Oia

'O monte e nós', a posta en valor do patrimonio natural de Oia

A Asociación Forestal e Educación Ambiental A Jalleira, vén de organizar o Mes da Conservación que organizan baixo o título 'O monte e nós', en colaboración o Centro Social Fuscalho, S.O.S. Groba e o Instituto de Estudios Miñoranos (IEM). As actividades desenvolverasen neste mes de xuño comezando este vindeiro venres día 3.

Oia acolle unha 'barferencia' sobre o castro de Santa Trega

Esta semana continúa o ciclo Conversas arqueolóxicas na Costa dos Castros coa charla “Unha de romanos... ou outra de castrexos?”, que correrá a cargo de Rafael Rodríguez, arqueólogo da Deputación de Pontevedra. A “barferencia” terá lugar mañá mércores 18 de maio ás 20:00 horas na Casa da Henriqueta en Oia.

Obradoiro de construción dunha cabana castrexa na Cabeciña, Oia

Mañá luns, 16 de maio, a Asociación Costa dos Castros organiza un obradoiro para rematar unha cabana castrexa no castro da Cabeciña (Mougás, Oia). O obradoiro será a partir das 16 h e nel poden participar tanto adultos como nenos. A actividade consistirá en mesturar barro con palla e aplicalo nas paredes da cabana para facer o acabado, polo que haberá que ir preparados para mancharse.

Un ciclo de 'barferencias' inaugura a campaña de escavación no Castro de Chavella

Este xoves día 12 de maio dará comezo en Oia, organizado pola Asociación Costa dos Castros, un interesante ciclo de charlas que se desenvolverán en varios bares da localidade ao longo de todo o mes. Estas 'barferencias' inauguran a nova campaña de escavación no castro oiense de Chavella, que o equipo arqueolóxico agarda comezar nos próximos días. Ofreceranse visitas guiadas gratuítas aos traballos arqueolóxicos no castro todas as fines de semana durante a campaña.

A Asociación Costa dos Castros presenta en Oia a súa programación para o 2016

A asociación Costa dos Castros presentou onte venres 22 de abril no Centro Cultural de Pedornes (Oia) a programación para 2016. No acto participaron Manuel Ángel Pombal, vicepresidente da Asociación Costa dos Castros; Guadalupe Jiménez-Esquinas representando ao Instituto de Ciencias do Patrimonio (Incipit) do CSIC; Javier Calvo, concelleiro de Sanidade en Oia e Xosé Gago, coordinador do proxecto.

Suscribirse a este canal RSS