15.5 C
Pontevedra
Sábado, 22 de Xuño de 2024
Máis
    HomeO CondadoMondarizMondariz promove a igualdade a través dun obradoiro de teatro social

    Mondariz promove a igualdade a través dun obradoiro de teatro social

    A actividade, que é gratuíta, encádrase dentro do Pacto de Estado contra a violencia de xénero

    Este mércores, 9 de outubro, dá inicio o segundo obradoiro de teatro organizado polo Concello de Mondariz. Logo da exitosa experiencia do ano pasado, que culminou cunha representación con motivo do Día Internacional para a Eliminación da Violencia contra a Muller (25 de novembro), a directora de escena Avelina Pérez, con experiencia en educación social, volve a coller as rendas desta actividade, financiada polo Pacto de Estado contra a violencia de xénero e orientada a promover a igualdade entre homes e mulleres.

    “É un obradoiro de teatro con perspectiva social, na que o proceso ten tanto ou máis valor que a representación final. Pero o teatro social é teatro, non é terapia”, explica Avelina Pérez.

    As clases, que son gratuítas, serán martes e mércores, en horario de 19:00-21:00 horas, entre o 9 de outubro e o 23 de novembro, día da representación final. As sesións dos martes terán lugar no auditorio do Centro Social de Mondariz, mentres que as sesións dos mércores faranse no antigo CEIP Riofrío-Vilar (Pé do Muíño s/n, Riofrío).

    As persoas participantes aprenderán a traballar con ferramentas expresivas para saber estar en escena a través de xogos dramáticos, xogos de expresión corporal, de voz,… “Trátase máis de estar, non de facer de“, sinala Pérez.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.