Ponteareas lembrará o Entroido a través de imaxes

O Concello de Ponteareas lembra durante estes días a tradición do entroido ponteareán ao longo das últimas décadas. Mediante diversos contidos audiovisuais nas redes sociais, con fotografías e vídeos de contido histórico, Ponteareas lembrará a actividade festiva propia de Ponteareas nestas datas,e nos axudan a recuperar a memoria histórica.

Tamén a través de imaxes, a exposición ‘O Entroido ponteareán no tempo’ levará aos escaparates comerciais o colorido, a espontaneidade, os detalles, a alegría e a tradición desta celebración tan arraigada en Ponteareas e que este ano non se pode desenvolver como de costume pola situación sanitaria.

O Concello agradece a colaboración de todas as comparsas, asociacións veciñais, culturais e persoas individuais, que están aportando fotografías da celebración do Entroido nas últimas décadas, para contribuír así á recuperación da memoria histórica e á afirmación de que Ponteareas é unha vila con tradición de Entroido. Así mesmo, varios comercios da localidade adobían os seus escaparates con vestimentas portadas nos últimos anos polas comparsas e cedidos polas mesmas.