O Concello das Neves vén de dar comezo as obras de mellora da área de lecer no terreo que rodea a antiga escola unitaria de San Cibrán de Ribarteme. As mesmas contan cun orzamento de 26.598,25€, financiado con cargo ao remanente municipal de 2019.
Os traballos abranguen o adiamento do noiro posterior, a colocación de distintos elementos, entre eles unha ‘casa de xogo’ para as rapazas e rapaces de 3 a 14 anos de idade; un ‘túnel’, tamén para o entretemento das pequenas e pequenos e unha pista polideportiva con porterías de fútbol 7 e balonmán.
Área de lecer en Vide
Tamén está prevista a actuación na antiga escola unitaria da parroquia de Vide, semellante á iniciada en San Cibrán de Ribarteme, cun orzamento previsto de 15.608,14€.
Neste caso, a obra proposta consiste na mellora da xogos actuais, a instalación dun ‘parque biosaudábel’ para as veciñas e veciños da zona. Ademais, está contemplado o arranxo do valado do peche e a reforma e pintado do muro lateral.
