10.1 C
Pontevedra
Luns, 26 de Febreiro de 2024
Máis
    HomeÉ NoticiaSanidade amplia ata o 16 de xaneiro a campaña de vacinación contra...

    Sanidade amplia ata o 16 de xaneiro a campaña de vacinación contra a gripe

    O obxectivo da ampliación de prazos é ofrecer a posibilidade de protexerse fronte a esta infección ás persoas que aínda non se vacinaron

    A Dirección Xeral de Saúde Pública vén de acordar a prorroga da campaña de vacinación contra a gripe 2020 que se estenderá até o 16 de xaneiro de 2021, ou até esgotar as doses, co obxectivo de que se poidan vacinar contra esta infección todas aquelas persoas que aínda non o fixeron.

    A ampliación da campaña está destinada tanto para aquelas persoas que pertencen ás poboacións nas que a vacinación contra a gripe está indicada, como para a restante poboación que desexe vacinarse.

    A campaña de vacinación antigripal deste ano xa superou moitos dos obxectivos fixados para o exercicio 2020. Así, os datos actuais reflicten que o 76,32 % do persoal sanitario xa se vacinou, resaltando o persoal médico co 77 %, e o de enfermaría co 75,78 %. No que atinxe as mulleres embarazadas, xa se superou o obxectivo fixado para esta campaña ao acadar o 63,66%.

    Ademais, e respecto das persoas de 65 ou máis anos, na actualidade xa se vacinou o 71,38%. Neste último caso, cómpre subliñar que se incrementou en 11 puntos a cobertura respecto da campaña do ano pasado, acercándonos ao 75 % marcado como obxectivo.

    Protexerse fronte a gripe este ano ten unha especial relevancia debido a crise sanitaria provocada pola pandemia do virus Sars-Cov-2. Porén, e tendo en conta que en Galicia aínda non se detectaron virus gripais, e que no noso entorno a actividade gripal é moi baixa, Sanidade anima a poboación a vacinarse fronte a gripe nas vindeiras semanas.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.