O Concello de Arbo, dada a precaria situación que viven moitas familias do municipio derivada da crise sanitaria da Covid-19, realizaou a pasada semana unha entrega de alimentos extraordinaria co motivo do Nadal. Esta iniciativa, que beneficiará a máis de 60 familias, comezou a semana pasada e articulouse desde os Servizos Sociais Básicos do Concello.
Como administración máis próxima á cidadanía, “é a que en primeira instancia debe atender aos seus habitantes, posibilitando a mellora das súas condicións de vida”, asegura o alcalde de Arbo, Horacio Gil.
Alimentos non perecedoiros, produtos de limpeza e hixiene e produtos de primeira necesidade foron repartidos con cargo a fodos propios dende o Concello, dende que comezou o estado de alarma provocado polo Covid-19, e neste Nadal foron repartidos de maneira extraordinaria.
