18.3 C
Pontevedra
Martes, 16 de Agosto de 2022
Máis
    HomeComarcasRedondelaO Goberno de Redondela e as asociacións veciñais analizan 'in situ' os...

    O Goberno de Redondela e as asociacións veciñais analizan ‘in situ’ os problemas do transporte interurbano

    A alcaldesa Digna Rivas e o concelleiro Alberto Álvarez percorreron a ruta que antes cubría a liña 28 de Vitrasa, e que hoxe realiza Autos González, con representantes das AAVV de Cabeiro, San Esteban de Negros, Vilar de Infesta, Trasmañó e Chapela

    A alcaldesa de Redondela e o concelleiro Alberto Álvarez acompañaron na mañá de onte a representantes das asociacións veciñais de Cabeiro, San Esteban de Negros, Vilar de Infesta, Trasmañó e Chapela, nun percorrido en autobús que os levou pola ruta que, ata o mes de febreiro cubría a liña 28 de Vitrasa e que agora cubre Autos González.

    O obxectivo desta viaxe era poder analizar, in situ e polo miúdo, tanto o percorrido como as frecuencias e os lugares de parada porque, sinalou a alcaldesa Digna Rivas, “ninguén mellor que as veciñas e veciños que utilizan diariamente o transporte público, para dar conta das posibles melloras ou a distribución das paradas”.

    Dende ese punto de vista, a ruta que hoxe realizaron os representantes veciñais, e os representantes do Concello, servirá a empresa para realizar, dentro do posible, os cambios demandados pola veciñanza para un mellor aproveitamento do servizo de transporte público interurbano.

    Nun municipio con parroquias densamente poboadas, como é Redondela, “dispoñer dun servizo de transporte público áxil e adaptado ás necesidades da cidadanía, é fundamental para mellorar a calidade de vida da veciñanza do rural”, apunta a rexedora local.

    A alcaldesa redondelá lembra que días despois de facerse o cambio no transporte interurbano, mantivo unha reunión de traballo co xefe territorial de Infraestruturas e Transporte da Xunta de Galicia, José Luis Díaz Yáñez “para coñercer polo miúdo os cambios de liñas e como estes cambios ían a afectar ás veciñas e veciños de Redondela”.

    A reunión, matiza Digna Rivas, fora solicitada pola Alcaldía “logo de que a Xunta, nunha actitude incomprensible, informara ao Concello redondelán dos cambios de liñas dúas semanas despois da súa posta en marcha e logo das peticións insistentes de información por parte do Goberno local”.

    Tras o percorrido de hoxe, analizaranse os datos recollidos de cara a presentar un informe conxunto –asociacións, empresa e Concello– á Xunta de Galicia para que autorice as modificacións sinaladas en dito informe.

    Con todo isto, “conseguirase unha optimización do servizo beneficiosa tanto para a veciñanza como para a propia empresa concesionaria, ao poder axustarse mellor ás necesidades de usuarios e usuarias”, remata sinalando a alcaldesa Digna Rivas.

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS