10.5 C
Pontevedra
Sábado, 27 de Novembro de 2021
Máis
    HomeA ParadantaA CañizaOs alcaldes da Cañiza, Covelo e Mondariz unen forzas para solicitar ...

    Os alcaldes da Cañiza, Covelo e Mondariz unen forzas para solicitar a construcción dun enlace na A-52 altura da Franqueira

    Os alcaldes Luis Piña, Pablo Castillo e Xosé Emilio Barros asinaron onte unha solicitude, en representación dos seus concellos e dos intereses do territorio, na que reivindidan unha antiga débeda do goberno de españa con esta zona do interior galego no tocante ás infraestruturas viarias e conexións.

    Os tres alcaldes do psoe, pp e bng únense nesta ocasión para liderar unha vella reivindicación, con 27 anos de historia, que apela á necesidade de acometer a construción deste enlace como un factor determinante para mellorar a calidade de vida dos veciños, fixar e mesmo captar máis poboación e eliminar a fenda existente entre o mundo rural e o urbano, equiparando a xeración de oportunidades.

    Esta reivindicación histórica que se inicia co trazado da Autovía A 52 Benavente –Vigo hai 27 anos revive e ponse de novo de actualidade debido ao peche do túnel de O Folgoso en sentido  Vigo-Ourense, desde o 21/01/21 ao 30/04/21, motivado polo incendio provocado por un camión de grandes dimensións no interior do túnel. Incendio que ocasionou importantes danos na estrutura do túnel tendo obrigatoriamente que desviarse o tráfico pola  N-120 que absorbeu a altísima densidade de tráfico que soporta a autovía.

    A Autovía A-52 comezou a construírse no ano 1994. Anos antes, cando se publica o proxecto construtivo e se coñéce o trazado desta vía de 307 Km de lonxitude,  os Alcaldes dos gobernos locais e os Deputados de todos os partidos políticos en representación da provincia de Pontevedra no Congreso, reivindicaron a necesidade de construír un enlace nos dous sentidos Vigo e Madrid á altura da Franqueira que daría un gran servizo aos veciños de todas as localidades.

    Saldaríase desta forma unha débeda contraída con eles polo abandono e atraso que durante décadas sufriu o interior  e rural pontevedrés en comparación co progreso que as boas comunicacións e conexións viarias achegou ás zonas do litoral.

    As razóns que se argumentaban entón para pospoñer a execución desta extraordinaria obra civil era a complicada orografía da zona que obrigaba a deseñar túneles e viadutos moi custosos polo que estas obras de enxeñería civil atrasábanse continuamente.

    Con todo, unha vez aprobado o proxecto, dado a coñecer o trazado e iniciadas as obras de execución, a pesar das intensas xestións que se realizaron para conseguir esta ligazón, necesario para poder conectar e comunicar a contorna rural, non se tivo en conta esta petición.

    A NECESIDADE DE CREAR OPORTUNIDADES NO MEDIO RURAL PARA FIXAR POBOACIÓN

    Hoxe en día, unha das maiores ameazas dos concellos é a perda de poboación  e o gran reto é fidelizala e fixala.

    O despoboamento e a sustentabilidade do ecosistema rural son algunhas das problemáticas máis notorias dos concellos e entes públicos e privados están a tomar, cada vez máis, cartas no asunto. Sirva como exemplo a conectividade e a aposta das operadoras de telefonía polo rural, despregando fibra óptica de nova xeración reparando desta forma unha débeda que tamén tiñan con estas zonas e que tamén deteriorou a capacidade de retención e de atracción de persoas á contorna rural.

    Por todo isto, apelando á importancia da mobilidade no medio rural, os tres alcaldes do PSOE, PP e BNG únense nesta iniciativa conxunta para manifestar ante o Goberno de España os beneficios que reportaría para o territorio a construción deste novo enlace.

    Obra que saldaría a débeda histórica coa zona e suporía un crecemento económico para o territorio no seu conxunto xa que o illamento tamén é un factor de depresión económica e social para aqueles municipios peor conectados. Este novo enlace permitirá a comunicación entre os municipios, ademáis de mellorar o acceso aos servizos e favorecer o crecemento da poboación e a súa distribución xa que o mero feito de poder  permanecer no pobo natal e traballar noutro sería un factor determinante para a fixación da poboación no pobo de orixe ou residencia habitual. A redución dos tempos de transporte mediante unha boa infraestrutura apoiaría o manter os pobos máis pequenos vivos, pois os seus habitantes estarán mellor comunicados co que lle rodea. De está forma conseguiremos que os veciños non teñan que marcharse e mesmo atraeremos a persoas que buscan calidade de vida no medio rural.

    Tamén se reduciría a contaminación. O estado dunha estrada non só afecta á fluidez do tráfico, senón tamén ao consumo que o coche realiza no tramo en mal estado como é o caso da  N-120. O consumo tradúcese en contaminación, chegando mesmo a aumentar en 34% a emisión de gases polo simple feito de conducir nunha estrada en mal estado. Mellorar o estado das vías axudará a evitar o efecto invernadoiro e a coidar o medio que nos rodea.

    No escrito enviado onte á subdelegación do Goberno en Pontevedra, os alcaldes expresan as manifestacións e argumentos necesarios para encabezar e liderar a iniciativa de retomar a petición de construcción dun enlace en sentido Madrid á altura da Franqueira, túnel de Folgoso da A-52 e solicitan á Subdelegada Maica Larriba a súa colaboración para presentar a petición ante o Goberno de España para que se teña en conta á hora de planificar os novos orzamentos.

    COLABORACIÓNS

    Ponteareas deportiva

    Los núcleos más importantes de población concentran el grueso de las pruebas deportivas que se celebran a lo largo del año. Es lógico, las infraestructuras para la práctica de deporte forman parte del paisaje de grandes urbes, mientras ciudades pequeñas y pueblos tienen limitado el acceso a gimnasios, pistas, pabellones y piscinas.

    Domingo Villar, «Algúns contos completos»

    Domingo Villar é un dos escritores galegos de maior sona grazas ás súas novelas policiais protagonizadas polo inspector Leo Caldas. Pero o que agora nos presenta neste volume é unha faciana moi diferente daquela á que nos ten acostumados. Nesta entrega non hai crimes, nin intriga, nin tramas reviradas, nin atisbo algún de narración policial nin de literatura negra. Trátase dun proxecto moito máis persoal e cercano, un pequeno capricho feito á medida del e do seu círculo máis íntimo.

    ¡Galicia profunda!

    Hace unas semanas, Galicia saltó a la palestra por el dictamen de una jueza de Marbella que le retiró la custodia de un hijo a su madre por llevárselo a vivir a la "Galicia profunda". Tengo que reconocer que no he leído el auto y por lo tanto quiero pensar que una persona como una jueza, a la que se presupone cierto nivel cultural y un cierto grado de sentido común, que haya incluído esos términos en el mismo, ha sido un desliz. De ser un acto meditado demuestra el grado de ignorancia existente en éste país.

    Ana Cabaleiro, «Deixádenos remar»

    Descubrimos a Ana Cabaleiro cun libro de relatos tan interesante como «Sapos e sereas». Logo viría a novela «Las Ramonas» e agora chega cunha terceira proposta que, tal e como eu o vexo, navega entre ambos os dous mundos, o do relato curto e a novela tradicional, sen acabar de mergullarse en ningún deles. Claro que tal afirmación ben merece unha explicación detallada.

    Colaboradores

    Alberto Aliaga Sola
    14 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    6 POSTS0 COMMENTS
    Manrique Fernández
    49 POSTS0 COMMENTS
    Paz de la Peña
    36 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS