12 C
Pontevedra
Venres, 29 de Marzo de 2024
Máis
    HomeO CondadoMondarizO Casino de Vilasobroso, de camiño ao Centenario

    O Casino de Vilasobroso, de camiño ao Centenario

    O Casino de Vilasobroso, coa patrocinio institucional da Entidade Local Menor e o Concello de Mondariz e a colaboración económica da Deputación de Pontevedra, promove a realización do proxecto audiovisual “O Casino de Vilasobroso, de camiño ao Centenario (1924). Historia e personalidades” baixo a dirección do documentalista Xan Leira.

    Este emprendemento de Memoria Local procura por en valor a historia centenaria do Casino de Vilasobroso e, a través dela, a historia social e humana da nosa veciñanza. Entre elas, salienta a figura poliédrica de Alejo Carrera Muñoz, figura fundacional do Casino e da propia Entidade Local Menor de Vilasobroso.

    Coa intención de promover a participación da veciñanza neste traballo de recuperación e divulgación na Historia Local de Vilasobroso, realizarase un encontro-merenda para explicar as características do proxecto, o sábado 2 de outubro ás 18 hs, nas instalacións do Casino de Vilasobroso.

    Obxectivos do proxecto

    • Por en valor a historia do Casino de Vilasobroso no contexto da celebración do seu Centenario 1924-2024.
    • Salientar as pegadas de Alejo Carrera Muñoz na vida económica, social e cultural de Vilasobroso.
    • Investigar, analizar e divulgar os valores modernizadores e democratizadores dos casinos e nomeadamente o Casino de Vilasobroso.
    • Recuperar e valorizar a memoria histórica democrática do movemento agrarista e galeguista na sociedade do seu tempo.
    • Divulgar de xeito presencial e online o resultado do proxecto.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.