19.3 C
Pontevedra
Venres, 17 de Setembro de 2021
Máis
    HomeÉ NoticiaAreeiro recomenda a constante revisión das viñas para detectar e frear posibles...

    Areeiro recomenda a constante revisión das viñas para detectar e frear posibles síntomas do mildio

    O centro dependente da Deputación tamén advirte da necesidade de revisar os buxos ante a posible necesidade de tratamento contra a bolboreta

    A Estación Fitopatolóxica Areeiro, centro dependente da Deputación de Pontevedra (Areeiro), vén de lanzar un novo aviso fitosanitario no que recomenda unha revisión constante das viñas con motivo da favorable situación para o desenvolvemento do mildio, ante as condicións de inestabilidade meteorolóxica previstas para os vindeiros días.

    O persoal técnico do centro incidiu en que nas visitas a algunhas viñas da rede de seguimento observáronse as primeiras manchas de mildio, concretamente na viña de Areeiro (que aínda non fora tratada nesta campaña) e noutra que xa contaba cunha aplicación funxicida, así como tamén nalgunha que non pertence á rede. Amais, persoas viticultoras advertiron tamén da detección dalgunhas manchas non só en albariño senón tamén nalgunha variedade tinta. Neste senso, desde Areeiro sinalan que o tempo está húmido, relativamente cálido e moi cambiante, e que as predicións para os vindeiros días manteñen condicións de inestabilidade e con temperaturas mínimas altas, na contorna dos 11-13 graos, polo que advirte da necesidade da constante revisión das viñas, aínda que se estea dentro do período de protección teórico do tratamento anterior, para poder detectar posibles síntomas novos que deben ser freados debido a que as viñas están xa nun estado fenolóxico (con acios visibles/separados), onde síntomas mal controlados poden ter impacto na potencial colleita.

    Engade Areeiro que debido ao tempo chuvioso, a adición dun mollante ao caldo favorecerá a distribución e a adherencia do produto ás plantas. Amais, lembra que cos produtos que se soen empregar nestes momentos (sistémicos, penetrantes) pódese intervir sempre que a viña estea seca e que pasen de unha a dúas horas despois da aplicación sen que se produzan precipitacións .

    Primeiras crisálides da chamada Cydalima perspectalis nos buxos.

    Doutra banda, respecto a outros parasitos da viña, o aviso advirte da presenza, de xeito localizado, de poboacións bastante importantes de pedroulo nalgunhas viñas do Salnés. E realizáronse as primeiras capturas de  Lobesia botrana nas trampas, observáronse síntomas de erinose e abundantes caracois nalgunhas viñas.

    O aviso fitosanitario volve referirse á bolboreta do buxo. Deste xeito, o persoal de Areeiro indicou que  comezaron a atoparse as primeiras crisálides da chamada Cydalima perspectalis nos buxos, pero aínda é posible observar eirugas alimentándose, polo que de momento é preciso continuar as revisións das plantas para determinar se hai necesidade de tratamento (se os síntomas continúan avanzando mailas intervencións realizadas).

    COLABORACIÓNS

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Illote Areoso, paraíso natural

    Último domingo del mes de agosto y aquí estoy de nuevo para compartir con vosotros un pedacito de mis aventuras. Hoy os dejo un planazo sin salir de la provincia de Pontevedra: una visita al Illote Areoso.

    Peregrinos xacobeos na cidade de Tui (XIII). O nobre polaco, Xacobe Sobieski de Janina en 1611

    Nos capítulos que vimos recollendo nesta sección sobre peregrinos xacobeos que deixan referencía á cidade de Tui nos seus relatos ou diarios nos que recollen a súa experiencia, abordamos hoxe a figura doutro peregrino chegado dende terras ben afastadas. Trátase dun nobre polaco, Xacobe (Jakub) Sobieski de Janina, foi...

    Colaboradores

    Alberto Aliaga Sola
    11 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS