Sábado, 7 Xuño de 2025

O Bono Activa Comercio da Xunta esgotan o seu orzamento en 10 días

Redacción
-
0
O Bono Activa Comercio da Xunta esgotan o seu orzamento en 10 días

A cuarta edición do Bono Activa Comercio da Xunta de Galicia permitiu mobilizar preto de 12 millóns de euros en vendas no sector, esgotando en menos de 10 días o seu orzamento tras a súa activación o pasado 9 de outubro. No programa participaron máis de 6.700 establecementos de toda a Comunidade, beneficiando a máis de 124.300 clientes que empregaron os bonos.

Cada persoa podía descargar un bono desconto de ata 30 euros para as compras nos comercios adheridos. Unha vez que o importe dos descontos realizados alcanzou os 2,5 millóns de euros que a Consellería de Economía, Industria e Innovación destinou á iniciativa os bonos descargados xa non se poden usar.

O programa cumpre así co obxectivo de incentivar a demanda e atraer nova clientela aos establecementos de proximidade, ao tempo que se contribúe a reducir o impacto da inflación das familias. Por provincias, na Coruña mobilizáronse preto de 4 millóns euros, coa participación de case 2.500 comercios; e en Lugo as vendas sumaron preto de 1,5 millóns de euros, adheríndose máis de 900 establecementos. No tocante a Ourense, mobilizáronse máis de 2 millóns de euros e participaron máis dun milleiro de negocios; mentres que en Pontevedra se sumaron á campaña preto de 2.400 establecementos nos que se mobilizaron grazas aos descontos vendas por máis de 4,5 millóns de euros.

O director xeral de Comercio e Consumo, Manuel Heredia, visitou en Vigo diferentes establecementos participantes no Bono Activa Comercio, ao que se adheriron máis de 500 comercios da cidade, mobilizando máis de 1,1 millóns de euros en vendas. Heredia, que estivo acompañado por representantes da Federación Galega de Comercio, da Federación de Comercio de Pontevedra e da Asociación de Comerciantes do Calvario, destacou a boa acollida da iniciativa, coa que a Consellería de Economía, Industria e Innovación amosa o seu compromiso tanto co comercio local como coas persoas consumidoras. De feito, desde a súa posta en marcha no ano 2021 xa se mobilizaron máis de 65,7 M€.

Como na edición anterior deste ano, non se limitou o número de usuarios que podían descargarse os bonos (un por persoa). Ás compras iguais ou superiores a 20 euros e inferiores a 30 euros correspondíalles un desconto de 5 euros. A rebaixa era de 10 euros para as compras iguais ou superiores a 30 euros e inferiores a 50 euros. A partir desta cantidade, o desconto alcanzou os 15 euros. O importe íase reducindo en función do valor da compra. Unha vez alcanzados os 2,5 millóns de euros en descontos aplicados, o saldo que non se empregou queda agora sen validez.

Talía Teatro presenta este venres en Tui “Unha inimiga do pobo” de Ibsen

Redacción
-
0
Talía Teatro presenta este venres en Tui “Unha inimiga do pobo” de Ibsen

O Teatro Municipal de Tui acolle este venres, 20 de outubro, ás 21.30 h a representación de “Unha inimiga do pobo” da man de Talía Teatro dentro da programación de outono.

Tito Asorey dirixe esta adaptación dunha das pezas máis significativas da literatura dramática universal escrita por Henrik Ibsen e publicada en 1882. Na peza orixinal era o doutor Thomas Stockmann era o protagonista, e na obra de Talía é Helena, unha médica de prestixio internacional que regresa a súa vila natal para afrontar un novo proxecto profesional.  Nos dous textos un balneario e a contaminación as augas están presentes na historia na que o e a protagonista antepoñen a saúde da poboación aos beneficios económicos. Para iso teñen que enfrontarse aos poderes locais.

Sobre o escenario estarán Marta Lado, Toño Casais, Dani Trillo, Rubén Prieto, Marta Ríos, María Ordóñez, Diego Rey, Artur Trillo e Xurxo Barcala. Este espectáculo conta coa axuda á creación escénica da Axencia Galega das Industrias Culturais (AGADIC).

Así “Unha inimiga do pobo” con dramaturxia de Vanesa Sotelo e Tito Asorey achéganos a historia de Helena é unha doutora de prestixio internacional que regresa á súa vila natal para comezar unha nova etapa. Embarazada de sete meses, afronta o seu novo estado coa ilusión posta nun novo proxecto profesional: o balneario que ela mesma deseñou, e que se presenta como un alternativa turística sostible e saudable para a súa vila. A inesperada contaminación das augas da zona e a súa loita por preservar a saúde da poboación fronte aos intereses económicos van colocala no punto de mira da veciñanza, que ve como se pon en risco a prosperidade da comunidade.

As entradas están á venda en tui.gal aos prezos de 10 € e 8 € até o venres ás 21.15 h.

O proxecto “Da túa man rural II” chega a Crecente, Covelo, Oia, e A Guarda

Redacción
-
0
O proxecto “Da túa man rural II” chega a Crecente, Covelo, Oia, e A Guarda

Apoiar a actividade comercial e a hostalería local en zonas rurais da provincia de Pontevedra é o obxectivo do programa “Da túa man” (rural II), que o vicepresidente da Deputación de Pontevedra e deputado de Promoción Económica, Rafa Domínguez, presentou hoxe aos 11 concellos no que se vai desenvolver o proxecto. Esta iniciativa, que conta cun orzamento de 500.000 euros financiados na súa totalidade pola Unión Europea con fondos Next Generation, beneficiará aos concellos da Guarda, A Illa de Arousa, Catoira, Covelo, Crecente, Fornelos de Montes, Moraña, Oia, Pazos de Borbén, Portas e Vilaboa.

“Xa dixemos desde o principio que neste goberno provincial pensabamos traballar con firmeza para impulsar iniciativas, programas e proxectos encamiñados cara o desenvolvemento económico da provincia”, explicou o vicepresidente, ao tempo que remarcou que ese é precisamente o obxectivo deste proxecto, que busca “que o comercio de proximidade teña máis capacidade para inxectar e crear emprego, riqueza e prosperidade nos concellos”. Por iso, Domínguez agradeceu a participación dos municipios incluídos nesta nova iniciativa de promoción do comercio e o seu “traballo conxunto para desenvolver estas accións”.

Rafa Domínguez explicou que a finalidade do proxecto “Da túa man” (rural II), que foi aprobado pola Xunta de Goberno da Deputación a principios do mes de outubro, é visibilizar e modernizar o pequeno comercio local e “estar ao carón do sector, para que ese comercio e hostalaría, fundamental para que os vosos concellos sigan vivos, siga existindo”. Tamén busca “crear vínculos en toda a cadea de valor do comercio local e produto de quilómetro cero”, grazas ao emprego das novas tecnoloxías, ás prácticas que promoven a economía circular e unha mellora e acondicionamento dos espazos.  

Ao abeiro de “Da túa man” (rural II) deseñaranse e lanzaranse dúas campañas de comunicación en medios dixitais para animar á xente a que merque no comercio local; farase accesible a contorna comercial coa dotación de prazas de aparcamento para persoas con discapacidade; instalarase sinalética integrada, illas ecolóxicas e dispositivos para a reciclaxe de residuos especiais; deseñaranse bolsas e mochilas sostibles; porase en marchar unha rede de comercio retallista con produtos locais e provedores, e formarase tanto aos comerciantes como á cidadanía en diferentes materias.

Continúa o sábado o ciclo de teatro en Nigrán

Redacción
-
0
Continúa o sábado o ciclo de teatro en Nigrán

O Concello de Nigrán continúa co seu clásico ‘Outono de teatro’ este sábado 21 de Outubro ás 20:00 horas no Auditorio Municipal coa compañía viguesa ‘Porta Aberta’ presentando a obra ‘Munuwa’. A entrada é de balde ata completar o aforo. O ciclo forma parte do convenio establecido coa Federación Galega de Teatro Amador (FEGATEA) e finaliza o vindeiro sábado 28 de Outubro con ‘Nadal na casa dos Lamelo’ a cargo da compañía luguesa Achádego Teatro.

En ‘Munuwa’, un profesor de mediana idade, Darío, canso da vida rutinaria que levaba mantendo á súa ex-muller (Lola), aturando os caprichos do seu fillo adolescente e as bulras do seu mellor amigo (Guzmán), toma a decisión de mudar radicalemente de vida e irse ao outro lado do mundo. Para prepararse introduce nos seus hábitos costumes oceánicas munúwas, que comparte cos seus. Esta é unha obra tremendamente representativa do hastío no que viven determinadas persoas. Nunca quixestes dar un xiro radical ás vosas vidas? Pois mirade o que lle sucede a Darío cando quere dar o paso

Fegatea

A comunidade teatral galega, dentro do ámbito afeccionado, é unha das maiores do territorio español e a Federación Galega de Teatro Afeccionado, formada hoxe en día por 50 grupos das catro provincias constituídos por máis de 600 persoas, conforma na actualidade a entidade máis representativa do teatro amador galego, afianzándose ano a ano como axente cultural imprescindible para a creación de novos públicos e a promoción da cultura e a lingua galega.

O Porriño incorpora vehículos eléctricos e reduce nun 35 % o renting no parque móbil

Redacción
-
0
O Porriño incorpora vehículos eléctricos e reduce nun 35 % o renting no parque móbil

O Concello do Porriño vén de licitar a renovación do seu parque móbil mediante o sistema de renting empregando criterios de eficiencia enerxética, incorporando dous vehículos eléctricos, e de aforro do gasto público, reducindo o gasto en catro anos en máis de 216.000 euros pese a que o prezo de mercado presenta un considerable incremento.

Como vén defendendo Lorenzo dende que foi investido alcalde “hai que facer un uso responsable dos recursos públicos e axustar o gasto”. De aí que foran devoltos varios vehículos recollidos na anterior licitación e substituídos por coches utilitarios, mantendo o mesmo criterio nesta contratación.  

Cabe destacar que os vehículos que conformaban o parque móbil foron vendidos no ano 2020 cando se fixo o primeiro contrato de renting, polo que neste momento non se dispón de coches en propiedade. “A intención deste goberno é ir adquirindo vehículos para consolidar o parque municipal e reducir deste modo e paulatinamente os que se dispoñen a través do sistema de renting”, explicou o rexedor, “Deste xeito resulta viable”. 

O contrato ten unha duración de un ano prorrogable en un ano -sendo posibles ata tres prórrogas- e un orzamento anual de 102.656,4 euros, o que supón un aforro do 35% respecto do anterior.  Así, o prezo por vehículo na licitación do 2019 oscilaba entre os 350 e os 850 euros, e na presente acótase de 300 a 350 euros, excepto en tres furgonetas de 390 euros.

A presente licitación inclúe a dotación de 18 furgonetas e 4 vehículos que se destinarán aos diferentes departamentos municipais. Serán concretamente 7 furgonetas pechadas diesel de dúas prazas e cilindrada de 1450 cc ou superior para as áreas de Vías e Obras, Parques e xardíns e Deportes; 8 furgonetas combi diesel de cinco prazas e cilindrada 1.450 cc ou superior para as áreas de Vías e Obras, Parques e Xardíns, Urbanismo, Notificador e Deportes; 2 vehículos de catro prazas mínimo motor mínimo 1200 e Etiqueta CERO para Servizos Sociais e Notificador e 2 coches de 5 prazas motor mínimo 1300 e Etiqueta ECO para Servizos Xerais.

Cabe destacar, que o lote que inclúe as 8 furgonetas combi quedou deserto na licitación pese a contemplar vehículos de segunda man, polo que se sacará de novo a licitación ampliando a marxe de quilometraxe.  

As 40 voces de Mistura Vocal, en concerto este domingo 22 no Rosal

Redacción
-
0
As 40 voces de Mistura Vocal, en concerto este domingo 22 no Rosal

A música encherá O Rosal esta fin de semana. O domingo 22 o auditorio municipal acollerá o concerto de Mistura Vocal, un coro formado por 40 voces da zona de Baixo Miño, Condado e Vigo e dirixido por Aloia Martínez que farán as delicias do público rosaleiro co seu variado repertorio.

Sobre o escenario desenvolverán a súa característica elegancia musical, a súa serenidade estética, a súa sensibilidade e unhas dotes artísticas que confiren a este colectivo semi ou profesional un nivel envexable que conquista a todas e todos os oíntes.

Na súa curta vida contan cunha exitosa traxectoria con múltiples e prestixiosos premios, galardóns obtidos tanto en Galicia como en diversos lugares de España. Tamén é recoñecido o seu labor na creación e realización de espectáculos, que sempre acollen unha grande afluencia de público.

Organizado pola Agrupación Musical do Rosal, o concerto contará cun repertorio integrado por obras de diferentes estilos e épocas, sen esquecer a autoras e autores galegos. A cita será ás 19.00 horas con entrada de balde.

O Programa Galego de Detección Precoz do Cancro de Mama cita ás mulleres de Covelo de 50 a 69 anos

Redacción
-
0
O Programa Galego de Detección Precoz do Cancro de Mama cita ás mulleres de Covelo de 50 a 69 anos

O Programa Galego de Detección Precoz do Cancro de Mama da Consellería de Sanidade da Xunta de Galicia, en colaboración coa AECC, inicia a súa campaña no Concello de Covelo os días 23, 24, 25 e 26 de outubro do 2023.

Durante a súa estancia en Covelo realizará mamografías a todas as mulleres de 50 a 69 anos. As mamografías faranse na unidade fixa de exploración que agora está no hospital do Meixoeiro na zona de consultas externas na planta -1.

As mullleres destas idades recibirán unha carta indicándolles o día, hora e lugar ao que teñen que acudir. Para facilitarlles o acceso ao programa teñen un medio de transporte de balde de ida e volta. O uso deste transporte non é obrigatorio, poden tamén acudir polos seus propios medios á cita.

O servizo de transporte realizará paradas na praza Mestre Cerviño do centro urbano ás 8 da mañá e ás 11:30 horas. En Paraños, xunto ao cruce coa N-120 parará ás 08:10 e ás 11:40 horas.

Tódalas mulleres que teñan entre 50 e 69 anos e que non recibisen a carta poden chamar ao número de teléfono 981 14 14 14 onde lles darán cita.

Baiona imparte un obradoiro informático gratuíto para maiores de 55 anos

Redacción
-
0
Baiona imparte un obradoiro informático gratuíto para maiores de 55 anos

A Asamblea Xeral das Nacións Unidas proclama que do 24 ao 31 de outubro de cada ano celébrase a Semana Mundial da Alfabetización Mediática e Informacional. Desde o Concello de Baiona o día 24 das 10:00 ás 12:00, no multiúsos Ángel Bendriñana da vila, impartirase un obradoiro infromático para maiores de 55 anos.

O aforo para esta actividade é limitado (ata un máximo de 20 participantes), accederase mediante inscrición previa e é de balde. A inscrición deberá realizarse chamando ao número de teléfono 986385926 ou presencialmente nas oficinas dos Servizos Sociais da vila. É imprescindible levar un telefóno móbil intelixente propio para participar na formación.

O xurado de Vilas en Flor coñeceu este luns as actuacións de mellora urbana realizadas en Tui

Redacción
-
0
O xurado de Vilas en Flor coñeceu este luns as actuacións de mellora urbana realizadas en Tui

A aposta polas sendas fluviais, os proxectos de humanización executados e os que comezarán en breve, xunto ao traballo realizado para mellorar o entorno urbano e rural foron algúns dos aspectos transmitidos dende o Concello de Tui aos dous membros do xurado de Vilas en Flor que este luns visitaron o municipio.

O concelleiro de Espazos Naturais e Áreas de Lecer, Miguel Méndez, a concelleira de Turismo e Patrimonio, Ana Núñez, xunto ao técnico municipal Rafael Sánchez Bargiela, acompañaron a Carlos Cárcamo Álvarez,  enxeñeiro técnico agrícola municipal do Concello de Ourense, e Salvador Rouco Granxa, enxeñeiro agrónomo e profesor xubilado de xardinería no CIFP A Granxa, de Ponteareas, que foron os expertos de Vilas en Flor que durante máis de 2 horas visitaron distintas zonas de Tui. 

Pese ao día de choiva percorreron a senda fluvial a carón do Miño dende a Mariña, coñecendo de primeira man a nova pasarela peonil sobre a desembocadura do río Louro.  Tamén se achegaron até a senda do río Furnia, actualmente en fase final de execución polo Obradoiro de Emprego, onde as augas cristalinas e o entorno natural e patrimonial chamaron a atención do xurado.

Amais percorreron o barrio de Riomuíños onde a intervención realizada mantivo a esencia do barrio e puxo en valor os seus recunchos cunha iluminación que resalta os distintos elemento. Tamén  estiveron na rúa Antero Rubín que co humanización pasou a contar con algo máis de 1.300 metros de superficie peonil, cunha calzada en materiais tradicionais, zonas verdes e de descanso, con prioridade peonil. Outros puntos visitados polo xurado foron as rúas Lugo e Colón, humanizadas recentemente e nas que se gañou espazo para os peóns e zonas verdes.

O xurado de Vilas en Flor estivo tamén na ponte da Veiga do Louro, un tramo en pleno Camiño de Santiago, onde destaca todo o entorno natural, así coma a senda peonil  que une esta zona coa praia de Areeiros.

O Concello de Tui forma parte de Vilas en Flor dende o ano 2020, contando na actualidade con dúas Flores de Honra.  Coas Flores de Honra recoñécese a traxectoria e as accións levadas a cabo polos municipios galegos na mellora e potenciación dos espazos verdes urbanos, a súa xestión sustentable, a educación ambiental e a concienciación cidadá no coidado da contorna. Vilas en Flor é unha iniciativa de ASVINOR, Asociación de Viveiristas do Noroeste, AGAEXAR, Asociación de empresas de xardinaría de Galicia, e da Fundación Juana de Vega.

Os tres aspectos contemplados nas bases que valoran os expertos son: o patrimonio vexetal e paisaxístico; o respecto polo medio ambiente e a sostibilidade; e o uso social e as sinerxías coa actividade turística.

A entrega dos galardóns Vilas en Flor 2023 terá lugar nun acto público a finais do outono.

Salceda recibe máis de 500.000 € da Xunta para un obradoiro de emprego

Redacción
-
0
Salceda recibe máis de 500.000 € da Xunta para un obradoiro de emprego

O Concello de Salceda de Caselas vén de recibir a comunicación da concesión de 531.046,20 euros para un obradoiro de emprego por parte da Consellería de Promoción do Emprego e Igualdade. Neste caso a acción acollerá a 20 persoas, 10 no campo da albanelería e outras 10 no da carpintería de madeira, que durante un ano se encargarán das obras de reforma de diferentes edificios municipais.

Selene González, concelleira de Formación e Emprego, amosou o seu contento coa achega xa que “estamos a falar dunha magnífica oportunidade para a nosa veciñanza a nivel formativo, económico e social. Este tipo de formación supoñen unha mellor empregabilidade das nosas mulleres nuns sectores hisoricamente masculinizados e en contínua demanda de persoal”.

Os obxectivos deste obradoiro son os de recuperar o antigo colexio da parroquia de Budiño, destinándoo a usos sociais, e seguir traballando na recuperación de diversos edificios educativos.

O alumnado combinará as horas de formación teóricas coas de traballos prácticos, percibindo as retribucións correspondentes. O obradoiro supón unha excelente oportunidade de formación para o emprego da veciñanza.

A alcaldesa da vila, Loli Castiñeira, quixo rematar indicando que “máis de medio millón de euros que, ademais de formación e emprego, servirán para a rehabilitación de espazos municipais que goza toda a veciñanza. Unha vez máis a colaboración entre as diferentes administracións da bos froitos. Agradecemos neste caso á Xunta de Galicia a concesión desta subvención ao noso Concello”.

Máis de 7.000 persoas visitaron Covelo en xullo e agosto

Redacción
-
0
Máis de 7.000 persoas visitaron Covelo en xullo e agosto

Familias de toda España elexiron Covelo como destino turístico no que descansar e gozar do medio natural. O Concello de Covelo recibíu máis de 7.000 persoas nos meses de xullo e agosto segundo revela a enquisa realizada pola concellaría de Turismo que dirixe o alcalde Pablo Castillo e a concelleira Lourdes Enes. Covelo fai balance para coñecer a situación real do sector turístico local nestes dous meses de tempada alta aos que habería que engadirlle os datos de xuño, setembro e a primeira quincena de outubro.

A través dunha enquisa realizada entre o albergue, as casas de turismo rural, cámping, hoteis, rectorais e vivendas ocupacionais preguntaron polo perfil dos e das hóspedes, a duración da estancia, os motivos polo que chegan a Covelo, a súa procedencia e a calidade da estadía. Cos datos na man, o Concello de Covelo deseñará a súa estratexia de promoción e oferta cultural e de lecer para o vindeiro ano.

A ampla oferta de casas de turismo rural, albergue, pensión, rectorais, hotel, cámping e quintas atraeu a visitantes de toda Europa pero salienta, sobre todo, o número de familias chegadas do resto de España que atoparon en Covelo un lugar onde ter un tempo de lecer e descanso. A calidade do aire, un ceo pulcro no que observar todas as estrelas, a pureza da auga dos ríos, a ausencia de ruído  e unha oferta gastronómica e cultural axeitada fan que este pulmón verde sexa cada vez máis apreciado pola cidadanía non só da área metropolitana de Vigo, tamén polo resto da provincia, e así se recolle nas observacións ofrecidas nas enquisas.

O Concello de Covelo atrae a persoas mozas pero tamén maduras cuns datos que amosan que a maioría das e dos ocupantes das prazas hoteleiras estaban entre os 25 e os 54 anos. Parellas pero, sobre todo, moitas familias con nenos/nenas que preferiron reservar estancias longas dunha semana ou máis. “O resultado da enquisa reflicte que temos un abano de idades amplo pero que son coincidentes no motivo que os move a Covelo, a nosa riqueza natural e histórica, algo que nos diferencia. As boas vías de comunicación por estrada, pola cercanía ao aeroporto e ao AVE, facilitan a chegada. Outra consideración importante é a ampla oferta que vai dende o a pensión ou o albergue ás rectorais pasando por quintas ou vivendas, é dicir, hai variedade para cubrir todos os públicos”, explica Enes.

Preguntadas/dos polo motivo que elexiron Covelo responderon, por maioría, polas rutas de sendeirismo, pola paisaxe natural e polos ríos, salientando a frondosidade e riqueza de carballeiras e fragas, tamén do miradoiro do Castelo do Faro e de moitos outros puntos máis agochados nos outeiros das parroquias de montaña e puntos altos do Suído. Ademais, a enquisa recolle que o patrimonio histórico foi outro dos atractivos do Concello de Covelo.

Ao  longo do ano son moitas as persoas da área metropolitana de Vigo que visitan Covelo nas fins de semana polo seu alto valor medio ambiental e polas actividades guiadas estables que se ofertan ao longo de todo o ano. O goberno de Covelo adianta que seguirá nesta liña programando actividades de lecer e promoción de hábitos de vida saudable ao longo dos doce meses do ano para atraer ao público de fin de semana e ao de proximidade pero tamén para satisfacer as necesidades da súa propia cidadanía e brindando a todos eles e ellas un espazo de encontro no que socializar arredor de inquedanzas compartidas.

O alcalde, Pablo Castillo, sinala que “a veciñanza de Covelo é o máis importante para nós, motivo polo que tentamos mellorar os servizos e os espazos públicos así como ofrecer unha programación cultural que sexa do interese xeral. Por outro lado, procuramos que esa oferta sexa tamén atractiva para as persoas que nos visitan porque promovemos así a nosa hostalaría que, ademais, ofrece posibilidades para as distintas capacidades adquisitivas”.

Galicia, pioneira nun ensaio clínico sobre a eficacia da vacina de alta carga da gripe

Redacción
-
0
Galicia, pioneira nun ensaio clínico sobre a eficacia da vacina de alta carga da gripe

Máis de 450.000 galegos e galegas de entre 65 e 79 anos serán invitados a participar nun estudo sobre a vacina da gripe que vai desenvolver a Consellería de Sanidade e investigadores do Grupo de Xenética, Vacinas e enfermidades infecciosas (GENVIP) do Instituto de Investigación Sanitaria de Santiago (IDIS). O ensaio GALFLU (www.galflu.gal), un dos de maior dimensión realizado en España con vacinas, quere comprobar se a versión da vacina de alta carga da gripe (a que xa se está a empregar en maiores de 80 anos porque se comprobou que é máis eficaz nesa franxa de idade) é igualmente beneficiosa nas persoas de entre 65 e 79 anos.

Tal e como detallou durante a presentación a directora xeral de Saúde Pública, Carmen Durán, xunto a Federico Martinón, promotor e investigador principal do ensaio, convidarase a participar voluntariamente a toda a poboación galega que teña entre 65 e 79 anos e que acuda a recibir a vacina fronte a gripe como parte da campaña de vacinación anual aos grandes recintos de vacinación situados en todas as áreas sanitarias de Galicia.

A invitación a participar no estudo enviarase a través dun SMS no que se cita a persoa para a vacinación fronte a gripe e a COVID-19. No mesmo infórmase da existencia do ensaio clínico e da posibilidade de participar. Por tanto a administración das vacinas do ensaio clínico será nos grandes puntos de vacinación que pon ao dispor a Consellería de Sanidade para a campaña de vacinación fronte a gripe e a COVID-19 a partir do día 26. Existirán filas diferenciadas e persoal específico informando, sendo necesario o consentimento informado da persoa participante.

Así, “de demostrarse a hipótese de partida, os galegos desta franxa de idade serán os primeiros en poder beneficiarse desta vacina de alta carga”, segundo subliñou Federico Martinón, promotor e investigador principal do ensaio, na presentación do estudio esta mañá nos laboratorios do IDIS.

Existen diferentes tipos de vacinas fronte á gripe, e na campaña de vacinación antigripal desta tempada vanse utilizar 2 diferentes: unha de alta dose (Efluelda®) e outra de dose estándar (Influvac Tetra®). Diferéncianse na cantidade de antíxenos que inclúen, é dicir os compostos capaces de xerar protección no organismo.

A vacina de alta dose demostrou ser máis eficaz na prevención da gripe e as súas complicacións nas persoas maiores de 80 anos polo que se administra de maneira habitual neste grupo de idade. Neste estudo o que se pretende valorar é se a vacina de alta dose é máis efectiva que a vacina de dose estándar en reducir os casos de gripe, hospitalizacións e complicacións asociadas nas persoas de 65 a 79 anos nas cales de maneira rutineira administraríase a vacina fronte á gripe de dose estándar.

Por tanto, no estudo administraranse os 2 tipos de vacina fronte á gripe, a de alta dose e a de dose estándar. Ambas vacinas están comercializadas e xa se administraron a millóns de persoas. Cada persoa participante ten un 50% de posibilidades de recibir unha vacina ou outra.

Para participar no estudo é necesario ler de forma detallada a folla de información ao paciente e resolver todas as posibles dúbidas. Finalmente, no punto de vacinación, solicitaráselle ao participante que asine o documento de consentimento informado para participar no mesmo. Como con todas as demais vacinas verificarase que non existan contraindicacións para recibir a vacina da gripe.

O estudo non implica acudir a ningún seguimento clínico, xa que se obterá a información necesaria da historia clínica de cada paciente para realizar o seguimento de eficacia e seguridade, polo que non se contactará de novo co paciente. O seguimento durará ata o mes de maio posterior á campaña de vacinación. Só o equipo investigador que participa no estudo poderá acceder á historia clínica, mantendo sempre a confidencialidade.

A gripe é unha infección respiratoria de orixe vírico que produce epidemias anuais a nivel mundial. Aínda que poida afectar a calquera persoa, aquelas de 65 anos ou máis son especialmente vulnerables e presentan un maior risco de sufrir hospitalizacións e complicacións.

Os empresarios de Mos impulsan a inserción laboral das mulleres vítimas de violencia de xénero

Redacción
-
0
Os empresarios de Mos impulsan a inserción laboral das mulleres vítimas de violencia de xénero

Tras sete anos de experiencia na execución de programas de inserción laboral especialmente dirixidos a mulleres vítimas de violencia de xénero, Aemos presentou a primeira empresa de inserción laboral para este colectivo. Fíxoo ante o secretario xeral de Emprego, Traballo Autónomo e Economía Social, Pablo Fernández, e xunto con representantes do Concello de Mos, a deputada autonómica e concelleira de Economía, Industria e Facenda de Mos, María Felisa Rodríguez, e o segundo tenente de alcaldesa e concelleiro de Persoal, Contratación e Igualdade, Leo Costas Alonso, así como o presidente de Aemos, Manuel Castro Álvarez; o xerente, Francisco Domínguez, e outros representantes da Asociación.

Aemos leva case 30 anos de labor asociativa apoiando o crecemento da comarca, sendo un dos seus pilares fundamentais o compromiso social e a contribución á xeración de emprego, tanto no Concello de Mos como na contorna.

A súa evolución no eido do desenvolvemento de programas de inserción laboral, nos que leva traballando 15 anos, desembocou agora nesta iniciativa pioneira, unha empresa de inserción laboral denominada Activa Emprega. Acádese así a ligazón entre o programa de emprego e a inserción laboral plena dun colectivo especialmente vulnerable e con dificultades para a súa empregabilidade.

Dende o ano 2016, Aemos, e mediante o programa Activa para mulleres VVX, atendeu a un total de 230 mulleres da comarca de Vigo que buscaban a súa incorporación no mercado laboral. Nesta traxectoria foron máis de 5.000 horas formativas especialmente dedicadas á mellora da súa empregabilidade e atendendo tamén ás necesidades psicosociais. Así mesmo foi importante a colaboración de máis de 200 empresas no desenvolvemento laboral das participantes. Como resultado cuantitativo, máis de 80 mulleres participantes nestes programas acadaron unha inserción laboral.

Activa Emprega é o resultado do compromiso social que Aemos ten nos seus pilares estratéxicos para o seu desenvolvemento. Unha iniciativa moi ben acollida por parte dos representantes públicos aos que se presentou na reunión de hoxe. Un proxecto que dinamiza os valores de RSC das empresas na sociedade.

A Xunta duplica o servizo de radioloxía do Centro de Saúde de Ponteareas

Redacción
-
0
A Xunta duplica o servizo de radioloxía do Centro de Saúde de Ponteareas

O delegado territorial da Xunta na provincia de Pontevedra, Agustín Reguera, acudiu hoxe ao centro de saúde de Ponteareas xunto á alcaldesa da localidade, Nava Castro, para detallar os investimentos por case 200.000 euros que acometerá o goberno galego este ano neste centro. Na visita estivo acompañado polo xerente da área sanitaria de Vigo, Javier Puente Prieto.

Reguera salientou que a Xunta vén de licitar a instalación, por 181.500 euros na renovación do equipo de radioloxía do centro de saúde ponteareán. A substitución da actual sala de raios X, dun só detector, por unha nova sala con dous detectores permitirá duplicar a capacidade do servizo de radioloxía desta localidade. Este equipo inclúese na licitación que o Sergas publicou este mes para a adquisición de novas salas de raios X dixitais en centros de saúde de toda Galicia. Deles, un total de 4 destinaranse a centros de saúde da provincia de Pontevedra, o que supón un importe total de 695.750 euros. 

Deste xeito, a Xunta reforza o seu propósito dunha atención primaria máis eficaz e eficiente, cunha maior capacidade diagnóstica para mellorar a prevención da enfermidade e evitar, así, posibles complicacións posteriores nos pacientes.

Comeza o programa “O Cine nas Aulas” en Tui

Redacción
-
0
Comeza o programa “O Cine nas Aulas” en Tui

O cinema coma medio para abordar distintas temáticas sobre as que reflexionar, traballar e aprender é o obxectivo do programa “O Cine nas Aulas” que dende hai máis dunha década desenvolve o Concello de Tui.

O teatro municipal de Tui acolleu esta mañá a primeira das proxeccións do curso 2023/24 deste programa no que participa alumnado de Educación Secundaria Obrigatoria dos centros educativos tudenses.

Así hoxe 167 alumnos e alumnas de 4º da ESO do IES San Paio, do Seminario Menor San Paio e do Colexio Maristas Santa María, e profesorado deste centro,  asistiron á proxección dunha película na que se abordan temas coma a aceptación da diversidade, o esforzo e a constancia para acadar obxectivos persoais, a influencia de persoas e que significa a amizade de verdade. Tamén trata a problemática do consumo de drogas, e a enfermidade da SIDA. A película tamén será visionada no propio centro por 58 alumnos e alumnas do IES Indalecio Pérez Tizón.

Agora o alumnado traballará na aula xunto co profesorado nas unidades didácticas elaboradas dende Servizo de Prevención de Drogodependencias do departamento de Servizos Sociais.

No programa participa ao longo do curso alumnado de 4º da ESO e de 5º e 6º de Primaria dos centros educativos tudenses.

O Rosal traballa na análise dos usos enerxéticos nos fogares

Redacción
-
0
O Rosal traballa na análise dos usos enerxéticos nos fogares

O Concello do Rosal continúa avanzando para promover as enerxías renovables no eido local. Ao abeiro do proxecto pioneiro para a posta en marcha dunha comunidade enerxética no municipio, o Concello ten aberta á veciñanza unha enquisa sobre o uso da enerxía nos fogares rosaleiros.

Trátase dunha lista de dez preguntas que se responde en apenas uns minutos en liña que permitirá analizar o tipo de consumo enerxético de rosaleiros. Como destacou a alcaldesa, Ánxela Fernández Callís, trátase “dun paso máis para traballar man a man entre todas e todos para avanzar desde o local no camiño das enerxías limpas, un dos grandes compromisos do Goberno municipal”.

O Concello do Rosal foi unha das cinco entidades galegas beneficiadas pola axuda do Ministerio para a Transición Ecolóxica para crear unha Oficina de Transformación Comunitaria que impulse as comunidades enerxéticas que permitan acadar determinada independencia enerxética, a cogobernanza sobre os recursos enerxéticos, o aforro nas facturas individuais e unha maior resistencia fronte a fortes convulsións do mercado enerxético.

Por outra banda, O Rosal tamén se adheriu ao proxecto EC4RURAL da Universidade de Vigo, unha iniciativa que busca desenvolver novos mecanismos de apoio ás comunidades enerxéticas nos espazos rurais. Financiada con fondos europeos a través do programa LIFE, busca impulsar a creación destas comunidades no rural, así como mellorar a colaboración entre Concello e veciñanza, a concienciación social e a formación en desenvolvemento enerxético comunitario, ademais de promover a participación cidadá e decisións de investimento flexibles e viables en enerxías renovables.

A gran festa micolóxica mosense consolídase e chega á súa décimo novena edición

Redacción
-
0
A gran festa micolóxica mosense consolídase e chega á súa décimo novena edición

Onte pola noite celebrouse no Pazo de Mos a presentación das XIX Xornadas Micolóxicas e Forestais do Concello de Mos que conta co apoio e colaboración da Dirección Xeral de Gandaría, Agricultura e Industrias Agroalimentarias da Xunta de Galicia e da Deputación de Pontevedra. No acto estiveron presentes Laura Méndez Senlle: concelleira de Medio Ambiente, membros da Directiva da Comunidade de Montes ‘Monte Salgueirón’ de Mos, membros da Fundación Pazo de Mos, membros da Asociación de Hostaleiros BARES Mos, hostaleiros participantes nas Xornadas; e demais concelleiros/as, membros do equipo de goberno local e da Corporación Municipal.

Os participantes nesta 19 edición son Pazo de Mos, Adega da Tía Carmen, Baxiña, Curuxeira, Bocadiño e Maceira. Nesta ocasión incorpórase unha interesante novidade que é a inclusión de 4 pratos veganos entre a oferta de tapas a degustar: “burguer vegana de setas”, “caldo das bruxas”, “setas á feira” con shiitake e alga nori e “potaxe de garbanzos con setas”.

O programa de actividades comezará o vindeiro 30 de outubro coa primeira das charlas formativas titulada “A sostibilidade na madeira do piñeiro” a cargo de Francisco Dans, director da Asociación Arume. Todas serán ás 20.30 horas no Pazo de Mos. A segunda das charlas titúlase “Coñecendo o mundo dos cogomelos” a cargo de Puri Lorenzo, bióloga especialista en micoloxía e Luis Freire do Grupo Micolóxico Galego e terá lugar o día 31 de outubro. Pola súa banda o 2 de novembro, Jaime Blanco, presidente da Asociación Micolóxica Os Brincabois, impartirá a charla “Os boletais dos ecosistemas galegos”. O venres 3 de novembro chegará o turo da charla “Cociñando cogomelos” a cargo de José Luis Tomé da Federación Galega de Micoloxía. Ademais das conferencias didácticas realizarase a tradicional saída para recollida e identificación de cogomelos o sábado 4 de novembro en horario matutino de 10.00 horas a 13.30 horas; con saída desde o Pazo de Mos. A participación nas charlas e na saída require de inscrición previa na seguinte ligazón: https://bit.ly/3CrJwsz.

Gran xornada de degustación

A programación das Xornadas Micolóxicas incluirá tamén, e como non podía ser doutro xeito, a tan popular e esperada gran xornada de degustación de cogomelos e VI micromercado con produtos con Denominación de Orixe nos exteriores do Pazo de Mos. Será o domingo 5 de novembro de 12.00 a 15.00 horas e durante a mesma poderanse gozar dos pratos ofertados tanto pola propia Asociación BaRes Mos, como polos 6 establecementos participantes nas xornadas deste ano. O prezo único por tapa ascenderá a 6,5 euros.

O Pazo de Mos servirá caldo de setas denominado caldo das bruxas (tapa vegana). Maceira servirá burguer de setas (tapa vegana). A Adega da Tía Carmen servirá empanada de pan de millo e trigo de setas e castañas, e croquetas de setas, millo e castañas. Curuxeira servirá espaguetis con salsa de nata, espinacas e setas, tortilla de patacas de setas e xamón; e tiramisú de trufa. O Bocadiño servirá un variado de setas e champiñóns con garbanzos (tapa vegana), e tostas con nata, bacon e variado de setas. E Baxiña: croquetas de setas shiitake con bechamel e queixo, e setas á feira (tapa vegana a base de seta shiitake, pataca, sal marina e alga nori, espolvoreadas con pementón).

Ademáis do día da gran degustación, todos estes pratos poden probarse xa nos establecementos de cada un destes hosteleiros e durante todo o mes de novembro. A gran degustación do 5 de novembro contará ás 12.00 horas cun concerto en pequeño formato de Son do Sil e unha actividade infantil ás 16.30 horas da man de Raquel Queizás baixo o título “Romarías: Contos e lendas da nosa terra”.

A mostra micolóxica e consulta aberta ao público estará operativa de 11.00 a 14.00 horas e de 17.00 horas a 20.00 horas.

A Cañiza urbanizará o parque Uceira

Redacción
-
0
A Cañiza urbanizará o parque Uceira

O Concello da Cañiza acomete novas obras de urbanización no parque Uceira, “antigo mercado do gando”, para mellorar a infraestrutura viaria. A obra está adxudicada á empresa NAROM por un importe total de 27.777,80 euros, dos cales o 20 % é aportación do Concello con fondos propios, e o 80 % restante corre a cargo da Xunta de Galicia.

Segundo comunicou o alcalde da vila, Luis Piña, “esta nova actuación no parque ten por obxecto mellorar a circulación do tráfico rodado e peoníl con sinaléctica máis clara. Mellorar a seguridade desta rúa sen salida e cunha grande pendente, para evitar a continuidade dos vehículos fora deste ámbito e tamén repor un ben e unha medida antivandálica dunha das parcelas afectadas”.

Estas reformas responden ás deficiencias que presentaba o parque no tocante ás súas infraestruturas, fruto de execucións por tramos ao longo dos anos, sen intervencións unificadas.

As obras de mellora do parque empresarial consistirán na renovación da sinalización horizontal e vertical e instalación de novos equipos que impidan o paso no fin da rúa. Tamén inclúe a reposición do muro de peche da parcela de acopio de materiais do Concello, retirado para axustar a rúa ás alineacións desenvolvidas nunha anterior actuación de mellora da urbanización do parque, acometidas no mes de novembro de 2022.

As últimas obras desenvolvidas en novembro de 2022 xa viñeron a corrixir as deficiencias máis importantes, executándose unha obra de urbanización que mellorou a humanización do parque, ampliando beirarrúas e completando a urbanización das rúas polas alineacións establecidas nos planos de ordenación municipal, o que permitiu legalizar o “parque Uceira”.

Puri Ameixide presenta en Tomiño a súa obra ‘Claro de lúa’

Redacción
-
0
Puri Ameixide presenta en Tomiño a súa obra ‘Claro de lúa’

Unha boa dose de humor e de amor para unha nova sesión do Outono de Libros este venres 20 no mercado municipal de Tomiño. A escritora e profesora do IES Antón Alonso Ríos, Puri Ameixide, presenta esta semana a súa obra ‘Claro de lúa’, unha homenaxe ás grandes novelas decimonónicas ambientada a comezos do século XIX na Guarda e a súa contorna.

Neorromanticismo miñoto que sorprende ao lector e lectora cos ecos de Jane Austen, Charlotte Brönte, Leon Tostoi ou Otero Pedrayo que a escritora agocha entre as súas páxinas, reminiscencias arroupadas polo piano da famosa sonata de Beethoven. Unha novela no que Ameixide despregou abondosas pontes referenciais a nivel histórico, político, literario, musical… para dar vida a unha novela que pode acadar distintas lecturas segundo a experiencia do público.

Trátase dun relato costumbrista que recolle a vida tranquila na vila mariñeira da Guarda. Nela, Rosa, unha rapaza orfa e pobre, ve morrer á anciá señora á que coidaba e sente que todo o seu mundo se derruba. Un forasteiro, don Leandro, chega para facerse cargo da herdanza da muller e pouco a pouco aprenderá a valorar as bondades do lugar, das xentes e do tipo de vida que alí se lle ofrece, polo que decide quedar. Os traballos e os días, os amores e desamores, parecen dirixirse cara a un final feliz cando se produce a invasión francesa. O paso das tropas napoleónicas pola vila afectará as súas vidas para sempre.

A alcaldesa de Tomiño, Sandra González, convida a toda a veciñanza a participar nesta terceira sesión do Outono de Libros, unha iniciativa “coa que queremos destacar a importancia que ten a creación literaria en todos os xéneros e a calquera idade e facelo dando tamén a coñecer a tomiñeses e tomiñesas ás e aos novelistas que teñen ao seu carón, como é a propia Puri Ameixide, docente no noso instituto dende hai moitos anos”.

A sesión deste venres 20, dirixida a todos os públicos, será de balde e celebrarase a partir das 20.00 horas no Mercado Municipal de Tomiño.  

A biblioteca de Nigrán é finalista dos premios de arquitectura da Xunta de Galicia

Redacción
-
0
A biblioteca de Nigrán é finalista dos premios de arquitectura da Xunta de Galicia

A biblioteca municipal de Nigrán suma un novo galardón ao seu brillante palmarés. O edificio do Concello, firmado por Lucas Gándara e Juan Pons, foi seleccionado na cuarta edición do ‘Premios de Arquitectura’ da Xunta como unha das oito mellores construccións realizadas en Galicia nos anos 2020, 2021 e 2022, resultando gañador o conxunto residencial ‘Cornes’ composto por 125 vivendas (Santiago de Compostela).

Esta distinción entre decenas de proxectos presentados, engádese ao primeiro premio outorgado este ano polo Colexio de Arquitectos de Galicia á mellor obra de nova planta en toda a comunidade autónoma nos anos 2020-2021 e o premio ibérico ‘Technal 2022’ presidido no Xurado por Carme Pinós, Premio Nacional de Arquitectura 2021. Igualmente, a Biblioteca Municipal de Nigrán está sendo obxecto de estudo na Universidade de A Coruña na asignatura de segundo curso ‘Análise Arquitectónica’, tendo recibido con este propósito a visita do seu alumnado.

“Non podemos estar máis orgullosos. É un edificio multipremiado que nos sitúa no mapa da mellor arquitectura moderna de todo o país e que nos permite medrar culturalmente”, subliña o alcalde, Juan González, quen destaca o investimento de 10.000 € este ano para ampliar a colección de libros ao ter gañado espazo”. Así, actualmente estanse a colocar nas baldas correspondentes un total de 210 exemplares adquiridos recentemente no comercio local. Uns meses antes, a través dunha subvención da Xunta de Galicia, investíranse outros 2.590 € en novidades editoriais e 1.581 € en libros en galego mercados directamente ás editoriais. “Grazas a dispor dunha nova Biblioteca podemos ampliar considerablemente a colección de libros e actualizala, xa que na antiga o espazo era moi limitado e estaba ao máximo de ocupación”, explica. “Hai un ano que está aberta ao público e podemos corroborar que mestura beleza, funcionalidade e harmonía cunha absoluta confortabilidade para o usuario”, subliña o rexedor, quen sinala que o vindeiro ano arrancarán as obras para remodelar a praza coa que linda a biblioteca, proxecto encargado tamén ao estudo Gándara#Pons para manter unha coherencia total entre o interior do edificio e o seu exterior.

O edificio

O edificio ocupa unha parcela municipal de 443 metros cadrados e de forma trapezoidal no centro do municipio (a beira da Estrada pola Vía, á altura do número 118, fronte a rúa do Panasco). O feito de que se trate dunha parcela con forte desnivel permite que teña dúas entradas, con accesos tanto dende o andar baixo como desde o primeiro, o que favorece unha utilización polivalente das instalacións. Desde o punto de vista urbanístico, a construción xera unha praza cuberta que se abre á praza existente e que supón unha zona previa á entrada polo andar baixo.

Conta con catro alturas, planta irregular, e superficie total construída de 1.260 m2 clasificado coa letra A no seu Certificado de Eficiencia Enerxética (máxima categoría). Trátase, por tanto, dun edificio bioclimático que dispón das últimas tecnoloxías en instalacións para acadar esta sostibilidade ambiental.

Na planta baixa (191 m2) disponse dunha sala de usos múltiples vinculada á praza cuberta adxacente, almacén e aseos; na planta primeira (269 m2) hemeroteca, sala de ordenadores, recepción e zona de préstamo infantil e xuvenil; na segunda (272 m2) zona de préstamo para adultos e na terceira (235m2), zona de estudio que se comunica a dobre altura coa zona de préstamos do nivel inferior. A cuberta está deseñada como unha terraza onde poder desenvolver actos.

O mobiliario elixido estivo supervisado polos seus arquitectos e destaca por ser de liñas puras e deseño atemporal, en tons neutros e fabricado en materiais de alta calidade que lle outorgan resistencia e durabilidade. “Cada moble foi elixido atendendo á singularidade do espazo e función que vai ocupar porque se quixo dar unha imaxe unitaria e homoxenea que respectase á singularidade do edificio”, explican desde a adxudicataria Sutega, empresa galega responsable de proxectos similares como o amoblamento da Biblioteca Municipal Princesa Doña Leonor (Boadilla del Monte), a Biblioteca Municipal Los Corrales de Buelna (Cantabria) ou o Arquivo Histórico de Ourense e, xa na comarca, das novas oficinas da Zona Franca de Vigo.

Expertos internacionais analizarán en pontevedra como conseguir museos e procesos de restauración máis sostibles

Redacción
-
0
Expertos internacionais analizarán en pontevedra como conseguir museos e procesos de restauración máis sostibles

A sostibilidade é un tema de debate recorrente nos museos nestes tempos. Por iso a 12ª edición do Encontro de Conservación e Restauración, que cada ano organiza o Museo de Pontevedra, porá nesta ocasión o foco en como desenvolver prácticas de xestión, museografía e restauración respectuosas co medio ambiente. O encontro terá lugar os días 23 e 24 de novembro e reunirá en Pontevedra a persoas expertas de museos, institucións e entidades privadas de Noruega, Países Baixos, Portugal e España.

Durante dous días, desenvolveranse once conferencias arredor do tema ‘Museos sostibles? Xestión, museografía e restauración’, organizadas en tres bloques que se pecharán con cadanseu coloquio. O primeiro bloque, o xoves pola mañá, centrarase na análise de propostas  e o intercambio de experiencias e iniciativas de institucións públicas e privadas para establecer estratexias e criterios de sostibilidade na xestión do patrimonio cultural. Abrirá o encontro Morien Rees, responsable do grupo de traballo de sostibilidade do ICOM, cunha conferencia inaugural na que abordará o estado da cuestión. Á súa intervención seguirá a de representantes do Ki Culture de Amsterdam, unha organización que traballa pola sostibilidade na cultura, do Museo Guggenheim de Bilbao e do equipo redactor do ‘Libro verde para a xestión sostible do patrimonio cultural’, que acaba de publicar o Ministerio de Cultura y Deporte.

A sesión vespertina do mesmo xoves abordará as prácticas museográficas sostibles, coa presenza de representantes de tres empresas do sector especializadas en ámbitos cun importante impacto ambiental, que exporán alternativas que reducen esa pegada: o deseño de exposicións temporais, coas posibilidades que ofrece o ecodeseño; a iluminación, coa optimización que ofrecen a mellora tecnolóxica, o deseño responsable e a práctica especializada; e o transporte de obras de arte.

O venres pola mañá desenvolverase a terceira e última sesión, centrada de maneira específica nas metodoloxías verdes aplicadas á conservación e restauración, con prácticas que minimizan a pegada de carbono, recursos tecnolóxicos que favorecen a conservación sostible e a atención a programas de mantemento e xestión de residuos. Serán catro conferencias impartidas por investigadores e investigadoras que traballan no estudo e identificación de prácticas máis sostibles nas intervencións no patrimonio construído, no tratamento do patrimonio pétreo e na limpeza por ultraconxelación de superficies patrimoniais. Tamén se ofrecerá un repaso polos proxectos do Instituto del Patrimonio Cultural de España para validar métodos de conservación máis sostibles.

Inscrición aberta

O encontro está organizado polo Museo de Pontevedra coa colaboración da Escola Superior de Conservación e Restauración de Bens Culturais de Galicia.  A inscrición é gratuíta e pode facerse ata o 20 de novembro a través da web https://encontrorestauracion.depo.gal. As prazas son limitadas. O encontro está orientado a profesionais de museoloxía e está aberto a estudantes de disciplinas relacionadas co tema do encontro, como conservación e restauración, historia, ou historia da arte.  Ten carácter presencial, aínda que as intervencións serán rexistradas en vídeo e posteriormente postas a disposición do público no sitio web do encontro.  

Baiona e Poio colaborarán para divulgar a vinculación de Colón coas súas vilas

Redacción
-
0
Baiona e Poio colaborarán para divulgar a vinculación de Colón coas súas vilas

Os actos do Día de Colón presentarase en Baiona, concello ao que arribou a carabela La Pinta coa noticia do descubrimento de América. O que busca o novo Goberno, sinala, é establecer futuras colaboracións e irmanamento entre os dous concellos (Poio e Baiona) para seguir divulgando e poñendo en valor a figura do Colón de Poio, accións que servirán tamén para promocionar esta festa medieval.

O Concello de Poio recupera este ano a celebración do Día de Colón, que chega á súa décima edición tras cinco anos sen organizarse. Deste xeito, a festa medieval, que defende a teoría da ascendencia galega do navegante, desenvolverase o venres 20 e sábado 21 de outubro en Combarro, en colaboración coas asociacións Combrus, Laretas e Vides Novas.

Como edicións anteriores, a programación incluirá artesáns, tiro con arco, obras teatralizadas e música itinerantes, entre outras propostas que se darán a coñecer nos vindeiros días, e a organización manterá reunións de coordinación cos diferentes establecementos. Tamén os locais crearán os seus propios menús medievais.

Segundo explica o alcalde, Ángel Moldes, “o obxectivo desta festa, ademais de que contribúa ao desenvolvemento socioeconómico do concello, tamén favorecerá a desestacionalización, atraer visitantes e incentivar o consumo fóra da tempada de verán”. De igual modo, con esta celebración tamén se seguirá “reivindicando a figura do Colón galego, do Colón de Portosanto, en definitiva do Colón de Poio. Como todo o mundo recoñece, esta festa serviu para afianzar a relación da figura do navegante con Poio e dar visibilidade ao propio museo”.

El alcalde de Baiona, Jesús Vázquez Almuíña, puso a disposición del Concello de Baiona el Museo Flotante de la Carabela Pinta de Baiona para acoger este acto de presentación mostrando así su apoyo la a celebración de este singular día y reivindicando el origen gallego, de Poio, de Colón.

RCP nas aulas de Mos con motivo do Día Mundial

Redacción
-
0
RCP nas aulas de Mos con motivo do Día Mundial

O 16 de outubro celebrouse o Día Mundial da Reanimación Cardiopulmonar (RCP), para divulgar a importancia de aplicar a técnica de reanimación cardiopulmonar para salvar vidas, en caso de ocorrer unha emerxencia.

Desde o Concello de Mos conmemorouse no CEIP Atín-Cela grazas á colaboración dos profesionais de Medicina Intensiva (UCI) do Hospital Álvaro Cunqueiro.

Cris, a médico, e as enfermeiras Isa, Romina e Aisha, foron as profesionais do Servizo Galego de Saúde que asistiron a impartir a sesión ao alumnado de 5º e 6º de Primaria do colexio de Atín-Cela e que foron acompañadas pola concelleira de Educación mosense, Julia Loureiro.

A edil declarou a este respecto que “consideramos necesario que o alumnado dos cursos superiores de Primaria saiba como actuar ante unha emerxencia a fin de crear conciencia sobre a importancia na reanimación cardio pulmonar para salvar vidas, de ahí a organización desta iniciativa levada a cabo da man do Sergas”. Explicou Loureiro, quen insistiu en que “con esta actividade o que se busca é concienciar aos cativos do importante que é actuar ante unha situación así,  e de informalos de que maneira poden axudar ante unha emerxencia”.

A Reanimación Cardio Pulmonar ou Respiratoria (RCP) consiste na aplicación de técnicas ou manobras manuais de primeiros auxilios básicos ante un ataque cardíaco, para reanimar a respiración e os latexos do corazón ata que a persoa afectada poida recibir atención médica de emerxencia. 

A actividade realizada na mañá de onte no colexio de Atín-Cela constou dunha parte teórica e tamén de talleres para poñer en práctica as técnicas de reanimación.

Redondela aposta polo Xornalismo Ético na loita contra a violencia machista

Redacción
-
0
Redondela aposta polo Xornalismo Ético na loita contra a violencia machista

Por terceiro ano consecutivo, o Concello de Redondela enorgullécese en anunciar a convocatoria do III Premio Sesé Mateo de Xornalismo Ético no tratamento da violencia machista. Este certame ten como obxectivo recoñecer e destacar o traballo dos profesionais do xornalismo que aborden de maneira ética e respectuosa os temas relacionados coa violencia de machista, protexendo a intimidade das vítimas e as súas familias.

Nun acto celebrado na Casa do Concello de Redondela, a alcaldesa Digna Rivas, xunto con Joshua Mateo, fillo de Sesé Mateo, e a concelleiro de Igualdade, Iria Vilaboa, presentaron esta terceira edición do premio. Nas súas palabras, a alcaldesa reafirmou o compromiso do Goberno local “na loita pola erradicación da secuela que supón a violencia machista en todas as súas manifestacións”. Rivas destacou que estes premios non só recoñecen o esforzo e o compromiso dos e as profesionais do xornalismo que contribúen a combater a violencia de xénero, senón que tamén serven como un “permanente recordatorio ás vítimas”, segundo a alcaldesa Redondela, sempre estivo comprometida coa igualdade e a loita contra a violencia machista, e continúa liderando esta importante fronte.

Bases do premio

A terceira edición do Premio Sesé Mateo de Xornalismo Ético no tratamento da violencia machista, dotado con 1.500 euros en efectivo, está aberto traballos de calquera xénero xornalístico (noticias, artigos de opinión, reportaxes, etc.) sen límite de extensión e que fosen publicados, en medios en papel ou dixitais, ou emitidos en medios de comunicación radiofónicos ou audiovisuais, entre o 1 de setembro de 2022 e o 31 de agosto de 2023, e deben ser presentados antes do 3 de novembro de 2023.

Os traballos teñen que presentarse no Rexistro Xeral do Concello de Redondela en horario do Rexistro de Entrada (09:00 a 14:00 horas), ou nos lugares que sinala o artigo 16.4 da Lei 39/2015, do 1 de outubro, do procedemento administrativo común das administracións públicas, entre os cales se atopa a Sede electrónica do Concello de Redondela. Para os traballos presentados por xornais, radios ou televisións, en caso de resultar premiados, a persoa autora do traballo será a beneficiaria do premio. No caso de existir dúbidas sobre o procedemento deberase dirixir á dirección electrónica: [email protected]

En calquera fase do procedemento anterior á proposta de resolución poderáselle requirir á persoa ou á entidade participante que achegue información e documentación complementaria que se considere conveniente para a correcta valoración da solicitude presentada.

Permítese a presentación dun só traballo por persoa. Se un traballo é presentado tanto polo seu autor/a como por unha entidade, darase preferencia á candidatura do autor en virtude da Lei de Propiedade Intelectual (RDL 1/1996, do 12 de abril).

Valórase positivamente a presentación de traballos en lingua galega, dada a súa minoría no ámbito xornalístico e o compromiso de Redondela na promoción desta lingua.

A terceira edición deste premio reafirma o compromiso de Redondela co xornalismo ético e a loita contra a violencia machista, alentando a xornalistas e medios de comunicación a contribuír a unha sociedade máis xusta e equitativa.

O Rosal percorre miles de anos da súa historia coas III Xornadas de Patrimonio

Redacción
-
0
O Rosal percorre miles de anos da súa historia coas III Xornadas de Patrimonio

O Rosal volve botar unha ollada ao seu pasado coa celebración da terceira edición das súas Xornadas de Patrimonio, unha serie de actividades de balde para todos os públicos coas que o Concello busca dar a coñecer e poñer en valor o patrimonio rosaleiro tanto material como inmaterial. Catro xornadas que permitirán á veciñanza “achegarse a aspectos fundamentais da nosa historia para entender O Rosal de hoxe e valorar o traballo dos nosos antepasados”, como explica a alcaldesa, Ánxela Fernández Callís.

As xornadas comezarán este sábado 21 de outubro ás 11.00 horas no Centro Social Polivalente coa charla de Augusto Pérez Alberti sobre ‘O patrimonio xeomorfolóxico da costa do Rosal: unha historia de máis de 120.000 anos’. O catedrático de Xeografía Física da Universidade de Compostela achegará o seu coñecemento sobre esta zona dun xeito didáctico e accesible para todos os públicos nunha charla que rematará cunha visita guiada á praia de bolos de Portecelo ás 12.00 horas.

Pérez Alberti ten participado en máis de 300 libros e artigos en diversas revistas e investiga sobre a xeomorfoloxía glacial e periglacial, a xeomorfoloxía costeira, a climatoloxía, a paleoclimatoloxía e a cartografía dixital. É membro da Asociación de Geógrafos Españoles e da Sociedad Española de Geomorfología e foi fundador e primeiro presidente da Sociedade Galega de Xeografía.

As xornadas continuarán o sábado 28 de outubro cun encontro con Eduardo Méndez Quintas, quen falará ao público sobre os ‘300.000 anos do traballo da pedra en Galicia’ ás 11.00 horas no Centro Social Polivalente. Méndez é investigador posdoutoral Xunta de Galicia na Universidade de Vigo e centra as súas investigacións na prehistoria antiga europea e africana, que desenvolve en diferentes xacementos paleolíticos peninsulares, especialmente na conca do río Miño. Nesta zona lidera os proxectos en xacementos como Arbo, Porto Maior, Gándaras de Budiño ou A Piteira. Ademais é codirector da iniciativa Melka Kunture de Etiopía e do Olduvai Paleoanthropology and Paleoecology Project na Garganta de Olduvai en Tanzania. A charla rematará cunha visita guiada ás 12.00 horas ás escavacións arqueolóxicas das Gándaras de Budiño.

A terceira edición das Xornadas de Patrimonio do Concello do Rosal rematarán afondando no traballo dos cabaqueiros. O sábado 4 de novembro a doutora en Xeografía e profesora en Ensino Secundario Ánxeles Verea Castelo falará sobre ‘Os ‘fomentadores’ da industria do barro’. O público poderá achegarse ás 11.00 horas ao Centro Social Polivalente para escoitar a esta investigadora descendente dunha coñecida saga de fabricantes de Boimorto que estuda dende hai anos o mundo dos cabaqueiros.

Na súa exposición explicará como naceu a súa paixón polo coñecemento dos telleiros do Baixo Miño e destacará non só o importante papel que exerceron na construción dunha das grandes obras do século XVIII como o estaleiro e arsenal de Ferrol, senón tamén que puxeron as bases do nacemento de futuras industrias cerámicas en Galicia.

Será a propia Ánxeles Verea a encargada de dar o pregón ao día seguinte, o domingo 5 de novembro, na xornada de demostracións do traballo dos cabaqueiros que se realizará a partir das 17.00 horas na Praza do Calvario.

Escola Segunda Oportunidade en Mos para a preparación das probas da ESO

Redacción
-
0
Escola Segunda Oportunidade en Mos para a preparación das probas da ESO

Desde a Concellería de Emprego, que dirixe a edil Julia Loureio, infórmase de que na Axencia de Colocación do Concello de Mos impartirase unha nova edición da Escola de Segunda Oportunidade para a preparación das probas libres da ESO (Educación Secundaria Obrigatoria) no presente curso 2023-2024 para a que aínda quedan prazas libres.

As clases comezarán este mes de outubro e desenvolveranse ata a celebración da convocatoria de exames prevista para os meses de abril ou maio.

As clases impartiranse dous días á semana, catro horas cada día. O alumnado pode elixir entre horario de mañá ou de tarde. As clases de mañá comezan ás 09.30 horas e duran hasta las 13.30 horas, e as de tarde teñen inicio ás 16:30 horas e final ás 20:30 horas.

Baiona organiza un acto polo Día Mundial Contra o Cancro de Mama

Redacción
-
0
Baiona organiza un acto polo Día Mundial Contra o Cancro de Mama

O Concello de Baiona, a través da Concellería de Política Social, organiza en colaboración o Baíña F.S. e coa AECC (Asociación Española Contra o Cancro) un acto polo Día Mundial Contra o Cancro de Mama.

Este mércores 18 de outubro ás 17:00 h na praza do Concello levará  a cabo una ????????????́? ???? ?????? o cancro ?? ????. Desde lle Concello de Baiona convídase á veciñanza para participar neste acto con algunha peza de cor rosa.

Tamén está prevista a actuación do grupo de danza “Viro’s Baíña”. Durante esta xornada de tarde está prevista a instalación dunha mesa informativa por parte da Asociación Española Contra o Cancro, onde Loreto Puente (Psicóloga de AECC) informará a veciñanza dos servizos que ofrece a asociación. Así mesmo, poderanse facer donativos e comprar artigos de “merchandising”. Todo o diñeiro recadado destinarase á Asociación Española Contra el Cancro.

Xornada Europea de Patrimonio Termal no Arabo

Redacción
-
0
Xornada Europea de Patrimonio Termal no Arabo

Con motivo da Xornada Europea de Patrimonio Termal, organizada pola Asociación Europea de Cidades Termais Históricas e o GDR Condado Paradanta, e dentro da programación deseñada polo GDR Condado-Paradanta, tivo a visita ao Centro de Interpretación do Viño e a Lamprea “Arabo”. Así, o pasado venres día 13, contouse coa presenza dos participantes nesta sexta xornada termal que gozaron da historia, tradición, enogasteonomia e cultura milenaria de Arbo a través dos vídeos e paneis informativos do museo.

“Entre a lamprea, apreciado peixe ancestral que identifica á vila de Arbo e os viños das Rías Baixas, que cada vez son máis demandados polo público en xeral, xa que se están facendo grandes e deliciosas etiquetas, podemos dicir que temos unha gran sorte coa gastronomía e os produtos da nosa zona” informaba o alcalde Horacio Gil aos participantes na xornada.

Facer turismo en Arbo, fará que quen veña a vernos sentan como na casa, porque Arbo é como unha gran familia, onde ao que chega, sexa a unha mesa dun restaurante, ou a un dos nosos aloxamentos, trátaselle como uno máis, con proximidade, agarimo e hospitalidade.

A gran promoción turística que desde o Concello se esta realizando nos últimos anos, fai posible, que cada ano máis visitantes escollan Arbo para pasar as súas vacacións.

O alcalde de Arbo, Horacio Gil, agradece ao GDR Condado Paradanta, o gran labor que desenvolve a favor do turismo na comarca e por contar unha vez máis co Museo Arabo na súa programación.

Nova sesión de contacontos na biblioteca con Tania Justo en Tui

Redacción
-
0
Nova sesión de contacontos na biblioteca con Tania Justo en Tui

O próximo martes, 17 de outubro, ás 17.30 h continúan as actividades de “Outubro mes da Biblioteca” cunha nova actividade de animación dirixida a rapazas e rapaces de 3 a 6 anos de idade.

Nesta ocasión estará na Biblioteca Pública Municipal de Tui Tania Justo co seu espectáculo “Cantacontos Kairos” que pretende fomentar a iniciación á lectura dos máis pequenos mediante diferentes historias e melodías buscando a implicación e participación dos nenos e nenas asistentes. É un contido adaptado para todos tipo de rapaces e rapazas e as súas familias.

Para a concelleira de Ensino, Cultura e Mocidade, Sonsoles Vicente Solla, con esta actividade que mestura a lectura e a música dende a Biblioteca Municipal promóvese que os usuarios más cativos deste centro bibliotecario se acheguen aos libros dun xeito lúdico que contribúa ao fomento da lectura.

A programación de “Outubro, mes da Biblioteca” complétase o martes 24 de outubro, data na que se celebra o Día da Biblioteca, cunha nova sesión de contacontos para bebés de 0 a 3 anos de idades a cargo de Charo Pita.

15 vivendas únense á rede de saneamento na parroquia da Picoña en Salceda

Redacción
-
0
15 vivendas únense á rede de saneamento na parroquia da Picoña en Salceda

A pasada semana deron comezo as obras do proxecto de saneamento dos barrios da Ataúde e A Arrotea, na parroquia da Picoña, que lle vai permitir a 15 casas contar con este servizo esencial. Os últimos detalles revisáronse a pé de obra coa alcaldesa de Salceda de Caselas, Loli Castiñeira, a empresa constructora, a empresa redactora do proxecto, e o xerente do Consorcio do Louro.

Prevese a construción dun colector de 491 metros de lonxitude conectado á rede existente actualmente na zona, e que se realizará na súa totalidade a través de terreos de titularidade pública.  O proxecto, que conta cun orzamento de 110.898,73 €, foi adxudicada polo Consorcio do Louro a Construcciones Castro, ten un prazo de execución de 3 meses e será executada cos fondos do Consorcio de Augas do Louro dentro do libro de ruta para a construción de novos tramos de saneamento nos catro Concellos (Salceda, Mos, Porriño e Tui).

O proxecto supón un novo paso na consecución do saneamento integral de Salceda, lembrando dende o equipo de goberno que unha das súas prioridades para esta lexislatura será precisamente avanzar cara ao desexado saneamento integral, buscando para elo a colaboración das diferentes administracións, pois resulta materialmente imposible executar estas obras con fondos propios do Concello. O equipo de goberno segue deste xeito a dar pasos no cumprimento do pacto de investidura asinado con PSOE e BNG, no que se recolle tamén a importancia de seguir a ampliar a rede de saneamento do Concello.

“Galicia sabe aMar” aterrizará o mércores en Covelo

Redacción
-
0
“Galicia sabe aMar” aterrizará o mércores en Covelo

A praza Mestre Cerviño do centro urbano de Covelo recibe ao foodtruck da campaña “Galicia sabe aMar”. Unha iniciativa da Consellería do Mar da Xunta de Galicia para a promoción e dos produtos galegos do mar e da terra.

No foodtruck poderanse degustar distintas receitas elaboradas con produtos da terra o vindeiro mércores, día 18 de outubro, en horario de 12:00 h a 15:00 h e de 18:00 h a 21:00 horas.

“Galicia sabe aMar” é unha campaña da Xunta de Galicia que nace no verán de 2021 para animar á cidadanía a través da retranca galega e os dobres sentidos a consumir produtos do mar, impulsar a súa venda e poñer en valor o labor dos profesionais da pesca e do marisqueo.

Adxudicada a obra de acondicionamento da vía paralela á liña ferroviaria no Porriño

Redacción
-
0
Adxudicada a obra de acondicionamento da vía paralela á liña ferroviaria no Porriño

A Xunta de Galicia acaba de adxudicar, por algo máis de 340.000 euros, a obra de acondicionamento que transcorre paralela á liña ferroviaria que se atopa na contorna do río Louro, no concello pontevedrés do Porriño. Así o recolle o convenio de colaboración asinado o pasado mes de abril entre a vicepresidenta segunda e conselleira de Medio Ambiente, Territorio e Vivenda, Ángeles Vázquez, e o alcalde da localidade, Alejandro Lorenzo.

A obra, que contará cun prazo de execución estimado de tres meses, ten como obxectivo mellorar esta vía con actuacións como a substitución do pavimento por unha capa de aglomerado en quente, a instalación de sinalización horizontal para definir a zona ciclista bidireccional e a zona peonil, e a dotación de luminarias con sensores de presencia.

Esta actuación acometerase ao abeiro do chamado plan Hurbe, un programa impulsado polo Goberno galego en 2010, co fin de axudar ás administracións locais a financiar este tipo de proxectos municipais que inciden de forma positiva na calidade de vida da veciñanza.

Desde a posta en marcha deste plan, mobilizáronse ao redor de 165 millóns de euros para o financiamento de máis de 415 iniciativas urbanísticas en decenas de concellos galegos, co fin de habilitar ou recuperar equipamentos públicos e poñer en valor as súas contornas urbanas. No caso do Porriño, xa se levou a cabo a humanización da rúa Pontevedra ao abeiro desta iniciativa.

Ademais, a Xunta destinará 8,6 millóns de euros este ano a seguir apoiando aos concellos neste tipo de obras, un 23 % máis que o orzamento reservado a tal fin en 2022.

Redondela remata coa limpeza das beiras dos treitos urbanos dos ríos

Redacción
-
0
Redondela remata coa limpeza das beiras dos treitos urbanos dos ríos

O Concello de Redondela, a través dunha empresa especializada en limpezas ambientais baixo a coordinación da Concellería de Medio Ambiente que xestiona Pilar Martínez, desenvolveu os traballos de limpeza das beiras nos treitos urbanos dos ríos.

As labores centráronse nas beiras do Pexegueiro, Alvedosa e Maceiras , así como nos ríos Fondón e Maceiras da parroquia de Chapela.

Pilar Martínez salientou que os traballos, dado que se realizan a través dunha empresa especializada nestas labores, “efectúan a limpeza cun estrito cumprimento de todas as normas de coidado medioambiental tanto da flora como da fauna, deixando zonas con vexetación para que todos os animais que viven nas ribeiras dos nosos ríos poidan críar e resguardarse”.

Pola súa banda, a alcaldesa Digna Rivas, lembrou que o feito que se traballe nos treitos urbanos “responde a que o Concello carece de competencia fora desas marxes xa que pasa a ser competencia única e exclusiva de Augas de Galicia”.

De feito, engade Rivas, “no 2017 o Tribunal Supremo estableceu que a competencia na conservación ordinaria dos treitos urbanos dos ríos é dos Concello e no 2019 a Xunta publicou unha instrución nese sentido e reservando a Augas de Galicia a limpeza nos treitos interurbanos, e delimitando as datas de desbroce dende o 16 de setembro ate o 15 de abril nos treitos urbanos”.

Augas de Galicia non comezou cos traballos de limpeza das zonas dos ríos que lle corresponden no Concello de Redondela, nin temos data de comezo dos memos, polo que dende a Concellería de Medio Ambiente, requeriuse a limpeza antes de que comecen as choivas.

En todo caso, a rexedora redondelá lembrou que, tal e como está demostrado, “a limpeza das beiras e canles diminúe o risco de riadas e inundacións”. “O certo é que en inverno estánse a producir episodios de choivas cada vez máis torrenciais e é complicado impedir as riadas, pero unha axeitada limpeza dos ríos reduce moito os danos causados polas mesmas”.

Nigrán comezou os actos do “Ano Palacios” coa presentación dun libro sobre o legado do arquitecto

Redacción
-
0
Nigrán comezou os actos do “Ano Palacios” coa presentación dun libro sobre o legado do arquitecto

O Concello iniciou este sábado, coa presentación do libro ‘O legado de Antonio Palacios en Nigrán’, os actos polo 150 aniversario do nacemento do célebre arquitecto porriñés, fito que se cumplirá en xaneiro de 2024. O resultado desta obra de investigación, contratada ao tamén arquitecto Álvaro Bonet (Editorial Engaiolarte), foi presentado no CPI Arquitecto Palacios de Panxón para facer coincidir a data e a localización coa inauguración do Templo Votivo, a súa obra cume e que se estreou o 16 de Outubro de 1937. Á presentación acudíu o propio autor desde Madrid, o alcalde de Nigrán, Juan González; Xosé Fernández Puga pola editorial Engaiolarte; o fotógrafo Xulio Gil; e o catedrático de Historia del Arte da Universidade de Santiago, Jesús A. Sánchez García.

“Temos en Panxón a obra relixiosa máis representativa de Palacios, un arquitecto recoñecido internacionalmente pola súa trascendencia no deseño de Madrid e ao que a capital de España consagrará o ano 2024; en Nigrán non podemos ser menos, queremos festexar este fito e promover a súa pegada no municipio”, incide Juan González, alcalde de Nigrán e quen, como historiador, louba o resultado obtido por Bonet. “Revisou durante anos documentación do Arquivo Municipal e de diferentes institucións, conquerindo información ata agora descoñecida que se plasma neste libro, asi que non podemos estar máis orgullosos”, incide. González refírese á obtención de documentos inéditos que agora saen á luz, entre os que destacan fotos novas da construción do Templo Votivo, cartas do arquitecto dando instruccións sobre a obra ao párroco ou debuxos a man alzada da igrexa de Santiago de Parada.

Entre esta documentación inédita sobresae un plano orixinal da súa proposta de reordenación urbanística de Panxón, feito curioso porque se encadraba no seu ambicioso plan de reforma da cidade de Vigo (aprobado en 1932 e anulado durante a Guerra Civil) e que abranguía tamén unha nova organización comarcal.

A correspondencia fluida desde Málaga co cura de Panxón, Jesús Espinosa, retrata a un Palacios meticuloso que dá instruccións precisas sobre a propia dirección da obra e reflexa o gran avance na construción cando se conseguía un aumento da recadación popular e o atraso cando sucedía o contrario, asi como o silencio absoluto na Guerra Civil debido á incomunicación entre Madrid (a súa residencia, en bando republicano) e Galicia (no bando sublevado desde o inicio). Bonet destaca destas cartas o absoluto detallismo de Palacios nos seus planos, debuxos e comentarios ao respecto, asi como a súa gran confianza no construtor José Mogimes, do que figuran diferentes fotos. Nunha destas misivas, o arquitecto rexeita modestamente “asinar” unha lápida co seu nome para o Templo Votivo, tal e como lle pide Espinosa.

Igualmente, Bonet rescata un plano de 1942 sobre o “conxunto do santuario do Mar” que incluía ao carón do Templo Votivo un mosteiro ou un claustro, e do que simplemente se materializou a rectoral e o orfanato (actualmente CPI Arquitecto Palacios e desvinculado da igrexa). Como fito curioso, o libro repreoduce os seus debuxos a man alzada da igrexa de orixe románica de Santiago de Parada en 1944, descoñecidos por completo ata agora e nos que únicamente titula ‘Estudos Arqueolóxicos Santiago de Parada’, sen que se coñeza con qué finalidade os realizou (inclúen a planta, a sección ou restos pictóricos da ábsida xa desaparecidos e omite todos os engadidos modernos).

Outro dos grandes descubrimentos da investigación de Bonet é que o chalé de Praia América bautizado como ‘Nidito de Amor’ (rúa Rans, 38) atribuído desde sempre a Palacios, é en realidade obra do seu amigo Gómez Román (autor tamén do Monumento á Mariña Universal en Monteferro), sen embargo, ratifica que o veciño hoteliño de Sileno (pseudónimo do avogado e famoso caricaturista) si é de Palacios. Igualmente, destaca Bonet que existíu un proxecto de Palacios para o seu irmá Xosé en Gaifar porque atopou unha licencia de construción de 1936, pero se descoñece en que quedou e non hai máis expediente ao respecto.

SmartPeme ofrece catro novos obradoiros esta semana

Redacción
-
0
SmartPeme ofrece catro novos obradoiros esta semana

A Deputación de Pontevedra, a través de SmartPeme, oferta catro novas accións formativas para esta semana no marco da súa carteira de obradoiros. Os cursos tratarán temas como a ciberseguridade e o uso da VPN, análise de datos para o desenvolvemento dun negocio ou sobre o emprego da intelixencia artificial para a mellora e creación de imaxes.

Hoxe luns 16 de outubro, ás 10:30, terá lugar “Ciberseguridade, uso da VPN”. O curso, impartido polo experto universitario en robótica, programación e impresión 3D Manuel Freire, ten como obxectivo  fomentar a utilización da VPN dando a coñecer os seus beneficios e o seu funcionamento. No taller telemático abordarase o seu uso, cales son as opcións gratuítas e como se configura.

O martes 17, de 12:00 a 13:00 horas, con “Data Driven Marketing, mellora o teu negocio en base aos datos” as persoas que participen aprenderán sobre a importancia da análise dixital e de como mellorar o SEO, SEM, redes sociais, deseño e copywriting a través dos datos para desenvolver o negocio. O taller será dirixido por Esther Garcinuño, docente con experiencia en deseño, desenvolvemento e dirección de proxectos web.

Para o mércores 18, de 12:00 a 13:00, está previsto o taller sobre intelixencia artificial: “IA de imaxes, sácalles o potencial”. Lara Taboada, titulada superior en Ensinanzas Artísticas de Deseño Gráfico, con experiencia na fotografía de produto e composición fotográfica creativa, será a encargada de impartilo.

As accións formativas desta semana rematan o xoves 19 coa cuarta sesión formativa online sobre intelixencia artificial “ChatGPT e Stable Diffusion, aprende o seu funcionamento -IV” de 12:00 a 13:00 horas. Esta sesión inaugura o bloque de contidos sobre Stable Diffusion.

Unha exposición sobre Antonio Palacios dá a coñecer en Madrid a importancia arquitectónica do Balneario de Mondariz

Redacción
-
0
Unha exposición sobre Antonio Palacios dá a coñecer en Madrid a importancia arquitectónica do Balneario de Mondariz

Unha exposición sobre Antonio Palacios dá a coñecer en Madrid a importancia arquitectónica do Balneario de Mondariz, primeiras obras do arquitecto, de setembro do 2023 a xaneiro do 2024. Un proxecto que xa está a dar os seus primeiros pasos e que coincide co 150 aniversario do Balneario de Mondariz e os 150 anos do nacemento do arquitecto galego o próximo ano, o Colexio de Arquitectos de Madrid e a Fundación Arquitectura COAM organizan actos en 2023 e 2024 diferentes actos ao redor da obra do porriñés.

Un proxecto que xorde da unión do Concello de Madrid, o Colexio Oficial de Arquitectos de Madrid e a Fundación Arquitectura COAM que acordaron organizar conxuntamente o “Ano Palacios”, que se iniciará en outubro de 2023 e finalizará un ano despois, tamén no outono, con senllas exposicións.

Ao longo do ano está prevista a organización de actividades de distinta índole que terminen ofrecendo á cidade unha visión profunda e actualizada do que Antonio Palacios significou como unha ponte aberta entre o eclecticismo do século XIX e a modernidade do XX, entre a arquitectura e a cidade do pasado e as do futuro.

A colaboración de Antonio Palacios na construción da vila termal de Mondariz, primeiro como colaborador do Gran Hotel, obra de Genaro de la Fuente, a súa primeira obra individual no monumento ao auga de la Fuente de Gándara, solicitado polos Peinador ao porriñés, o Gran Hotel Sanatorio, Mondariz, 1909-1915 ou o Edificio de Correos, Mondariz, 1910, actual edificio Baranda, son algunhas das obras que terán un espazo privilexiado na exposición por ser as primeiras obras de Antonio Palacios unha vez concluídos os seus estudos.

O uso por primeira vez do granito gris puído que Palacios utilizou na Fonte de Gándara e que repetiría no Círculo de Belas Artes de Madrid e posteriores proxectos será outra de características destacadas nesta parte da mostra. Pero sen dúbida, a aposta dos Irmáns Peinador por Antonio Palacios nun proxecto de mecenado na construción da vila termal que lles levou a pedirlle ao arquitecto o deseño e construción da casa familiar na Castelá con Martínez Campos.

Alcalde de Madrid, conselleiro de Cultura da Xunta de Galicia, directivos de Balneario de Mondardiz, director xeral, directora de comunicación e alcalde de Mondariz Balneario na inauguración da mostra

A investigación e o consecuente comisariado dos diversos eventos están dirixidos por José Luis Varela Alén e Ricardo Sánchez Lampreave, comisarios aos que apoia un amplo comité de expertos. A primeira exposición, deste ciclo de celebracións, celebrarse no Colexio de Arquitectos, ás obras e proxectos de Antonio Palacios fóra de Madrid, maioritaria e fundamentalmente en Galicia, deixando a exposición de peche da efemerides, a celebrar nalgún edificio do propio arquitecto, enfocada nas súas obras e proxectos en Madrid.

Grazas ao seu traballo e ao de anteriores investigadores da súa obra, o Colexio de Arquitectos conseguiu un importante fondo documental relativo ás obras. A exposición do Colexio de Arquitectos, setembro a xaneiro 2024 despregarase na sede colexial da rúa Hortaleza na que se contará con 55 metros lineais de paneis e 15 metros de mesas para documentación variada como fotografías, postais, cartas, xornais e publicacións.

A documentación estará dividida en catro secciones. Na primeira, Ciudad histórica vs. metrópole, a preocupación e interese de Palacios polas cidades deu lugar a propostas de moi diverso alcance, e tamén orientación. De expreso anhelo metropolitano, presenta unha arquitectura debedora en boa medida da imaxe das principais cidades estadounidenses. A sostida confianza na historia da arquitectura que mostra a segunda sección, Tipo e (deas)composición, a aprendida dos seus profesores, a compartida pola súa xeración, levou a Palacios a utilizar unha e outra vez tipos arquitectónicos ben recoñecibles.

Na terceira parte poderase ver a “Racionalidade e inspiración”, como reiteradamente, nos seus proxectos, memorias e escritos, ademais de innovadores propostas funcionais, mostrou Palacios unha indisimulada racionalidade herdeira das “conversacións” de Viollet-lle-Duc, a propia do seu tempo por máis que inherente ao feito construtivo, sen que, con todo, quixese renunciar co paso dos anos á inspiración artística e creativa propia de quen foi ensinados para ser pouco menos que platónicos demiurgos.

Cunhas orixes xeográficas e familiares tan marcados polo granito, e nunha época de irrefreables melloras nas prestacións dos materiais, as obras de Palacios participan do seu coñecemento dos avances tecnolóxicos e da súa inquebrantable fidelidade á pedra galega, á que quixo conducir a límites de máxima expresividade. Na última sección, Do material á materia, poderase discernir se foron materiais os construtores das súas obras ou foi a materia a que ditou como debían ser, que teñen as súas obras de modernas ou de atávicas.

O BNG reúnese co Comité de Empresa de Madera Fiber e pide a implicación da Xunta para salvar os máis de cen postos de traballo

Redacción
-
0
O BNG reúnese co Comité de Empresa de Madera Fiber e pide a implicación da Xunta para salvar os máis de cen postos de traballo

A deputada do BNG no Parlamento Galego Cristina Fernández Davila mantivo nesta semana un encontro co Comité de Empresa de Madera Fiber Technologies (ex Faurecia Interior Systems), acompañada de portavoces municipais do Bloque en Ponteareas, As Neves, O Porriño e Salvaterra de Miño.

Na xuntanza, a deputada deu conta ás traballadoras e traballadores da presentación dunha batería de iniciativas rexistradas polo BNG no Parlamento para instar ao Goberno do PP a implicarse activamente na busca dunha solución que permita salvar a unidade produtiva e os máis de cen postos de traballo da empresa.

En concreto, a parlamentaria solicitou á Consellería de Industria que se reúna coa representación dos traballadores e traballadoras tanto como sexa necesario para coñecer a fondo a situación da planta, para a que solicitaron concurso de acredores, e incidir na busca de empresas inversoras que poidan estar interesadas, conservando a unidade produtiva e o emprego.

O BNG dirixe tamén as súas iniciativas á Consellería de Emprego, á que insta a mediar co fin de atopar unha solución a un conflito que se vén arrastrando dende xullo de 2021, cando o Grupo Faurecia comunicou ao comité de empresa a venda da unidade produtiva ao Grupo Callista Private Equity.

Ese foi o primeiro elo dunha cadea. Segundo explica Fernández Davila, dita venda foi materializada por un millón de euros e unha inxección de capital de case tres millóns por parte de Faurecia, que presentou aos traballadores un plan industrial para darlle viabilidade á planta do Porriño que nunca levou a cabo. Porén, “o que fixeron foi descapitalizar a planta vendendo os terreos da mesma en xullo de 2022 por un prezo inferior ao valor de mercado, de 2,4 millóns”, explica a deputada nacionalista, que denuncia como a empresa foi pasando dunhas mans a outras ata chegar á situación actual da firma, para a que foi solicitada concurso de acredores.

Seguindo o seu protocolo habitual e logo do abandono dos principais directivos ante a falta de expectativas, en febreiro de 2023 o fondo voitre alemán (Callista) abandonou a planta do Porriño cedendo os activos por 3.600 euros a unha empresa romana xestionada por Rüdiger Wisser, de RW Future Tech SRL, “que deixa claro dende un primeiro momento a súa falta de interese en xestionar a actividade e si a súa venda ou peche”, apunta na súa iniciativa o BNG.

O pasado 14 de setembro, afonda Fernández Davila, o comité de empresa foi informado finalmente polos avogados de Rüdiger Wisser que está presentado un concurso de acredores, deixando a máis de cen familias do sur de Pontevedra sen emprego “e pondo en evidencia o doado da trama da multinacional: vender a empresa por un euro a un terceiro insolvente e evadir así responsabilidades económicas e de paso desprestixiar á empresa”, advirte a deputada ponteareá.

Cristina Fernández subliñou ademais que existe un informe de Inspección de Traballo, xa transmitido ao Xulgado do Social n. 7 de Vigo, que conclúe que houbo cesión ilegal dos postos de traballo a través da subrogación con ambas empresas compradoras. “E mentres acontecían todos estes fitos, Faurecia seguía implicada cos provedores e todo o material, equipos informáticos e soporte técnico empregados, seguían sendo da empresa”, engade.

O Bloque está a presentar tamén nestas semanas iniciativas nos distintos concellos da comarca nos que hai familias afectadas, co fin de amosar o respaldo das distintas corporacións ás reivindicacións laborais dos traballadores e traballadoras e o apoio ás familias afectadas pola actual situación.

Teatro, magosto e micro toponimia no programa da Asociación Cultural e Deportiva Xuntanza de Randufe, Tui, para outubro e novembro

Redacción
-
0
Teatro, magosto e micro toponimia no programa da Asociación Cultural e Deportiva Xuntanza de Randufe, Tui, para outubro e novembro

A Asociación Cultural e Deportiva da Asociación Cultural e Deportiva ‘Xuntanza’ de Randufe, no Concello de Tui, vén de dar a coñecer o seu programa de actividades para os meses de outubro e novembro e no que o teatro, un magosto e unha charla sobre microtoponimia serán protagonistas.

O domingo 22 de outubro, ás 19 horas, inaugurarase a X Mostra Teatral Miguel Troncoso. O grupo de teatro ‘Chirlomirlo’ da propia asociación, porá en escena a obra Don Quixote, unha particular visión do clásico da literatura universal nunha adaptación, tanto de textos coma de escenografía, música e son, a cargo dos integrantes do grupo.

O domingo 29 de outubro, tamén ás 19 horas, o Grupo de Teatro CalDelas de Caldelas de Tui, representará a obra ‘E ti, a que escola fuches?, unha adaptación da obra ‘O Florido Pensil’, outro clásico con case que 30 anos de percorrido.

O sábado 4 de novembro, ás 19 horas, volverán a Randufe “uns vellos amigos”. Trátase do grupo de teatro Andaravía Teatro de Vedra, que volve á Casa Cultural de Randufe coa obra de elaboración propia ‘Xacovedra’, modesta (ou mordaz?) contribución aos fastos e celebracións do Xacobeo.

Ese mesmo sábado 4 de novembro, a Asociación anticípase ao San Martiño e ofrecerá, ao remate de antedita representación teatral, un animado magosto con castañas e viño totalmente de balde.

Finalmente, o domingo 5 de novembro, ás 19 horas, o grupo de teatro Ata Sempre de Alxén, de Salvaterra de Miño, poñerá punto e final a esta décima mostra teatral coa representación do seu último traballo: ‘Atranco no banco’, a súa versión da obra homónima escrita por Manuel Núñez Singala.

Doutra banda, o xoves, 26 de outubro ás 20 horas na Casa Cultural de Randufe, o académico Vicente Feijoo ofrecerá unha charla sobre microtoponimia no salón da Casa Cultural de Randufe.

Compre salientar que o pasado 2 de xuño a Asociación Cultural e Deportiva Xuntanza fixo unha petición formal á Real Academia Galega para que o concello de Tui fora incluído entre os beneficiarios da charla ‘Toponimízate’ incluída dentro do proxecto “Galicia Nomeada” para o ano 2023, unha iniciativa que busca recuperar a microtoponimia que se está a perder en todo o territorio de Galicia.

Dende Xuntanza consideramos que a perda de nomes tradicionais das distintas zonas “é un problema que se está a manifestar en Randufe con máis intensidade”. O achacan a diversos factores como o feito de que se está a converter en zona residencial e, polo tanto, gañando poboación foránea. Por outra banda, estanse a perder espazos naturais; increméntanse as urbanizacións, os supermercados e os polígonos industriais; está atravesada pola autovía A55 e hai novas infraestruturas de comunicación en marcha.

A horta urbana do centro de Nigrán festexa o seu primeiro aniversario

Redacción
-
0
A horta urbana do centro de Nigrán festexa o seu primeiro aniversario

O Concello de Nigrán festexou esta semana o primeiro aniversario do seu horto urbano comunitario situado no parque Vázquez Grela (centro de Nigrán, lugar onde se celebrará) e o segundo aniversario do da Ramallosa. Ambos son municipais e funcionan baixo a coordinación da cooperativa local ‘SomosTerra’ (contratada tamén polo Concello para dirixir os cultivos nos centros escolares de Nigrán). Grazas a ambas iniciativas, actualmente medio cento de persoas das contornas máis urbanas de Nigrán cultivan e colleitan os seus propios froitos (quedan prazas dispoñibles para veciñanza que se queira sumar). O seu funcionamento é mediante o traballo en equipo e de xeito colaborativo con obradoiros semanais (as tardes dos mércores en Nigrán e os luns na Ramallosa).

“Queremos promover o autocultivo en contornas onde dificilmente a veciñanza dispón de terreo e, a través disto, fomentar hábitos saudables e potenciar a sensibilidade ambiental, a socialización e o espíritu colaborativo. Nos tempos que corren significa tamén un aforro nos petos dos usuarios e unha aposta pola sostibilidade”, explica o alcalde, Juan González.

“Son puntos de encontro no que, ademais, aprender sobre restauración e recuperación de solos, cultivo ecolóxico, asociacións de cultivos, compostaxe e sostibilidade… En Nigrán empezaremos de cero, delimitando e preparando entre todos o terreo; na Ramallosa foi diferente porque traballamos en grandes maceteiros con sustrato xa preparado”, explican Raquel Gómez e Diana Muñoz desde Somos Terra. En ambos o resultado é espectacular, tendo producido pementos, tomates, berenxenas, cabaciños, xudías, boniatos, amorodos, sandías… E actualmente sementando xa para os cultivos de outono, principalmente as coles.

O sistema deseñado para o Concello por Somos Terra implica que todos os usuarios realizan os traballos conxuntamente polo ben común, distribuíndose a posteriori a colleita de xeito equitativo entre todos. Para elo, establécese un calendario de tarefas que os inscritos deben seguir e semanalmente se realizan obradoiros específicos sobre determinados temas hortícolas (compostaxe, rego, especies aormáticas, hortos verticais…) ademais de contar con asesoramente presencial.

“A zona verde da Praza Carlos Casares da Ramallosa, que non se empregaba para nada e pasaba totalmente desapercibida, transformouse nun punto de encontro onde florecen os mellores valores e dos que como goberno nos sentimos máis orgullosos de promover. Esta mesma filosofía se aplicou ao parque Vázquez Grela de Nigrán, descoñecido para unha boa parte da veciñanza e que cada vez gaña máis usuarios”, explica o alcalde.

En outubro, Mondariz sube o telón

Redacción
-
0
En outubro, Mondariz sube o telón

O Concello de Mondariz aposta novamente pola cultura abrindo o telón a un mes de outubro que estará pleno de teatro. Desta volta, a veciñanza ten un papel claramente protagonista. Primeiro, os veciños de Gargamala interpretarán a obra ‘O parque da rula’ o día 7 e os de Meirol darán vida a ‘O-Vella’ o día 14.

Doutra banda, a asociación de teatro veciñal Seliña, do Concello de Arbo, participará neste mes de Teatro cunha representación o día 29 na que poñerán en escea a obra ‘Menuda familia’.

Mondariz tamén poderá desfrutar de ‘As que limpan’, obra reivindicativa que chega da man da afamada compañía teatral a Panadaría. Será o día 21. Todas as representacións terán lugar no Auditorio Municipal con entrada gratuíta ata completar o aforo.

Son, sen dúbida, datas que a veciñanza de Mondariz, e todas e todos os amantes do teatro, non poden esquecer.

1...333435...425Page 34 of 425

Fundado por Alfredo Estévez © Hansei Media, SL