A Biblioteca Xela Arias de Chapela festexou o seu decimo quinto aniversario cun concerto de Xoán Curiel

Xoán Curiel durante a súa actuación no auditorio de Piñeiral do Crego

A Biblioteca Xela Arias de Chapela celebrou, esta pasada semana, o seu décimo quinto aniversario, celebración que non se pudo realizar en abril, que era cando correspondía, a causa da pandemia da COVID-19. Para esta ocasión tan especial, contouse coa presenza do músico Xoán Curiel, artista ben coñecido polos usuarios e usuarias da biblioteca de Chapela a través dos seus libro-discos.

Para maior seguridade sanitaria a actividade tíñase pensado realizar no xardín do Piñeiral do Crego, pero a meteoroloxía adversa fixo necesario trasladar a actividade ao auditorio. Dentro, sobre o escenario, unha biblioteca en miniatura acollia ao artista “un músico didáctico, fascinante e divertido, que foi quen de transformar a distancia física imposta, e a barreira das máscaras en auténticos sorrisos, en ritmo e en diversión compartida… ao tempo que nos aprendía máis dunha curiosidade musical”, explicaban dende a biblioteca de Chapela. 

A alcaldesa de Redondela, Digna Rivas e o concelleiro de Cutura, Daniel Boullosa, durante a presentación da actividade

Era unha actividade dirixida ás familias, especialmente a nenos e nenas de entre cinco e dez anos e foron moitos os que se achegaron para pasar unha tarde divertida e agradable. O acto contó tamén coa presenza da alcaldesa Digna Rivas e o concelleiro de Cultura Daniel Boullosa, quenes fixeron a presentación do acto.