4.2 C
Pontevedra
Sábado, 28 de Xaneiro de 2023
Máis
    HomeÉ NoticiaA Deputación convoca unha nova edición dos cursos de español para persoas...

    A Deputación convoca unha nova edición dos cursos de español para persoas inmigrantes

    A institución provincial volverá celebrar tres cursos, dous en maio e un en setembro, dirixidos a que os e as participantes poidan superar o exame DELE A2, requisito indispensable para que logo poidan obter a nacionalidade española

    A Deputación de Pontevedra acaba de convocar unha nova edición, a cuarta, dos cursos de español para inmigrantes, unha actividade formativa que está dirixida a que as persoas participantes poidan superar o exame DELE A2 expedido polo Instituto Cervantes, unha proba que é requisito indispensable para que poidan solicitar logo a nacionalidade española.

    Esta proba require unha preparación previa e ten un custo económico que dificultan o acceso á nacionalidade española para un determinado sector da poboación, o que complica o seu proceso de integración na provincia como cidadanía de pleno dereito e favorece procesos de exclusión social. Por esta razón, a Deputación decidiu hai tres anos poñer en marcha estas actividades formativas, nas que se subvenciona o custo da formación e tamén o da matrícula no DELE A2. Deste xeito, se da apoio á consecución desta titulación a poboación de países ou territorios non hispanofalantes e se promove a súa integración. Nas tres edicións anteriores, os cursos tiveron un total de 180 participantes.

    A nova convocatoria prevé o desenvolvemento de tres cursos, dous en Vigo e un en Pontevedra, que terán lugar nos meses de maio e setembro e para os que existen 55 prazas en total. As persoas destinatarias son inmigrantes en situación administrativa regular, maiores de 16 anos, que precisen superar o exame DELE A2 para a obtención da nacionalidade española.

    Do 18 ao 29 de maio se desenvolverán de xeito simultáneo os dous primeiros cursos, un no Edificio Administrativo da Deputación de Pontevedra e outro nas oficinas da Deputación en Vigo. Estes cursos, que terán ademais sesións de repaso do 7 ao 10 de setembro, teñen 40 horas de duración e vinte prazas cada uno. O terceiro dos cursos celebrarase na cidade olívica, na mesma sede da Deputación, do 14 ao 25 de setembro (os días de repaso son do 9 ao 12 de novembro), con 15 prazas.

    Os cursos estarán impartidos por persoal docente do Centro de Linguas da Fundación Universidade de Vigo e, tras finalizar o período de formación, o alumnado examinarase da proba DELE A2 o 11 de setembro (no caso das persoas que os realizaron en maio) e o 14 de novembro en Vigo.

    As solicitudes para participar nestas actividades deberán presentarse no rexistro xeral da Deputación, en calquera das súas oficinas e no rexistro electrónico (sede.depo.gal). O prazo para a presentación de solicitudes será do 4 ao 25 de marzo.

    No pasado 2019, o 87,8 % do alumnado que realizou estes cursos de español aprobou o exame do DELE A2, un dato que a institución provincial considera moi positivo, sobre todo ao ter en conta que as persoas que se presentan a estas actividades teñen que compatibilizar a formación e os estudos co seu traballo ou as súas cargas familiares, para as que non teñen apoio.

    COLABORACIÓNS

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Isabel Blanco, «Bambú»

    Xa comentamos nalgunha ocasión neste mesmo espazo que os límites entre xéneros literarios estanse a difuminar de maneira progresiva e que os autores e autoras contemporános pescudan sen apuro nese terreo bretemoso que son as lindes entre narrativa, teatro e poesía.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS