A Casa de Papá Noel xa ten as súas portas abertas para que os nenos se acheguen á Alameda de Castelao, onde poderán conversar con el e facerlle as súas peticións para este Nadal.
Ata o día 23 de decembro estará todas as tardes, de 17 a 19:30 horas. O día 24 de decembro o horario será de mañá, de 11 h a 14 horas. Papá Noel tamén recibirá á rapazada en Chapela, na alameda Rosalía de Castro os días 22 e 23 de decembro de 17.00 a 19.30 horas e o día 24 de 11.00 a 14.00 horas.
Papá Noel visita as parroquias
Para que ningún neno quede sen ver a Papá Noel, esta entrañable figura do Nadal tamén se desprazará ás demais parroquias. Desde mañá martes, día 19, e ata o 22 Papá Noel achegarase na súa carroza a todos os recunchos do municipio de 16.00 a 20:30 horas. Mañá comezará en Cesantes, en Campo San Pedro de 16.00 a 16.30 horas, no Centro Cultural de 16.45 a 17.15 horas, no Viso no Centro Cultural de Soutoxuste de 17:30 a 18:00 horas, no Centro Cultural de Saramagoso de 18:15 a 18:45, en Ventosela no Centro Cultural de 19:15 A 19:45, no cruce estrada Vilar do Mato, da Igrexa de Ventosela e de Castiñeira de 20:00 a 20:30 horas. O mércores día 20 Papá Noel estará en Reboreda no Centro Cultural, na Igrexa, en Quintela no torreiro da Igrexa, en Saxamonde na antiga escola, no camiño Albarroz, camiño da Vía Vella e en Redondela na rúa Alfonso XII e na praza da Constitución.
Obra de teatro: “O apalpador busca axudante”
Tamén chegará desde as montañas o Apalpador, figura lendaria da tradición de Nadal galega que por primeira vez visitará aos nenos e nenas de Redondela, será o día 23 de decembro ás 18.00 horas na praza do Concello. Trátase dun espectáculo teatral dunha hora de duración con xogos interactivos para os nenos e nenas. Neste divertido espectáculo ata haberá un “cásting” no que o Apalpador, un carboeiro que traballa só, busca axudantes para apañar castañas.
