26.5 C
Pontevedra
Venres, 19 de Xullo de 2024
Máis
    HomeO CondadoSalvaterra de MiñoSalvaterra celebra a súa tradicional romaría na ermida de Monte Castelo

    Salvaterra celebra a súa tradicional romaría na ermida de Monte Castelo

    A Asociación Cultural Santa Mariña de Pesqueiras, de Salvaterra de Miño, celebra o vindeiro 15 de agosto a tradicional Romaría a Monte Castelo na honra da Nosa Señora da Asunción, pondo así en valor a contorna.

    Ao mesmo tempo, tamén conmemora o centenario da reforma da Ermida e levará a cabo o III Fraternal Encontro con diversas imaxes que peregrinan dende parroquias achegadas.

    A programación comeza xa pola mañá coa celebración da Misa ás 10:00h na Igrexa Parroquial e a continuación sairá ás 11:00h a procesión ata a Ermida con máis de dez imaxes.

    Ao longo do día haberá pulpeiro, musica tradicional galega, danza e pandereteiras ademais dun xantar popular cos romeiros e veciños polas ladeiras do monte amenizado pola música dunha charanga.

    Xa ás 19:00 horas sairán as imaxes romeiras cara as súas parroquias e a partir das 21:45 horas farán a baixada coa tradicional procesión das candelas.

    A Ermida de Monte Castelo da Nosa Señora da Asunción, na parroquia de Pesqueira,s atópase sobre un antigo castro romanizado nun enorme peñasco granítico, un enclave cunhas fantásticas vistas que chama a atención de moitos turistas e veciños. Sobre este lugar xa atópanse referencias no ano 991, pero como tal aparecen referenciadas notas do ano 1592, e na súa espadaña figura a data de 1783 como construción do cierre frontal.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.