19.5 C
Pontevedra
Domingo, 18 de Abril de 2021
Más
    HomeVal MiñorGondomarA Deputación dá vía libre á contratación do novo proxecto de humanización...

    A Deputación dá vía libre á contratación do novo proxecto de humanización en Gondomar

    O Goberno aprobou o expediente para contratar as obras na interconexión entre as rúas San Bieito e Emigrante coas estradas provinciais de Peitieiros e Chaín-Morgadáns

    O Goberno da Deputación de Pontevedra ven de aprobar o expediente para a contratación de novas obras de humanización en Gondomar, que se desenvolverán en concreto na interconexión entre as rúas San Bieito e Emigrante coas estradas provinciais de Peitieiros e Chaín-Morgadáns. O orzamento desta actuación acada os 271.769 euros e financiarase a través dun convenio entre a institución provincial e o Concello, de xeito que a Deputación asumirá o 70% do coste e o Concello o 30% restante.

    A presidenta Carmela Silva destacou que o proxecto ten por obxectivo “darlle prioridade e maior seguridade á veciñanza e viandantes das rúas San Bieito e Emigrante e aos tramos iniciais dos viarios provinciais EP2302 en dirección a Peiteiros e EP 2301 cara a Chaín e Morgadáns, que unen o casco urbano de Gondomar con estas parroquias”. Deste xeito, dáse continuidade tamén á gran transformación urbana que está a experimentar este concello. Máis polo miúdo, as actuacións inclúen a ampliación e construción de beirarrúas –que como mínimo van manter un ancho xeral de 2,5 metros- e a renovación de servizos como o alumeado público, recollida de pluviais e residuais e a canalización das instalacións de enerxía, alumeado e comunicacións.

    A presidenta provincial expresou a súa satisfacción  porque “certamente a Gondomar non hai quen o coñeza –resaltou -. Levamos 5 anos gobernando nesta Deputación, o mesmo tempo que leva o alcalde, e este concello agora é un pobo para a xente. Antes era unha vía pola que se transitaba para ir dun lugar a outro cunha infraestrutura que o atravesaba e que facía que non houbera espazo público, e agora a transformación é brutal. Realmente Gondomar ten agora unha beleza extraordinaria en soamente cinco anos. Para isto serven as administracións públicas e non para estar todo o rato confrontando sen aportar nada”.

    As obras tamén incluirán a habilitación de novos pasos de cebra elevados e se prevé, amais, a realización dun muro de contención entre o inicio da EP 2302 e a EP 2301 para habilitar unha beirarrúa de paso ata a parada de autobuses, a fin de “dar seguridade á xente que transita”, así como a pavimentación das calzadas con solado de adoquíns, “unha estética que embelece estas grandes vilas da nosa provincia”.

    Tortilla mexicana de interior gallego, o cómo aprovechar sobras de una laconada o un cocido (y sin gluten)

    Seguro que conocéis el famoso anuncio de una crema de chocolate en el que se cantaban los ingredientes: leche, cacao, avellanas y azúcar... ¡Na na na! Pues yo os propongo cantar también los ingredientes de nuestra sencillísima receta de hoy y, además, en vez de contaros cómo hacerla, os envío un vídeo rapidísimo en el que queda muy claro el proceso.

    Arroz de coliflor con verduritas

    No, la coliflor no es aburrida. ¿Recordáis que hace un tiempo hicimos una pizza con la base hecha con coliflor? Pues hoy vamos a hacer unas verduritas con un “arroz de coliflor”.

    Teresa Ríos Noya, «Non estamos preparados para medrar»

    Que a poesía de base é unha marmita na que se van aliñando os nomes que mañá serán referente da nosa escrita, é algo que moi poucos poñen en dúbida a estas alturas da vida. E o caso que nos ocupa vén ser un exemplo máis de tal afirmación. Teresa Ríos deuse a coñecer ao abeiro do grupo poético e literario Versos de Areas, xurdido en Ponteareas un par de anos atrás.

    Colaboradores

    Alberto Aliaga Sola
    3 POSTS0 COMMENTS
    Ángel Covelo
    6 POSTS0 COMMENTS
    Jhonathan Zúñiga
    3 POSTS0 COMMENTS
    Lucía Alonso
    9 POSTS0 COMMENTS
    Manrique Fernández
    36 POSTS0 COMMENTS
    Paz de la Peña
    30 POSTS0 COMMENTS
    Ricardo Canosa Bastos
    12 POSTS0 COMMENTS
    Roberto Mera
    1 POSTS0 COMMENTS