Comarcas

Unha estudante do IES Pedro Floriani de Redondela farta de que todos os anos se repita o problema da falta de autobús escolar e falta de transporte público para os estudantes de estudos non obrigatorios, presentou ante a Valedora do Pobo unha queixa pola situación, queixa admitida a trámite ao entender a valedora “que reúne todos os requisitos formais recollidos no artigo 18 da lei do valedor do Pobo, e en consecuencia que atopa cobertura constitucional derivada do artigo 103.1 da Constitución, facendo referencia a que as institucións públicas deben garantir este dereito”.

O grupo municipal do PP de Tui vén de anunciar que presentarán alegacións contra a suba do Imposto de BensInmobles (IBI) que foi aprobada no pleno do pasado 1 de abril cos votos do goberno socialista e do BNG, o que repercutirá directamente na cidadanía ó incrementarse case nun 20 % o importe do recibo deste imposto.

Este pasado domingo tivo lugar o congreso extraordinario do PSdeG en Santiago de Compostela onde foi proclamado José Ramón Gómez Besteiro como secretario xeral e o resto de compoñentes que conforman a comisión executiva nacional galega. A executiva está conformada por 40 persoas entre as que se atopa a guardesa Bárbara Domínguez González, que ocupará a Secretaría de Galeguidade e Emigración.

O Concello inicia unha campaña que busca potenciar o dinamismo do comercio local no marco da celebración do Día da Nai. Para iso, puxo en marca unha iniciativa na que os veciños e as veciñas deberán resolver un xogo de pistas consistente en atopar tres figuras distribuídas en tres escaparates diferentes dos establecementos do municipio.

O Centro de Saúde de Ponteareas volverá quedar sen quenda de tarde a partir do vindeiro 1 de maio. Así o denunciou o BNG, que xa presentou unha iniciativa ao Pleno para que a Corporación Municipal inste á Xunta a manter a quenda de tarde no Centro de Saúde de Ponteareas e dotar o cadro de persoal dos profesionais suficientes para unha atención sanitaria digna.

O Concello de Nigrán, a través do Centro de Información ás Mulleres (CIM), organiza o ‘Campamento de Verán 2024’ do mes de xullo co obxectivo de favorecer a conciliación da vida laboral, persoal e familiar. O prazo de solicitude abrirá do 2 ao 10 de maio e, por primeira vez, o Concello ofrecerá outro campamento no mes de agosto para o cal se abrirá posteriormente un novo prazo de solicitude.

Tomiño está a sufrir unha nova explosión de praga de moscas e, unha vez máis, a veciñanza síntese abandoada e reclama solucións xa. O PsdeG-PSOE lembra que leva "dende o primeiro momento" preocupándose, denunciando, preguntando, reuníndose con afectados, presentando mocións ao Pleno e iniciativas ó Parlamento de Galicia, iniciativas que, afirman, "foron vetadas e que acarrexaron intimidacións ás Concelleiras socialistas no seu día". "É tal a desesperación que moitos veciños e veciñas están prantexándose pechar os seus negocios e marchar do municipio", afirman as concelleiras socialistas no Concello de Tomiño.

Para os meses de maio e xuño sae á rúa a segunda edición do programa Tardeo unha acción que, coordinada pola OMIX do Concello da Guarda, presenta diferentes actividades levadas a cabo polas asociacións da vila, para dinamizar o tempo de ocio de, principalmente, a poboación nova do municipio.

Facer produtivas as sinerxias, aliarse para potenciar os recursos do territorio e dinamizar socioeconómicamente os dez concellos do GDR Terra e Auga son algúns dos principios que respaldan o día a día do Grupo de Desenvolvemento Rural Terra e Auga.

A igrexa de San Martiño de Barcia de Mera prepárase para recibir o primeiro dos concertos da XVI edición do Ciclo de Música Relixiosa. Patrimonio e música daranse a man para recibir ao público que ao longo destes seis meses terán o privilexio de vivir a música interpretada por figuras de relevancia internacional na contorna rural e natural do conxunto histórico da Rectoral de Barcia de Mera, en Covelo.

A concellería de Parques e Xardíns do Concello de Redondela, que dirixe Pedro Villaverde, vén de dar conta da rehabilitación de 40 bancos de madeira de cara a darlles un novo uso. Este mobiliario urbano, que estaba deteriorado e que fora retirado de diferentes espazos públicos, poderán agora ter unha segunda vida.

Descubrir o patrimonio natural de Tui é o obxectivo das trece rutas de natureza que organiza o Concello de Tui, a través da concellería de Turismo. Vanse celebrar dende este sábado, 28 de abril, até o 30 de xuño. Coñecer as aves dende a beira do Miño, un paseo en barco, percorrer a senda do río Furnia ou a do río Tripes, gozar da natureza en rede Natura en Ribadelouro, e mesmo visitar os xardíns ocultos da cidade será posible grazas a esta iniciativa.