11 C
Pontevedra
Venres, 3 de Maio de 2024
Máis
    HomeComarcasRedondelaO alumnado do Programa de Emprego de Hostalaría e Cociña brilla na...

    O alumnado do Programa de Emprego de Hostalaría e Cociña brilla na recepción de Nadal do Concello

    O alumnado traballador do Programa de Emprego de Redondela TIC III, na modalidade de Hostalaría e Cociña, traballou moi duro xunto as súas mestras para presentar o seu primeiro traballo: a preparación e servizo dos petiscos de Nadal do Concello de Redondela.

    Na finca Tátaba, onde se celebra o Obradoiro, tivo lugar a pasada semana, a tradicional celebración de Nadal do Concello de Redondela para festexar estas datas cos traballadores municipais. O alumnado do programa de emprego sorprendeu aos convidados cunha divertida selección de tapas e canapés que non deixaron a ninguén indiferente: pizza de polbo, mexillóns tigre, rolos de salmón, canapés de espinaca e queixo e outras moitas delicias. Non faltaron as sobremesas con leite frito, torta de queixo ou doce de mazapán, con opcións para todos os gustos. Alumnas do Obradoiro de Marketing Dixital encargáronse tamén de recoller imaxes do evento, e días antes fixeron tamén unha reportaxe dos preparativos.

    A alcaldesa, Digna Rivas, aproveitou o acto para felicitar a todo o alumnado e ás súas mestras polo gran traballo realizado “ que superou as mellores expectativas”. Este era o primeiro traballo destes mozos e mozas, que seguirán formándose neste programa de emprego que ten unha duración total dun ano.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.