 h a 18:00 horas de luns a venres agás o 17/12/2018 que será horario só de mañá.

Montse Fajardo abre as «Barferencias de Inverno» na Guarda

Sacar as charlas e conferencias de salas e auditorios nos que o público está distante da persoa que fala, buscar un entorno máis cotidiá e habitual é o obxectivo que perseguen as «barferencias» que escollen bares e cafeterías para debater e afondar sobre diversos temas nun ambiente íntimo e distendido. É este un formato que acadou grande éxito nas súas edicións anteriores e que, nesta nova edición, encargouse de abrir Montse Fajardo, autora do libro «invisibles».

A Guarda dixo non á Violencia de Xénero

O pasado domingo, con motivo do Día Internacional contra a Violencia de Xénero, un gran número de veciños e veciñas congregáronse na guardesa Praza do Reló para rexeitar publicamente calquera tipo de violencia e, en especial, as violencias machistas. O alcalde da Guarda, Antonio Lomba, era o encargado de dar lectura a un manifesto, onde deixaba claro que a Violencia de Xénero, "é a manifestación máis extrema da desigualdade e, polo tanto, un obstáculo para o desenvolvemento dunha sociedade democrática".

A Guarda anima á cidadanía a concentrarse contra a violencia machista este domingo

O Concello da Guarda, a través da Concellería de Igualdade e do Centro de Información á Muller (CIM), organiza este ano varias actividades para conmemorar o Día Internacional contra a violencia de Xénero, que se conmemora cada ano o 25 de novembro. As actividades arrancaron esta semana cunha gran implicación por parte do comercio, hostalaría e empresas en xeral do municipio, coa proposta de vestir de loito a vila, en sinal de dor por todas as mulleres que sofren violencia.

Suscribirse a este canal RSS