12.7 C
Pontevedra
Sábado, 23 de Outubro de 2021
Máis
    HomeÉ NoticiaCarlos Font, "a mentira compulsiva é o sinal de identidade do Grupo...

    Carlos Font, “a mentira compulsiva é o sinal de identidade do Grupo Popular na Deputación”

    O deputado provincial foi tallante: “É unha absoluta falacia. Menten sobre as dedicacións e menten sobre os soldos”

    O deputado provincial Carlos Font lamentou hoxe que o Grupo provincial do PP se dedique “ao exercicio da mentira compulsiva que xa é o seu sinal de identidade, co que agora pretenden enganar e confundir á opinión pública cando falan das dedicacións e dos salarios da corporación provincial”. O deputado foi tallante e mostrou a súa indignación. “É unha absoluta falacia e non o imos consentir. É tráxico que un partido condenado por corrupción, con ducias de dirixentes que roubaron a mans cheas, pretenda dar leccións de nada. O seu si que é unha indignidade”

    Font recordou que na corporación provincial hai unicamente 2 dedicacións exclusivas e 14 dedicacións parciais ”entre as que se atopan as 4 das deputadas e deputados do Partido Popular”. O deputado, que lembrou que estas dedicacións foron aprobadas polo pleno de organización da Deputación “co voto a favor do PP”, engadiu que “o que non hai con este goberno son cartos de libre disposición que si existían cando gobernaba Louzán, cartos cos que costeaban ceas e eventos de índole semellante”

    “Non saben nin ler un orzamento, non traballan e son dunha ignorancia supina. Os seus salarios si que lle saen caros a esta provincia”

    Font tamén se referiu á pretendida suba salarial da que “con tan pouca vergoña fala o PP”. “Volven mentir e con todo descaro e mostran unha ignorancia supina“. O deputado explicou que a suba dos salarios é do 0,9%, que foi a que aprobou o goberno de España para funcionarios e funcionarias públicas e asimilados/as. “Son tan ignorantes, dixo, que nin sequera saben que os salarios non se poden subir máis do que aproba o goberno do Estado”. “Amais, engadiu, como non len, non traballan e non estudian pois non se decatan de nada”. Carlos Font recordou que en 2020 o goberno de España aprobou unha suba salarial do 2% que non se contemplou no orzamento inicial da Deputación, “polo que se fixo unha modificación posterior para implementar os recursos necesarios”. “E o PP, demostrando a súa ignorancia, o que fai é unha comparativa de costes salariais deste ano con xaneiro de 2020, en vez de facela unha vez aprobada a modificación”. “Non saben nin ler un orzamento, dixo o deputado, os seus soldos si que lle saen carísimos a esta provincia”. Así que, concluiu Font, “menten coas dedicacións exclusivas e menten coa suba salarial. A diferencia de gastos de persoal da corporación para deputadas e deputados só sube 19.494 euros”.

    O deputado tamén lamentou que o PP non fale por exemplo da redución do coste do Gabinete de Presidencia, que baixa un 3%. “Diso non din nada, ironizou, non vaia a ser que a comparativa cos seus gobernos non lles saia moi favorable”. Font rematou dicindo que “sabíamos que a aparencia de oposición responsable duraría o que un caramelo ás portas dun colexio. Sempre volven ás súas esencias que é encher todo de lixo e ruído. Nese debate, concluiu, non nos van a atopar”.

    COLABORACIÓNS

    Sentir común

    Allá por el año 2014, el lema de una gran compañía "gallega" se dejó sentir por nuestro pueblos y ciudades. Si os fijáis, lo he puesto entre comillas lo de gallega porque, de eso, lo único que tiene es el dinero de todos nosotros. Comencemos por el principio y no vamos a dar nombres porque la mayor parte de nuestros lectores ya saben o empiezan a intuir a lo que nos vamos a referir.

    Ácido y Caracola

    Todo comenzó hace muchos, muchos años, cuando Caracola aun vivía feliz, en el fondo del mar. De todas las princesas marinas que habitaban en las profundidades, ella era la más querida y la preferida de Océano, el Señor de todos los mares, y como tal, poseía todo aquello que pudiera desear

    Francisco Castro, «O cemiterio de barcos»

    Francisco Castro regresa de novo á novela xuvenil, un territorio no que xa ten demostrado que se desenvolve con soltura, para presentarnos unha narración que se move en dous planos diferentes.

    Bizcocho de plátano

    No sé si consumir plátano canario en este momento puede ser una pequeña ayuda a los palmeros que están pasando por esta situación tan dolorosa, que desde aquí cuesta imaginar; pero si con esto podemos aportar un granito de arena, lo haremos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    46 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS