12.8 C
Pontevedra
Venres, 30 de Setembro de 2022
Máis
    HomeVal MiñorBaionaBaiona realiza labores de limpeza de espazos verdes e rozado de vías...

    Baiona realiza labores de limpeza de espazos verdes e rozado de vías de titularidade municipal

    Os traballos comezaron esta semana en Sabarís e na senda fluvial de Baredo. O Concello procede tamén á limpeza e acondicionamento do casco urbano

    Dende o pasado luns, 18 de maio, o Concello de Baiona iniciou os traballos de roza nas vías de titularidade municipal e nos espazos verdes do municipio de cara a que, agora que o permite a actual situación de desconfinamento, veciños e veciñas poidan gozar espazos limpos e perfectamente preparados tanto para realizar os seus desprazamentos coma o seu tempo de lecer.

    As labores de limpeza iniciáronse na senda fluvial de Baredo para continuar en Sabarís, onde se procedeu ao rozado de parte dos camiños da parroquia, labores que proseguirán nas vindeiras semanas ata completar a totalidade do municipio.

    Cómpre salientar que a situación de alerta sanitaria orixinada pola crise da COVID-19, obrigou ao Goberno local de Baiona a pasar a un estado de servizos mínimos, pospoñer estas labores de roza e destinar ao persoal municipal “a labores de atención á veciñanza para afrontar a situación de emerxencia que se estaba a vivir”.

    O alcalde Carlos Gómez, salientou que, en canto as condicións o permitiron, “comezouse cos traballos coa antelación suficiente para que, coa chegada da época estival, Baiona presente o seu mellor aspecto tal e como corresponde a un punto de referencia turística non só de Galicia, senón de España”.

    A contribución do Concello ao desenvolvemento e dinamización económica do municipio, “pasa tamén por iniciativas como esta que contribúen a reforzar a imaxe turística do noso municipio e a unha reactivación do seu sector produtivo”.

    Casco urbano

    Doutra banda, persoal do Concello de Baiona procede, tamén dende o pasado luns 18 de maio, á limpeza e acondicionamento das rúas do casco urbano con vistas á entrada, o vindeiro luns 25 de maio, na Fase 2 do proceso de desescalada que permite unha maior liberdade na mobilidade das veciñas e veciños.

    Os traballos centráronse a zona dos Tendais, nas rúas Ramón y Cajal, Jerez de la Frontera, Marqués de Quintanar e Tomás Mirambell, coa finalidade que presenten o mellor aspecto posible de cara a seu uso por parte da veciñanza.

    A progresiva volta á denominada Nova Normalidade, sinala o alcalde de Baiona, Carlos Gómez, “permite que o Concello, ata agora en servizos mínimos e centrado na atención da cidadanía ante a situación creada pola COVID-19, poida ir retomando, pouco a pouco, estas labores habituais”.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS