É Noticia

A Xunta de Galicia vacinou, ata o 5 de xaneiro, coas primeiras 18.500 dose, a algo máis de 12.000 persoas de 152 centros sociosanitarios, cumprindo o plan elaborado pola Consellería de Sanidade, segundo o cal, cada semana vacinaranse ao redor de 12.200 persoas, aínda que non se descarta vacinar a máis, se se garante a chegada comprometida polo Ministerio de Sanidade.

O coordinador dos deputados do PSdeG, Guillermo Meijón, asegurou hoxe que as peaxes da AP-9 experimentarán ao longo deste ano “unha rebaixa histórica” a través dos máis de 63 millóns de euros que incorporan os orzamentos xerais do Estado

Os 61 concellos da provincia, así como as cámaras municipais do norte de Portugal xa dispoñen dunha ordenanza guía sobre xestión integral dos Residuos Eléctricos e Electrónicos (RAEE) que vén de publicar a Deputación de Pontevedra. O documento está colgado do portal web do proxecto europeo ESTRAEE e consiste nunha completa proposta que permitirá aos entes locais que o desexen adaptar as súas normativas municipais sobre residuos para o tratamento dun tipo específico de lixo extremadamente contaminante e cada vez máis presente.

A delegada territorial da Xunta en Pontevedra, Luisa Piñeiro, anunciou que o Goberno galego vén de conceder unha axuda de 192.414 € a seis asociacións e dez comercios das bisbarras do Baixo Miño, O Condado e A Paradanta. En concreto concédense subvencións á Asociación de Comerciantes e Industriais de Tui (Acitui), Centro Comercial Aberto da Guarda, Adeto Tomiño, Mercado Municipal de Tomiño, Asociación Local de Comerciantes de Ponteareas e Praza de Abastos de Ponteareas.

O secretario xeral do PSdeG, Gonzalo Caballero, propuxo hoxe á Xunta que eleve o número de PCR ata o máximo diario que o Sergas poida asumir, visto o descenso experimentado na cantidade de probas ao longo destas datas, a efectos de poder avaliar axeitadamente os rebrotes producidos durante o Nadal.

A Consellería de Infraestruturas e Mobilidade engade 86 frecuencias máis cada semana a estas liñas, que tamén dan servizo a outros concellos situados ao sur da cidade, como A Guarda, O Rosal, Tui e O Porriño.

O ano 2021 preséntase para o Revitaliza como o da consolidación definitiva nos concellos da provincia. Os concellos máis adiantados do plan de compostaxe provincial serán quen de cumprir as esixencias da UE en canto a reciclaxe, xa que en breve chegarán ao 50% dos residuos preparados para reciclar, tendo o tratamento dos biorresiduos un papel ‘chave’ no respecto ao medio ambiente.

A Dirección Xeral de Saúde Pública vén de acordar a prorroga da campaña de vacinación contra a gripe 2020 que se estenderá até o 16 de xaneiro de 2021, ou até esgotar as doses, co obxectivo de que se poidan vacinar contra esta infección todas aquelas persoas que aínda non o fixeron.

Ao longo do 2020 a Deputación de Pontevedra investiu máis de 9,5 millóns de euros na mellora da mobilidade e seguridade viaria de estradas da provincia. Desde xeito, o deputado provincial Gregorio Agís vén de visitar algunhas das actuacións desenvolvidas durante este ano, que están a transformar as estradas provinciais e adaptando o espazo público ao século XXI no marco do modelo de mobilidade do Goberno provincial.

A Axencia de Doazón de Órganos e Sangue (ADOS) fai un chamamento xeneralizado á cidadanía para doar sangue nestas festas de Nadal, moi especialmente, aos doantes dos grupos sanguíneos A positivo, A Negativo e Cero negativo.

Unha vez finalizado o cómputo total das achegas dinerarias rexistradas durante o desenvolvemento da primeira Gran Recollida Virtual da Fundación Provincial Banco de Alimentos, recadáronse en total 550.000 quilos de comida, cifra histórica e sen precedentes nos 25 anos de actividade humanitaria da entidade.

A Xunta de Goberno da Deputación de Pontevedra pecha o ano aprobando máis obras do Plan Concellos 2020, que contou neste exercizo cun orzamento global de 42,2 millóns de euros. Desta volta deuse o visto bo a recursos por máis de 200.000 euros para os concellos de Cuntis e Ponteareas. Ponteareas obterá preto de 142.500 euros para a mellora da pavimentación no lugar de Chan da Gándara e labores de conservación e mantemento do cámping 'A Freixa', mentres que Cuntis recibirá 66.800 euros que permitirán o acondicionamento do camiño de acceso e do interior do núcleo rural de Fontecova.