16.5 C
Pontevedra
Martes, 4 de Outubro de 2022
Máis
    HomeO CondadoPonteareasO Concello reforza as rúas peonís como lugar de estancia coa colocación...

    O Concello reforza as rúas peonís como lugar de estancia coa colocación de máis de 20 bancos

    O goberno municipal de Ponteareas continua avanzando na recuperación do espazo público para as persoas e na redución do tráfico a motor e da contaminación no centro urbano. Nas últimas semanas instaláronse 21 bancos repartidos por un total de nove rúas peonís da vila, que se engaden aos 57 bancos, tanto en madeira como en pedra, instalados nos últimos tres anos nos traballos de humanización do Paseo Matutino, a Praza Dr. Fernández Vega, diante do Mercado, a rúa San Roque, a Rúa Redondela, a Praza de Bugallal ou o Complexo Deportivo Álvaro Pino e o Centro de Saúde.

    A estes bancos sumaranse antes de fin de ano outros 17 na rúa Trobador Xoán García de Guillade e no camiño escolar até preto do alto da Gloria, actualmente en obras. O goberno do BNG-PSOE salienta que “en pouco máis de tres anos Ponteareas incrementou en case o triplo o número de bancos en rúas, pasando de 33 a 87, e case nun 50% o total de bancos incluíndo parques e prazas, pasando de 194 a 289”.

    Segundo o goberno municipal a colocación deste novo mobiliario urbano persigue varios obxectivos.

    O espazo público como lugar de estancia

    Para o goberno local as rúas non deben ser unicamente lugares destinados aos desprazamentos senón tamén un espazo para a estancia e a relación social. Os bancos contribúen a ese obxectivo e atenden ás necesidades de segmentos sociais máis vulnerábeis e fráxiles como as persoas maiores. As beirarrúas moi estreitas e as rúas con coches ocupando toda a calzada condenan a moitos maiores a recluírse nas súas casas ao non poder percorrer treitos longos até prazas ou parques. O mesmo acontece coas persoas que pola súa idade ou saúde precisan bancos para realizar paradas, descansar e continuar os seus paseos. Agora, a veciñanza da contorna de rúas peonís como Virxe dos Remedios, Concha Brey, Vidales Tomé, Morales Hidalgo, Esperanza ou Arxentina pode saír dos seus fogares sen atrancos nin riscos, desfrutar do espazo público, relacionarse socialmente e pasear con bancos nos que descansar.

    Por iso, o Goberno prevé continuar coa instalación de máis bancos nos vindeiros meses, para paliar un déficit histórico que se reflicte en exemplos tan significativos como a Avenida de Castelao e a Avenida Bouza Brey onde, en máis dun quilómetro de percorrido, só existen dous bancos.

    Calmado do tráfico

    A colocación do mobiliario urbano e o pintado da calzada con simboloxía peonil executado recentemente en numerosas rúas peonís tamén persigue o calmado do tráfico de vehículos autorizados. As actuacións realizadas axudan a que eses condutores autorizados, como repartidores ou usuarios de garaxes, entendan que a rúa é un espazo destinado ás persoas. O mobiliario foi colocado de forma que obriga a circular moi lentamente e con precaución, ao ter que sortear de forma zigzagueante os bancos, mellorando así a seguridade.

    O Concello lembra que as actuacións nestas rúas son transitorias ou de urbanismo táctico mentres non se acometan os traballos de humanización definitivos. Nas vindeiras semanas o Concello presentará os proxectos de transformación definitiva de 9 rúas do centro urbano.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS