13.3 C
Pontevedra
Martes, 21 de Maio de 2024
Máis
    HomeVal MiñorNigránO Concello de Nigrán construirá un campo de fútbol 7 homologado no...

    O Concello de Nigrán construirá un campo de fútbol 7 homologado no terreo ao carón do Centro Cultural A Camoesa, na parroquia de Camos

    O Concello de Nigrán disporá dun campo de fútbol nos terreos onde se ubica o Centro Cultural A Camoesa, respondendo así a unha vella demanda da asociación de veciños da parroquia de Camos. Con este obxectivo, dispón xa do proxecto aprobado e dun orzamento de 287.646 € a cargo do ‘Plan + Provincia’ da Deputación de Pontevedra, polo que as obras sairán a licitación nas vindeiras semanas.

    “A veciñanza pediunos habilitar un lugar en Camos onde a rapazada poida practicar este deporte e consideramos todos que este é o mellor sitio posible polas súas condicións topográficas e, sobre todo, por ser un centro de reunión xa establecido, por iso temos que agradecer á Comunidade de Montes a cesión do terreo para este fin”, explica o alcalde, Juan González, sobre esta superficie ao carón do Centro Cultural (rúa dos Pazos, 121) e onde xa existía un campo de fútbol 11 en condicións impracticables desde hai anos.

    Así, o proxecto consiste en empregar ese terreo para habilitar coa mesma orientación, e no seu estremo Este, un novo campo de fútbol 7 de 50×30 metros acorde na súa totalidade coa normativa NIDE do Consejo Superior de Deportes, polo que será un campo de fútbol 7 homologado. O terreo de xogo será céspede sintético de última xeración, de 60 mm de espesor, e co mesmo pavimento disporá de bandas exteriores de 1,5 metros e lonxitudinais de 2,5 metros. Esta ubicación do campo de fútbol permite que o espazo de xogo de bolos se manteña na mesma ubicación sen ningún tipo de afección, así coma a pista deportiva valada e o parque infantil (a parcela total onde se ubica o Centro Cultural A Camoesa é de 12.504 m² e a superficie de actuación aproximada non supera os 3.000 m²). Ademais, a instalación será iluminada mediante 8 grandes focos de tecnoloxía LED en aras da mellora da eficiencia enerxética.

    “O campo de fútbol 7 complementará as instalacións existentes, polo que este lugar vai a ser un polo de atracción tamén para a mocidade da parroquia, un espazo realmente interxeracional dentro do Nigrán para todos que sempre buscamos”, resume o alcalde.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.