12 C
Pontevedra
Venres, 29 de Marzo de 2024
Máis
    HomeÉ NoticiaA Deputación aproba unha achega de máis de 200.000 euros para Ponteareas...

    A Deputación aproba unha achega de máis de 200.000 euros para Ponteareas e Cuntis

    A Xunta de Goberno da Deputación de Pontevedra pecha o ano aprobando máis obras do Plan Concellos 2020, que contou neste exercizo cun orzamento global de 42,2 millóns de euros. Desta volta deuse o visto bo a recursos por máis de 200.000 euros para os concellos de Cuntis e Ponteareas. Ponteareas obterá preto de 142.500 euros para a mellora da pavimentación no lugar de Chan da Gándara e labores de conservación e mantemento do cámping ‘A Freixa’, mentres que Cuntis recibirá 66.800 euros que permitirán o acondicionamento do camiño de acceso e do interior do núcleo rural de Fontecova.

    O Concello de Ponteareas pavimentará o lugar de Chan da Gándara, na parroquia de Padróns, grazas a unha achega provincial de 72.000 euros. A finalidade desta subvención é mellorar o servizo ofrecido aos usuarios e usuarias nun tramo que supera os 1,2 quilómetros. Tamén se prevé a ampliación da plataforma en varias zonas para homoxeneizar os viarios.

    Por outra banda, a Xunta de Goberno tamén aprobou para Ponteareas unha partida de 70.500 euros para as labores de conservación e mantemento do cámping municipal ‘A Freixa”’, ás beiras do río Tea. Neste marco, levaranse a cabo obras de acondicionamento interior, de mantemento dos acabados exteriores e o cambio de puntos de enganches á rede eléctrica e de auga.

    A obra a realizar en Cuntis consistirá no pavimentado do firme do camiño así como a colocación de bandas redutoras de velocidade para aumentar a seguridade no viario. Ademais, procederase ao pintado do mesmo e á inclusión de sinalización horizontal. Como complemento, instalaranse novas canalizacións pluviais e acondicionaranse as contornas de dous elementos de valor etnográfico e cultural: unha fonte e un lavadoiro.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.