20.5 C
Pontevedra
Venres, 23 de Xullo de 2021
Máis
    HomeÉ NoticiaA Deputación lanza a sexta edición de DepoEmprende na escola, na ESO...

    A Deputación lanza a sexta edición de DepoEmprende na escola, na ESO e na FP

    O goberno provincial ven de aprobar as bases da iniciativa, que ten por obxectivo fomentar a cultura emprendedora entre o alumnado de Primaria, Educación Especial, a ESO e a Formación Profesional

    Só unha semana despois da finalización da súa última edición, a Deputación de Pontevedra lanza a nova e sexta convocatoria de Depoemprende na Escola, na ESO e na FP, o programa co que busca fomentar a cultura emprendedora entre o alumnado de Primaria, Educación Especial, a ESO e a FP da provincia. O goberno ven de aprobar as bases da convocatoria 2021-2022 desta iniciativa que, como sinalou a presidenta Carmela Silva, quere “fomentar mentes creativas e emprendedoras nos centros educativos”

    O programa está dividido en tres proxectos. “DepoEmprende na Escola” vai dirixido ao alumnado de educación primaria (5º ou 6º curso) e de Educación Especial, que crearán e xestionarán unha cooperativa na que fabricarán produtos para a súa venda. “DepoEmprende na ESO” está enfocado a mozos e mozas de 15 a 16 anos (4º da ESO) que crearán tamén cooperativas nas que distribuirán produtos adquiridos de empresas provedoras e porá en práctica capacidades de negociación, decisións, comunicación e resolución de conflitos. “DepoEmprende na FP” está dirixido ao alumnado de Formación Profesional de Grao Medio ou Superior, que desenvolverá proxectos empresariais para potenciar a adquisición de competencias e aptitudes relacionadas co emprendemento.

    A novidade do vindeiro curso estará en Depoemprende na Escola, onde o número máximo de centros participantes será de 12, fronte aos 10 da anterior edición. Doutra banda, será de 10 centros nas modalidades de ESO e da FP. A partir da publicación das bases no BOPPO os centros educativos xa poderán solicitar a súa adhesión e terán de prazo ata o 30 de setembro.

    Nas cinco edicións anteriores deste programa de emprendemento da Deputación participaron un total de 2.680 alumnos e alumnas de 104 centros educativos da provincia

    COLABORACIÓNS

    Clafoutis, un postre clásico francés a base de cerezas

    Os presento uno de los postres más conocidos de la repostería francesa, el Clafoutis. Un postre sencillo, con una elaboración y una combinación de ingredientes que le dan una textura y sabor exquisitos. La combinación de almendra y cereza veréis que es realmente deliciosa.

    Tranquila, solo va a nacer tu hijo

    La tecnología nos permite realizar cosas impensables hace unos años. Los avances en disciplinas emergentes (robótica, bioinformática, telecomunicaciones…) hacen nuestra vida más fácil a costa de que dejemos de pensar, trabajar, relacionarnos y esforzarnos física y mentalmente.

    Aposta polo teatro

    A editorial Galaxia vén de inaugurar unha nova colección á que non podemos máis que darlle a benvida, pois vai estar centrada no teatro galego contemporáneo. A pesar de todo o talento que este país manifesta a diario neste eido, en distintos estilos e nos seus máis variados aspectos, o certo é que a publicación de pezas teatrais era ata o de agora tan escasa que case podiamos considerala unha rareza.

    Colaboradores

    Alberto Aliaga Sola
    8 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    2 POSTS0 COMMENTS
    Manrique Fernández
    42 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS