28.4 C
Pontevedra
Luns, 22 de Xullo de 2024
Máis
    HomeVal MiñorBaionaBaiona organiza mañá xoves "Peregrinarte", o primeiro festival peregrino

    Baiona organiza mañá xoves “Peregrinarte”, o primeiro festival peregrino

    O Concello de Baiona organiza o primeiro “Festival Peregrino: Peregrinarte” pensado para potenciar o Camiño Portugués da Costa entre a veciñanza, os peregrinos e os visitantes.

    A novidosa actividade celebrarase este xoves 31 a longo de todo o día. O evento inclúe “PereginArte”, un espazo no que participar toda a familia e creado para interactuar entre os nenos e nenas coas súas familias e os peregrinos que transcurren polo Camiño Portugués da Costa ao seu paso pola vila.

    Así, os diferentes obradoiros para todos os públicos estárán organizados en distintos lugares polos que transcurre o camiño en horario de 12:00 a 14:00 h e outro de 19:30 a 21:30 horas. Un total de 6 obradoiros de temática variada, nunha quenda de mañá e outra de tarde, en 4 localizacións: xardíns da Biblioteca, praza do Concello, xardíns da Casa da Navegación e Fonte de Ceta. Non é necesaria a inscrición previa.

    Xa pola noite, a partir das 22.00 horas, dará comezo o espectáculo “Camiñantes e cantantes. 30 anos de Camiño con La Ocaband” contando tamén coa participación de Pepo Suevos, Manuel Manquiña e Pili Pampín. Será no Parque da Palma, onde a medianoite pechará o festival o Bruxo Queimán co seu espectáculo “Queiman Folk!”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.