30.5 C
Pontevedra
Martes, 5 de Xullo de 2022
Máis
    HomeO CondadoMondarizMondariz mellora a mobilidade e seguridade viaria na contorna do centro urbano

    Mondariz mellora a mobilidade e seguridade viaria na contorna do centro urbano

    O Concello de Mondariz esta a desenvolver as obras denominadas de “Mellora de Mobilidade e Seguridade Viaria na Contorna do Centro Urbano e de equipamentos de Mondariz”, unha actuación coa que o Goberno local da continuidade ao Plan de Mobilidade Urbana Sostible que permitiu as obras de mellora da seguranza Avenida Grupo Escolar, nas inmediacións do CPI Mondariz.

    Xoán Carlos Montes Bugarín, alcalde de Mondariz, subliña a importancia desta actuación ao incluír un amplo espazo comprendido entre o inicio da Praza Maior, a totalidade de Concepción Arenal, a rúa Merouces e a baixada cara a Avenida Grupo Escolar que rexistra unha grande circulación de vehículos e peóns dado que inclúe establecementos de comercio e hostalería, o Centro de Día, o Centro de Saúde, a Casa do Concello e enlaza coa zona escolar e do campo de fútbol de herba artificial. Os traballos suporán unha reordenación nas direccións do tránsito rodado, mellorando tanto os desprazamentos dos vehículos coma as condicións de seguridade dos peóns.

    Máis polo miúdo, a rúa Concepción Arenal, que nestes intres conta con beirarrúas dun ancho que oscilan entre os 75 centímetros e 1,10 metros e dobre dirección da circulación a 50km/h, pasará unha rúa de plataforma única, cun só sentido de circulación a 20 km/h e cun ancho dispoñible para o peón sempre superior aos 3,40 metros. A zona dotarase de arborado e mobiliario urbano de cara a fomentar o seu uso veciñal en detrimento do seu actual carácter que é case que de estrada.

    No que atinxe á rúa Merouces, esta divídese en tres treitos ben diferenciados, un da Casa do Concello ao Centro de Saúde, un segundo treito do Centro de Saúde á Baixada de Merouces e terceiro entre a Baixada de Merouces e a Avenida Grupo Escolar. Na primeira parte, ao igual que na rúa Concepción Arenal, optase por unha plataforma única con espazos reservados aos peóns superiores aos 4,50 metros, espazo necesario xa que se trata dunha zona que rexistra unha alta afluencia de usuarios e usuarias tanto do Centro de Día como do Centro de Saúde e, de cara a mellorar a seguridade, reforzarase a iluminación do paso peonil fronte ao Centro de Saúde.

    Doutra banda, o segundo treito –do Centro de Saúde á Baixada de Merouces– procederase á ampliación dunha das beirarrúas ata acadar os 2,50 metros libres para o peón e reducirase o desnivel entre as beirarrúas e a estrada pasando dos actuais 13 cm a 7 cm. Doutra banda, a redución da sección da calzada en 50 cm, favorece a redución da velocidade que pasará dos actuais 50km/h aos 20 km/h. Ademais, no entronque coa baixada de Merouces colocarase un redutor de velocidade en forma de paso alzado que conecta os percorridos peonís dos tres eixos que alí conflúen.

    Finalmente, no terceiro treito da rúa Merouces, o comprendido entre a Baixada de Merouces e a Avenida Grupo Escolar, e que comeza no antedito paso de peóns alzado, a rúa será de plataforma única con 3,40 metros de espazo para os peóns ao longo de todo o trazado e pasa, do actual dobre sentido de circulación a 50 km/a, a un único sentido de 20 km/h. Inclúe a obra algún pequeno ámbito verde para evitar o risco de deslizamentos dos peóns nos treitos de maior pendente.

    Xa por último, na Avenida Grupo Escolar, no treito comprendido entre a Praza de Merouces e o acceso ao campo de fútbol, melloraranse as condicións de seguridade especialmente nos momentos de chegada e saída de nenos e nenas ao colexio xa que se trata dun lugar onde se producen situacións de circulación complexas ao cruzarse os autobuses escolares que entran por esa vía ata a praza de Merouces, coa vehículos particulares de nais e pais.

    De entrada, amplíase a beirarrúa existente ata os 2,50 metros en todo o seu percorrido, delimitándose un espazo de estacionamento reservado para os autobuses escolares. Na marxe sur, suprimirase o estacionamento e crearase unha senda peonil de ancho variable –entre 90 cm e 3 metros– ao longo da vía. Esta medida obrigará a deixar aos cativos e cativas sempre na marxe do centro de ensino, tanto de vehículos privados como colectivos, reducíndose por tanto o número de nenos e adultos cruzando a vía e diminuíndo considerablemente o risco dun accidente.

    Resumindo, trátase de reordenar un espazo céntrico e permitir a correcta convivencia entre os vehículos e os peóns e, sobre todo, gañar espazo para a convivencia de veciños e veciñas.

    COLABORACIÓNS

    ¡Hogueras de San Juan!

    Ha pasado la noche de San Juan y parece que todo vuelve a la normalidad. Si, porque se han vuelto a ver grupos de gente en las playas como si el virus no hubiera existido nunca. Me pregunto, si también será culpa de Rusia que el virus hubiera desparecido, porque ya todo el mundo está actuando como si nada. ¡Ah! espera, en los hospitales sigue habiendo gente ingresada con el covid y que todos los días sigue falleciendo enfermos a causa de esta enfermedad... pero ya no es noticia porque en la prensa apenas aparece en letra pequeña.

    Marilar Aleixandre, «Unha presa de terra»

    Se fai só algunhas semanas dabamos conta neste mesmo espazo dunha reedición ampliada da novela «Sobrevivindo», coa que Arantza Portabales gañara un coñecido premio de novela por entregas organizado por un xornal galego, o que hoxe traemos é un caso que semella calcado daquel.

    Nueva oportunidad para las aguas del río Tea

    Aprovechar nuestros recursos y sacar de ellos el mayor rendimiento posible es una estrategia de gestión que conviene seguir. De manera sencilla, se trata de potenciar aquello que ya tenemos, intentando hacerlo mejor y más atractivo, sin necesidad de comprar o importar elementos nuevos o extraños. Se trata de aplicar, por tanto, la eficiencia.

    Summer is coming

    Últimamente me está costando ser constante y escribir el último domingo de cada mes (aún gracias que ser puntual fue uno de los numerosos propósitos que me marqué para este 2022), así que os dejo el texto que correspondería al mes de mayo.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    13 POSTS0 COMMENTS
    Manrique Fernández
    66 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS