13 C
Pontevedra
Martes, 19 de Marzo de 2024
Máis
    HomeÉ NoticiaA Axencia de Doazón de Órganos e Sangue invita á cidadanía a...

    A Axencia de Doazón de Órganos e Sangue invita á cidadanía a doar nestas festas de Nadal

    As unidades móbiles de ADOS visitarán nestas festas numerosos concellos galegos co obxectivo de garantir o axeitado abastecemento de compoñentes sanguíneos dos nosos hospitais

    A Axencia de Doazón de Órganos e Sangue (ADOS) fai un chamamento xeneralizado á cidadanía para doar sangue nestas festas de Nadal, moi especialmente, aos doantes dos grupos sanguíneos A positivo, A Negativo e Cero negativo.

    Os períodos de vacacións, como o Nadal, precisan dun reforzo na participación dos cidadáns. A demanda de compoñentes sanguíneos por parte dos centros hospitalarios non diminúe nestas datas, polo que necesitamos da colaboración e xenerosidade de todos e todas para conseguir entre 400 e 500 doazóns de sangue diarias.

    Desprazamentos

    As dez unidades móbiles da Axencia de Doazón de Órganos e Sangue visitarán, ao longo destes días, numerosos concellos galegos para acadar a participación necesaria para garantir o desenvolvemento do intenso labor asistencial dos centros sanitarios galegos.

    ADOS agarda contar de novo coa solidariedade e colaboración dos cidadáns e efectuará os seguintes desprazamentos:

    DATACONCELLOS
    Mércores 30 de decembroNeda, Praza de España (Ferrol), Cee, Monte Alto (A Coruña), Mera (Oleiros), Negreira, Serra de Outes, Lalín, As Neves, Parroquia de Valladares (Vigo), Praza Maior (Lugo), Quiroga, O Barco de Valdeorras, Rúa do Paseo (Ourense)
    Xoves 31 de decembroPraza de España (Ferrol), Zona Cuatro Caminos (A Coruña), Barrio dos Mallos (A Coruña), Milladoiro (Ames), Praza Roja (Santiago), Zona Herrería (Pontevedra), Rúa Rosalía de Castro/Arenal (Vigo), Cabral (Vigo), Praza Maior (Lugo), Rúa do Paseo (Ourense)
    Sábado 2 de xaneiroZona de Ultramar (Ferrol), Zona Gaiteira-Os Castros (A Coruña), Praza Roja (Santiago), Lalín, Rúa Rosalía de Castro/Arenal (Vigo), Abadín
    DATACONCELLOS
    Luns 4 de xaneiroCariño, Cantón-Obelisco (A Coruña), Barrio de Peruleiro (A Coruña), Sta. Cruz Rivadulla (Vedra), A Baña, Caldas de Reis, Arbo, Barrio de Teis (Vigo), Sta. María de Oia, Castro Riberas de Lea, Barrio do Couto (Ourense)
    Martes 5 de xaneiroBarrio San Valentín (Fene), Arteixo, Zona Monelos-Castrillón (A Coruña), Bertamiráns (Ames), Urbanización Os Tilos (Teo), Cambados, Arcade, Zona O Calvario (Vigo), Cospeito, Guitiriz, Avda Portugal  e Barrio A Carballeira (Ourense)
    Xoves 7 de xaneiroMugardos, Carballo, Baio (Zas), Muros, Cabo de Cruz (Boiro), A Estrada, Salvaterra de Miño, Zona Travesía de Vigo (Vigo), Foz, O Carballiño
    Venres 8 de xaneiroAres, Carballo, Camariñas, Ribeira, Calo (Teo), Pontecesures, Redondela, Rúa Barcelona (Vigo), Meira, Verín
    Sábado 9 de xaneiroAres, Carballo, Ribeira, Redondela, Barrio da Estación (Ourense)

    Ademais, tamén se pode doar sangue nos locais de doazón existentes nas sete grandes cidades galegas:

     HORARIO
    HOSPITAL CLÍNICO UNIVERSITARIO DE SANTIAGOLuns a venres das 8.00 ás 22.00 horas Sábados das 8.00 ás 15.00 horas
    HOSPITAL UNIVERSITARIO DA CORUÑALuns a venres das 8.00 ás 22.00 horas Sábados das 8.00 ás 15.00 horas
    HOSPITAL ARQUITECTO MARCIDE DE FERROLLuns das 15.00 ás 22.00 horas Martes, mércores e xoves das 08.00 ás 15.00 horas Venres das 8.00 ás 22.00 horas
    HOSPITAL LUCUS AUGUSTI DE LUGOLuns e venres das 15.00 ás 22.00 horas Martes, mércores e xoves das 08.00 ás 15.00 horas
    HOSPITAL UNIVERSITARIO DE OURENSELuns e venres das 15:00 ás 22:00 horas Martes, mércores e xoves das 8:00 ás 15:00 horas
    HOSPITAL PROVINCIAL DE PONTEVEDRALuns e venres das 08.00 ás 15.00 horas Martes, mércores e xoves das 15:00 ás 22:00 horas
    HOSPITAL NICOLÁS PEÑA DE VIGOLuns a venres das 8.00 ás 22.00 horas Sábados das 8.00 ás 15.00 horas

    Doar, moi sinxelo

    Pode doar sangue calquera persoa con máis de 18 anos, que pese máis de 50 quilos e que non padeza nin teña padecido enfermidades transmisibles polo sangue. A doazón de sangue é un acto sinxelo que permite a moitas persoas solucionar o seu problema de saúde e mesmo salvar a vida.

    ADOS dispón do sitio web: ados.sergas.gal, as páxinas de ADOS en redes sociais, e o teléfono gratuíto 900 100 828 para resolver calquera dúbida relacionada coa doazón de sangue ou coñecer a data dos desprazamentos das unidades móbiles. Pode atopar máis información no seguinte código QR:

    ADOS lembra que, aínda que se pode acudir de forma espontánea, é recomendable solicitar cita no teléfono antes sinalado.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.