Comarcas

O marco incomparable que ofrece sobre a baía de San Simón a Confraría de Pescadores de Redondela, en Cesantes, foi o lugar elixido polo Concello redondelán para presentar as 'Xornadas Gastronómicas Choco de Redondela', unha iniciativa que xurde ante a imposibilidade de celebrar a Festa do Choco polas restricións sanitarias impostas pola pandemia da COVID-19.

O alcalde da Cañiza, Luis Piña, fixo entrega dos certificados de asistencia ás doce mulleres que participaron no curso de alfabetización informática, unha iniciativa deseñada especificamente para aprender dende cero e sen necesidade de coñecementos previos sobre o uso do ordenador e a navegación por internet.

‘O Museo en camiño’, unha iniciativa do Museo de Pontevedra e do programa ‘O teu Xacobeo da Xunta de Galicia , realizará a súa cuarta parada no Camiño Portugués en Ribadelouro (Tui) para dar a coñecer as obras máis importantes que ten nas súas coleccións a institución museística pontevedresa e difundir o ‘espírito xacobeo’ na xente máis nova da vila.

O Concello de Ponteareas valorou positivamente o estado das negociacións coa Xunta de Galicia para abordar a rehabilitación do edificio da Estación de Autobuses e a concesión da explotación do servizo. Na última reunión celebrada, á que asistiron a alcaldesa en funcións Cristina Fernández Davila, o concelleiro de Mobilidade, Roberto Mera e a tenente de alcalde, Chus Garrote, avanzouse “na boa dirección, aínda que quedan bastantes aspectos por clarificar e negociar”, matizou Mera, quen salientou que “só será posíbel un acordo se beneficia aos intereses de Ponteareas”.

Baixo o mellor acompañamento musical dun grupo de gaitas e un cuarteto da Escola de Música local, e cunha nutrida presencia de veciños e veciñas, así como de representantes municipais de todos os concellos do Baixo Miño, o emblemático edificio do Mercado do Rosal estreou hoxe por todo o alto a súa renovada imaxe. Trátase do primeiro paso dunha reforma impulsada polo Concello que ten como obxecto converter este inmoble nun espazo vivo co que propiciar o comercio de proximidade e o consumo dos produtos da zona e, con eles, a dinamización do núcleo do Rosal económica e socialmente.

Veciños e veciñas afectados pola recente restrición ao tráfico pesado que impuxo unilateralmente a Xunta de Galicia na estrada autonómica PO-254 ao seu paso por Mondariz-Balneario reuníronse este luns, 3 de maio, tras ser convocados polo Concello de Mondariz para analizar a situación e buscar vías de solución aos prexuízos causados por esta medida.

A Concellería de Igualdade do Concello de Gondomar que xestiona Nuria Lameiro, vén de organizar –a través do CIM–, obradoiros que se impartiron nos centros escolares do municipio; un dirixido á educación afectivo-sexual e outro á detección dos micromachismos. A iniciativa comezou o pasado 22 de abril no CEP Neira Vilas e finalizan mañá, día 5 de maio, no CEIP Chano Piñeiro, logo e ter pasado tamén polo CEIP Souto Donas.

O Concello de Tui en colaboración coa Fundación Laboral da Construción organiza en Tui dous cursos de Prevención de Riscos Laborais (PRL) na construción.

O Concello de Nigrán sumará este ano de xeito experimental a Patos á ‘Rede Galega de Praias sen Fume’ nun segundo intento do goberno local de que a iniciativa da Xunta sirva de ferramenta concienciadora tras probar só coa Madorra e As Canas no 2016 sen gran impacto.

O Concello das Neves recibirá este ano 545.849,96 € do Plan Concellos 2021 da Deputación de Pontevedra. Da suma total, 387.356,57 € corresponden á liña 1, de obras e subministracións; 35.830,48 € á liña 2, de gastos correntes e actividades; e os 122.662,91 € restantes á liña 3, de contratación de persoas desempregadas para servizos municipais.

O Concello de Arbo convoca un novo concurso de carteis con motivo da celebración da XXVI Festa da Lamprea Seca, que se celebrará os días o 7 e 8 de agosto . Este exitoso concurso denominado "Brais Alonso" vai xa pola súa oitava edición, e ten como obxectivo deseñar o cartel anunciador da festa gastronómica que se celebra no mes de agosto en Arbo.

O pasado venres, 30 de abril, remataron satisfactoriamente as prácticas formativas as alumnas da especialidade de Atención Sociosanitaria a persoas dependentes en domicilios e institucións sociais, do Obradoiro de Emprego 'Coidar de Nós II' que leva a cabo a concellería de Emprego e Formación de Ponteareas que dirixe a socialista Vanesa Fernández.