A Casa do Concello de Redondela iluminouse de cor azul para conmemorar o Día Mundial da Diabete, que se celebra hoxe 14 de novembro. Con este acto o Concello pretende concienciar á cidadanía e visibilizar esta enfermidade que en Galicia padecen máis de 350.000 persoas.
O Día Mundial da Diabete, que se conmemora desde 1991 pola Organización Mundial da Saúde (OMS), ten como obxctivo dar a coñecer as causas, os síntomas, o tratamento e as complicaciones asociadas á enfermidade.
A diabete é unha enfermidade crónica, na que o organismo non é capaz de regular o nivel de glicosa. Co tempo pode afectar a calquera órgano, ocorrendo complicacións de infarto de miocardio, accidentes cerebrovasculares, insuficiencia renal, cegueira, neuropatías ou pé diabético.