O sábado 4 de xaneiro a vila da Cañiza vivirá unha das xornadas máis esperadas do ano: a chegada dos Reis Magos. A partir das 18:30 horas, Súas Maxestades desfilarán polas principais rúas da vila en carrozas, acompañados por unha espectacular comitiva de máis de 50 figurantes entre músicos, zancudos, bailaríns e xigantes luminosos.
Recepción oficial no Salón de Plenos
O día comezará ás 14:00 horas coa recepción oficial aos Reis Magos no Salón de Plenos do Concello. Alí serán recibidos polas autoridades locais e pola veciñanza, dando inicio a unha intensa xornada de actividades e encontros.
Percorrido polas parroquias do municipio
Antes do desfile, os Reis Magos visitarán todas as parroquias do municipio para achegarse aos nenos e nenas de cada lugar. O horario destas visitas será o seguinte:
- Parroquia de A Franqueira (Cebreiro): 14:30 h
- Parroquia de Luneda (San Roque): 15:00 h
- Parroquia de Parada (Igrexa): 15:20 h
- Parroquia de Valeixe (Explanada da Hermandade): 15:40 h
- Parroquia de O Couto (Igrexa): 16:05 h
- Parroquia de Oroso (Igrexa): 16:25 h
- Parroquia de Petán (Igrexa): 16:45 h
- Parroquia de As Achas (Igrexa): 17:05 h
Saúdo especial aos maiores
Despois das visitas ás parroquias, os Reis Magos trasladaranse á Residencia Nosa Señora do Rosario de Valeixe, ao Centro Xeriátrico Santa Teresa da Cañiza e ao Centro de Día Anxo, onde compartirán momentos de ledicia cos maiores da comunidade. Como xa é tradición, o Concello ofrecerá unha merenda de pasteis de Nadal para todos os residentes.
Un desfile inesquecible
O gran desfile real comezará ás 18:30 horas na zona de Rañadoiro, percorrendo as principais rúas do casco urbano ata chegar ao Auditorio da Casa de Cultura. Este ano, o desfile contará con tres carrozas reais, acompañadas por paxes, zancudos, bailaríns, patinadoras, figuras luminosas de cabalos e camelos, ademais dunha vibrante batucada que marcará o ritmo do evento.
Ao rematar o percorrido, no Auditorio, os nenos e nenas poderán participar na Recepción Real, onde os Reis Magos saudaranos persoalmente, recollerán as súas cartas e desexos, e sendo recibidos cunha espectacular sesión de fogos artificiais.