17.4 C
Pontevedra
Martes, 16 de Xullo de 2024
Máis
    HomeBaixo MiñoTomiñoTomiño comeza o ‘Mes do amor’ rememorando a infancia dos avós

    Tomiño comeza o ‘Mes do amor’ rememorando a infancia dos avós

    Teatro do Noroeste chega este sábado 11 ao auditorio de Goián coa súa obra

    O Concello de Tomiño da o pistoletazo de saída esta fin de semana ao ‘Mes do amor’, un novo ciclo cultural que levará que encherá as tardes das fins de semana de novembro cun amplo programa de propostas diferentes e atractivas para todos os públicos. E arranca este mesmo sábado 11 de novembro do mellor xeito posible: rememorando a infancia de avós co ‘Último verán en Santa Cristina’, a última obra de Teatro do Noroeste.

    A través de atractivas personaxes e do seu bo facer, con este espectáculo asinado polo dramaturgo Eduardo Alonso a compañía Teatro do Noroeste trasladará ao público á España franquista para contar a historia e retomar lembranzas a través da ollada infantil dun rapaz de 12 anos.

    A obra aborda as sensibles e conmovedoras lembranzas dun neno que realizar o tránsito da adolescencia á madurez descubrindo a natureza da vida e da morte, a esencia do amor e, sobre todo, un terrible segredo que agocha a súa familia de militares franquistas. Unha revelación que se completaría anos máis tarde cando recibe unhas cartas propiedade da súa nai xa falecida.

    O público poderá gozar ás 21.00 horas desta historia dirixida a público adulto na que as lembranzas infantís e as novas revelacións mestúranse para dar conta dos acontecementos da sociedade franquista da época e do triángulo amoroso existente na súa familia. A entrada terá un prezo de 7 euros e poderá adquirirse unha hora antes do inicio do espectáculo no despacho de billetes do auditorio.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.