5.8 C
Pontevedra
Martes, 5 de Decembro de 2023
Máis
    HomeBaixo MiñoA GuardaA obra "Hugo" para público familiar visibiliza o autismo cunha actuación na...

    A obra “Hugo” para público familiar visibiliza o autismo cunha actuación na Guarda

    Hugo é diferente. Gústanlle moito os avións e tamén toca o piano. Laia visita a Hugo cada día. A Laia gústanlle falar e as plantas. Hugo ten TEA. A máis recente creación da compañía Os náufragos teatro aborda o tema do trastorno do espectro autista na infancia, cunha peza chea de sensibilidade e empatía que fala da da diversidade, da convivencia e da beleza de sermos diferentes. A peza está dirixida polo dramaturgo Gustavo del Río e o texto foi creado co asesoramento e colaboración de ASPERGA, a asociación galega de síndrome de Asperger. Destaca en toda a obra a coidada factura nos decorados, na ambientación, na iluminación, conferíndolle a historia unha ternura e beleza que sen dúbida fará as delicias do público familiar da Guarda.

    Esta será a proposta teatral para gozar en familia na tarde do sábado 11 de novembro ás 18 horas. No Centro Cultural da Guarda. A función forma parte do programa de Deputación de Pontevedra Tornar as táboas, gracias a cal ofertase dende o ente provincial unha función teatral a cada concello galego.

    A entrada é de balde e non precisa de reserva previa.

    LIBROS

    Amador Castro Moure, «Pronto hei de volver»

    A emigración, como non podía ser doutra maneira, é un deses temas aos que a literatura galega volve unha e outra vez. Dende distintas perspectivas e con diferentes enfoques e intencións, forma parte troncal do noso sistema literario dende o momento en que comezou a tomar forma.

    Xosé M. Eyré, «Ou as dúas estaredes mortas»

    Moito temos falado neste mesmo espazo dos cada vez máis difusos lindes entre xéneros literarios; de como novela e relato –tamén a poesía ou o teatro– semellan lidar pola posesión de espazos que tradicionalmente lles eran alleos e que pretenden converter en propios, alimentando así unha fusión que, no fondo, non deixa de ser a procura de novas vías de expresión aínda non transitadas.

    Raquel Castro, «Sobremesas sobre versos»

    Dende fai xa varios anos, Raquel Castro é unha das habituais na literatura infantil galega, pero a maioría dos seus traballos publicados enfocábanse cara ao mundo do teatro para nenos, onde deixou pezas de excelente facturación.