8.7 C
Pontevedra
Xoves, 28 de Marzo de 2024
Máis
    HomeO CondadoMondarizAfectados de Mondariz pola restrición ao tráfico pesado na PO-254 demandan unha...

    Afectados de Mondariz pola restrición ao tráfico pesado na PO-254 demandan unha reunión urxente coas autoridades da Xunta

    Á vista da confusión e do malestar que causaron os novos sinais de prohibición na estrada autonómica, o Concello de Mondariz convocou o pasado 3 de maio unha reunión con veciños e veciñas afectados para analizar a situación

    Veciños e veciñas afectados pola recente restrición ao tráfico pesado que impuxo unilateralmente a Xunta de Galicia na estrada autonómica PO-254 ao seu paso por Mondariz-Balneario reuníronse este luns, 3 de maio, tras ser convocados polo Concello de Mondariz para analizar a situación e buscar vías de solución aos prexuízos causados por esta medida.

    Entre a veciñanza representada houbo consenso en reclamarlle ás autoridades competentes a retirada dos sinais. Neste sentido, o alcalde de Mondariz, Xosé Emilio Barros, comprometeuse a solicitar unha entrevista co director da Agencia Galega de Infraestruturas para tratar este asunto canto antes.

    Unha medida que afecta ao dinamismo económico do concello e a sua contorna

    A nova restrición ao tráfico pesado apareceu nesta vía pública unha vez completadas as obras na ponte situada entre os concellos de Mondariz e Mondariz-Balneario, que estivo pechada durante varios meses por mor dunha renovación valorada en 1,4 millón de euros. 

    Despois da reapertura da ponte, os sinais provisionais que limitaban a circulación de vehículos de máis de 3,5t continuaron instalados, provocando confusión entre a poboación. A esta sinalización sumouse outra que limita o paso de vehículos de máis de 20t de tara por esta estrada autonómica. O Concello de Mondariz contactou por vía telefónica coas autoridades competentes para exigir información sobre esta medida anteriormente non comunicada e transmitir o malestar existente, pero non recibiu unha explicación convincente sobre a pertinencia das restricións.

    “Tanto Mondariz como outros concellos da contorna afectados directa ou indirectamente por estas restriccións na PO-254 veñen padecendo importantes caídas demográficas. Con esta decisión medran as dificultades para o xurdimento de dinámicas económicas que poidan reverter esta situación”, comenta o alcalde de Mondariz, Xosé Emilio Barros. 

    “O gremio de transportistas é o máis afectado, pero esta restrición perxudica a outros servizos da localidade e dificulta o desenvolvemento económico de Mondariz e outros concellos da contorna, incluído Mondariz-Balneario”, sinala Barros.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.