A alcaldesa de Mos, Nidia Arévalo, o concelleiro da parroquia de Pereiras, Leo Costas, e o arquitecto municipal, Ramón Vega, visitaron está mañá a primeira xornada de traballos na obra de mellora da pavimentación no Camiño de Couso, na devandita parroquia.
Estas obras hoxe iniciadas forman parte dun Plan Municipal de Mellora da Pavimentación en Camiños do Concello de Mos que se financia con fondos propios. O proxecto inclúe os camiños de Xaberga (Pereiras), Mosqueira (Guizán), Piñeiro (Louredo), Couso (Pereiras) e Pardellas (Cela), que se desglosarán en dous lotes por proximidade xeográfica. Sendo o de Couso o primeiro dos viais a mellorar.
O lote 1 inclúe os camiños Mosqueira (Guizán) e Piñeiro (Louredo) e o lote 2 os camiños Xaberga (Pereiras), Couso (Pereiras) e Pardellas (Cela). A inversión total que fará o Concello de Mos nestas melloras ascende a 231.611,70 euros.
O Camiño Mosqueira (Guizán) ten unha lonxitude de 271 metros e un ancho medio de 5 metros, o Camiño Piñeiro (Louredo) unha lonxitude de 488,50 metros e un ancho medio de 5 metros, o Camiño Xaberga (Pereiras) unha lonxitude de 538 metros e un ancho medio de 6 metros, o Camiño de Couso (Pereiras) unha lonxitude de 775 metros e un ancho medio de 5 metros e o Camiño de Pardellas (Cela), unha lonxitude de 1001 metros e un ancho medio de 5 metros. Un total de máis de 3 quilómetros de viais serán asfaltados.
As obras de mellora da pavimentacion, comprenden actuacións previas como o desbrozado lateral, limpeza de cunetas e noiros, seguidas dos firmes e pavimentos nos que se realiza unha regularización da capa de rodadura coa aplicación de asfalto, recrecido, aplicación do rego de adherencia con emulsión asfáltica e por último as obras adicionais que son as necesarias para realizar actuacións que non están englobadas na pavimentación pero que son imprescindibles para que a obra quede perfectamente rematada e garantir totalmente a seguridade viaria. Como obras adicionais considéranse o recrecido das tapas das arquetas e dos pozos e o arranxo das beiravías. Para finalizar dotarase aos camiños con sinales de prohibición e obriga co fin de facilitar as incorporacións nas interseccións.
Estímase un prazo aproximado para execución da totalidade das obras de 15 semanas.
Os representantes municipais, Nidia Arévalo, rexedora local, e Camilo Augusto, tenente alcalde e concelleiro de Vías e Obras, declararon esta mañá que “o Concello de Mos ten como un dos obxectivos principais da administración local que o viario municipal se atope nas mellores condicións de uso, o que supón un garante na seguridade viaria. Así como avanzar no Plan Mos Humanizado para seguir a construír un municipio máis transitable e habitable, máis cómodo e amable para circular tanto a pé como en vehículo. É por elo que consideramos estas obras que hoxe se inician tan necesarias, posto que suporán unha importante optimización da seguridade viaria no Camiño do Couso e no viario municipal en xeral”.
