12.8 C
Pontevedra
Luns, 4 de Marzo de 2024
Máis
    HomeÉ NoticiaOs socialistas denuncian o abandono "á súa sorte" do ensino público e...

    Os socialistas denuncian o abandono “á súa sorte” do ensino público e as residencias de maiores durante a crise sanitaria

    David Regades subliña que “cunha Xunta de Galicia homologable” este non debería ser o momento de falar de Eleccións, senón de traballar pola saúde e o apoio aos colectivos máis sensibles

    O PSdeG-PSOE da provincia de Pontevedra acordou, na xuntanza do Comité Executivo Provincial (CEP) celebrada hoxe, expresar a súa máxima preocupación pola situación de abandono educativo do alumnado dos centros de ensino público, polo esquecemento da clase traballadora e o desamparo ao que están sometidas as persoas das residencias de maiores. En palabras do secretario xeral provincial, David Regades, “a Xunta, coa súa frialdade burocrática habitual, está a perpetrar un ataque a colectivos especialmente sensibles nesta crise”. A Executiva dedicou a súa primeira sesión telemática a facer un completo repaso á xestión e aos efectos da pandemia de Covid19. O primeiro acordo foi expresar o pesar polos falecementos durante a crise.

    O secretario xeral pontevedrés, David Regades, considera que cunha Xunta de Galicia homologable en termos de sensibilidade social, este non debería selo momento de falar de Eleccións, senón o de estar, todos a unha dende as Administracións Públicas, na defensa da saúde e dos servizos públicos. Ao tempo expresou a súa decepción co papel que está a xogar o presidente da Xunta de Galicia: “Feijoo converteuse nun “cronista de sociedade”, un líder que opta por non facer nada, por renegar das súas competencias para que nada lle critiquen, e que dedica o seu tempo a facer aparicións públicas televisadas para botarlle as culpas a outros”.

    Os socialistas pontevedreses valoraron o traballo diario do Goberno de España, que cualifican como excepcional. E moi especialmente, o “escudo social” con medidas como a protección da clase traballadora cos ERTE, prohibición de despidos, de cortes de servizos básicos, de desafiuzamentos, as moratorias no pago das hipotecas, apoio como nunca aos autónomos, ás peme e a inminente Renda Social para as familias con menores ingresos. “Todo pode mellorarse”, concluíu Regades, “pero a diferencia de xestión desta crise coa de 2008 por parte do PP está ben clara”.

    “A realidade é que son os concellos os que andan repartindo tabletas e portátiles e pagando as conexións á Internet ás familias sen recursos, porque a Xunta está ‘missing’, repartindo mascarillas con logotipo e pensando nas Eleccións”

    Os socialistas consideran que a Covid19 deixa un dano, aínda por aflorar na súa verdadeira dimensión, no alumnado de Primaria e Secundaria do Ensino público galego. A Xunta de Galicia fixo un desleixo absoluto da súa obriga de garantir o ensino a centos de miles de estudantes. Denuncian que o estudantado dos centros públicos foi privado do seu dereito a unhas aulas virtuais cun horario regular e homoxéneo para toda Galicia. Na meirande parte dos casos os nenos/as e mozos/as están a recibir só dúas clases ao día nun claro agravio comparativo con outras realidades. David Regades pregúntase onde estivo agochada a conselleira de Educación, Carmen Pomar. Considera absolutamente escandaloso que a Consellería de Educación non aprobase, nin publicase ningunha normativa específica para regular e ordenar as clases online, garantindo así a calidade educativa durante o curso. “Asistimos, coa escusa da Covid19, a un novo intento de danar o Ensino público e seguir apostando polo privado, polos amigos, polo modelo que tanto gusta ao Partido Popular e ao señor Feijoo”, conclúe.

    Regades esixe xa un plan de reforzo do profesorado, prevendo que no próximo curso tamén pode haber aulas telemáticas. Tras anos continuos de recortes, esixe da Xunta a contratación de máis docentes para garantir o dereito á Educación pública ao 100%. Ao tempo, considera urxente a elaboración “dunha foto fixa da brecha dixital”, unha listaxe dos estudantes que carecen de acceso a Internet en banda ancha e/ou de equipos informáticos nos seus fogares para que estes nenos e nenas dispoñan dos medios necesarios o próximo mes de setembro e con cargo aos Orzamentos da Xunta. “A realidade é que son os concellos os que andan repartindo tabletas e portátiles e pagando as conexións á Internet ás familias sen recursos, porque a Xunta está “missing”, repartindo mascarillas con logotipo e pensando nas Eleccións”.

    De igual maneira, a Executiva pontevedresa expresou a súa máxima preocupación polo drama que varreu as Residencias de Maiores nestes últimos dous meses, froito dunha década de xestión privatizadora. Os socialistas pontevedreses afirman que é un clamor o pasotismo da Xunta no control das Residencias e a falta de inspeccións rigorosas. O resultado é que unha cuarta parte das persoas falecidas pola Covid19 en Galicia estaban nunha residencia. Os socialistas esixen cambios lexislativos e un plan de medicalización inmediato e homologable, tanto nos centros públicos como nos privados “para que isto non volva suceder”.

    A Executiva Provincial do PSdeG-PSOE considera que esta crise sociosanitaria puxo sobre a mesa a urxencia imperiosa de defender os servizos públicos esenciais e non calar diante da dereita, que entende as privatizacións do Ensino, a Sanidade e a atención aos nosos maiores como un xeito eficiente de gobernar, “cando non son outra cousa que a concepción do público como oportunidade de negocio para os amigos e amigas das empresas de sempre”.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.