14.5 C
Pontevedra
Sábado, 22 de Xaneiro de 2022
Máis
    HomeBaixo MiñoOiaO Goberno reafirma o compromiso coa transformación do turismo en Galicia cun...

    O Goberno reafirma o compromiso coa transformación do turismo en Galicia cun investimento de 1,5 M€ no Concello de Oia

    O delegado do Goberno, José Miñones que visitou esta maña o concello acompañado pola alcaldesa Cristina Correa, anuncia esta partida aprobada polo Ministerio de Industria e que forma parte do Plan de Recuperación

    O delegado do Goberno en Galicia, José Miñones, reafirmou hoxe o compromiso do Goberno do estado coa cohesión territorial e o impulso ao turismo sostible de Galicia e puxo como exemplo o apoio que ven de acordar o Ministerio de Industria para o desenvolvemento do Plan de Sostibilidade Turística do Concello de Oia, que percibirá 1,5 millóns de euros. Trátase dun dos sete Plans que subvencionará o Goberno de España en Galicia dentro do Plan Nacional Turístico Xacobeo e que financia o Plan de Recuperación, Transformación e Resiliencia do Goberno.

    José Miñones achegouse esta maña á parroquia de Mougás, no Concello de Oia, onde se desenvolverá a principal acción subvencionada polo Goberno. En concreto, trátase dun camping que funcionará baixo criterios de sostibilidade ambiental e eficiencia enerxética. Alí estivo acompañado pola alcaldesa de Oia, Cristina Correa.

    Xunto a elas, José Miñones destacou que o Goberno busca con estes investimentos revitalizar a economía e o emprego da zona, poñer en valor os recursos patrimoniais de Oia e aumentar a oferta total de prazas de aloxamento na localidade. Con isto “contribuiremos a tecer un sector turístico máis desestacionalizado, eficiente e resiliente” e ademais favorecerase a fixación de poboación no Concello.

    O delegado reiterou a vontade do Goberno para que o Plan de Recuperación chegue a tódolos concellos de Galicia, de forma que se beneficie toda a cidadanía das reformas e investimentos que mobiliza este proxecto de país.

    Plans de sostibilidade turística de Oia

    En Mougás, José Miñones explicou que o Plan de Sostibilidade Turística convertirá a Oia nun destino slow, de natureza e familiar prioritario nas Rías Baixas e no Camiño de Santiago.

    Para iso, o Ministerio de Industria financiará 15 actuacións do Plan nun horizonte temporal entre 2022 e 2024. As accións divídense en dous grupos:

    Rehabilitación do Camping de Mougás. (988.800,00€) e recuperación do terreo degradado.

    Oia, destino slow. (511.200,00 €) Actuacións de promoción e de inforamación baseadas no concepto dixital. Tamén se adecuarán os roteiros de sendeirismo e promoveranse accións de mobilidade sostible, eficiencia enerxética e sostibilidade ambiental no que respecta ás pemes turísticas do municipio.

    71,6 millóns de euros no último mes para o turismo e o Xacobeo

    Na súa intervención, o delegado reiterou o compromiso do Executivo coa modernización e trasformación do turismo en Galicia que no último mes se traduciu en acordos por valor de 71,6 millóns de euros.

    En concreto, a finais de novembro, o Consello de Ministros aprobaba a transferencia á Xunta de Galicia de case 30 millóns de euros nunha partida extraordinaria para a modernización do sector turístico. A este acordo uníanse os dous decretos acordados a pasada semana: un primeiro, de 22,7 millóns, para a rehabilitación de BICs vinculados ao Camiño de Santiago, e o segundo, cun investimento de 16,6 M€ en sete plans de sostibilidade turística en destino vinculados aos Camiños de Santiago, no que se inclúe o de Oia.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS