O Club Balonmán Cañiza lanza o seu xa tradicional campamento de verán destinado a nenos desde os catro anos de idade. Desde o 31 de xullo ata o 11 de agosto o club organiza a oitava edición deste campus multideportivo.
Haberá actividades deportivas, xogos de verán, actividades culturais, deporte adaptado coa visita do Club Amfiv de Vigo e unha saída para visitar o VigoZoo. O prezo de inscrición para unha semana será de 50 euros e para dúas de 70 euros (existen descontos para familias).
De luns a venres en horario de 9:00 h a 14:00 h, para inscribirse e obter máis información contacta no teléfono/whatsapp 616134560, no correo electrónico balonmancaniza@gmail.com ou a través do código QR de abaixo e consulta máis actividades, tarifas e descontos para familias.
