19.8 C
Pontevedra
Luns, 15 de Xullo de 2024
Máis
    HomeComarcasRedondelaO alumnado do CEIP de Angorén visita o Nadal de Vigo

    O alumnado do CEIP de Angorén visita o Nadal de Vigo

    Todo o alumado do CEIP Angorén, desde Infantil ata 6º de Primaria visitou onte a cidade de Vigo para coñecer o alumeado de Nadal e inmobles emblemáticos da urbe como o edificio de Correos. Máis de 120 nenos que, acompañados dos seus mestres e mestras, gozaron da maxia do Nadal e de lugares destacados do urbanismo vigués como a propia Porta do Sol. A alcaldesa de Redondela, Digna Rivas, e o concelleiro de Ensino, Iván Valles, acompañáronos en parte desta visita. Os escolares foron recibidos tamén ao pé da árbore de Nadal “máis grande do mundo” polo rexedor vigués Abel Caballero, que se achegou a saudalos.

    A alcaldesa Digna Rivas destacou a boa organización da escola nesta saída, xa que ademais do coidados dos mestres e mestras, os nenos de infantil contaron no percorrido coa axuda dos seus compañeiros maiores, o alumnado de 5º e 6º de primaria, que exercen como “padriños” dos máis pequenos, o que fai de saídas como esta “unha experiencia moi enriquecedora para todos”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.