21.6 C
Pontevedra
Martes, 27 de Setembro de 2022
Máis
    HomeVal MiñorNigránO Templo Votivo do Mar, en Panxón acollerá en xuño o 'I...

    O Templo Votivo do Mar, en Panxón acollerá en xuño o ‘I Certame Internacional de Corais de Galicia e o segundo de España

    O prazo para inscribirse ao concurso 'Ars Canendi: As voces do camiño' está aberto ata o 20 de abril e as bases específicas están publicadas na web do Concello de Nigrán

    O Concello de Nigrán celebrará o 27 de xuño no Templo Votivo do Mar (Panxón) o ‘I Certame Internacional de Música Coral Ars Canendi: As voces do Camiño’, constituíndose así como o primeiro concurso internacional de Galicia e o segundo de España (Tolosa). As bases específicas están publicadas nesta ligazón da web do Concello e os interesados dispoñen ata o 20 de abril para inscribirse, seleccionando finalmente o Concello segundo criterios técnico-musicais un máximo de cinco agrupacións participantes.

    O obxectivo do Concello é congregar anualmente nesta cita ás mellores formacións do país e do estranxeiro, xa que precisamente o sur das Rías Baixas reúne o maior número de coros de toda Galicia e, ao mesmo tempo, nesta comarca teñen xurdido nos últimos anos importantes formacións distinguidas con premios nacionais e que xa sitúan á musica coral da comunidade como referente en España.

    Serán seleccionadas cinco corais que interpretarán 4 pezas, unha delas a obra inédita ‘Ave Maris Stella’ composta ex-profeso polo director Javier Fajardo para este concurso que terá unha periodicidade anual

    “Queremos que Nigrán sexa unha referencia nacional e mesmo internacional no que se refire a música coral de calidade. Contamos con numerosos coros no municipio e na contorna e a través deste certamen promoveremos o intercambio de estilos, interpretación, literatura coral, educación vocal e mesmo daremos a coñecer a tradición musical e cultural galega”, sinala Nuria Lorenzo, edil de Cultura.

    O Concello de Nigrán abonará os gastos de desprazamento a cada agrupación coral participante e, ás de fora da península, se lles facilitará aloxamento no CEE de Panxón. O certame conta cun primeiro premio de 3.000 €, segundo de 2.000 €, terceiro de 1.000 € e, finalmente, 500 € á mellor interpretación da obra que obrigatoriamente deben interpretar, ‘Ave Maris Stella’, un tema inédito composto ex-profeso para o certame polo compositor e director coral galego Javier Fajardo e que fai referencia á virxe do Carme, a quen se consagra o templo. A maiores, as corais deberán executar unha obra sacra do Renacemento ou Barroco, outra do Clasicismo ou Romanticismo e, finalmente, unha peza composta a partires de 1950.

    Os premios fallaranse ao día seguinte, domingo 28, ás 12:00 horas no Auditorio Municipal. Será un xurado de recoñecido prestixio quen avalíe ás formacións segundo execución técnica, afinación, interpretación de estilo do repertorio, expresión, variedade e calidade …

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS