O BNG denuncia “marxinación da Xunta” a Ponteareas nos Orzamentos para 2019

Tras analizar a proposta de Orzamentos da Xunta para 2019, o BNG conclúe que “un ano máis, Ponteareas non existe no mapa de Feijóo”. Os nacionalistas denuncian que “o goberno do PP na Xunta marxina aos ponteareáns ao non concretar nin un só euro para as actuacións prioritarias polas que as veciñas e veciños levan anos agardando”.

O sector da pesca do racú galego reúnese coa eurodiputada do BNG, Ana Miranda

O local do BNG de Redondella acolleu nesta semana, a reunión entre representantes da pesca do racú coa eurodiputada Ana Miranda, a quen lle expuxeron os problemas cos que se atopa esta flota que conta con máis de 25 barcos e 100 tripulantes. Trátase de embarcacións menores de 12 metros de eslora que traballan coa arte do cerco e son consideradas, pola Consellería, como tales, aínda que ao entender dos seus profesionais “son outra cousa, debido o seu menor tamaño e polo tanto con moita menor capacidade pesqueira”.

O BNG pon voz no Parlamento ás nais e pais de San Mateo

O BNG, a través do deputado Luís Bará, esixiu hoxe no Parlamento Galego a continuidade da escola unitaria de San Mateo de Oliveira. A día de hoxe, segundo indica o Bloque, “esta escola conta xa con sete alumnos, que continúan asistindo á aula malia a teima do goberno do PP en acabar con ela”.

Francisco García, exalcalde de Allariz, participa nun acto do BNG en Mondariz Balneario

Francisco García, exalcalde de Allariz, participará este sábado 29 de setembro, nun acto en Mondariz Balneario no que o exrexedor achegará a súa experiencia na transformación da localidade ourensá. Os nacionalistas de Mondariz Balneario, presentarán as súas propostas para ó desenvolvemento das potencialidades do municipio balneario baseándose na experiencia de Allariz.

O BNG aposta por Xose Manuel Rodríguez Méndez como candidato á reeleción nas Neves

A Asemblea Local do BNG nas Neves vén de decidir que Xosé Manuel Rodríguez Méndez se presente para ser reelixido Alcalde do Concello nevense. Nesta xuntanza, a militancia do Bloque Nacionalista Galego escolleu por unanimidade o candidato a alcaldía, á vez que preveu as posibilidades para os seguintes postos na futura candidatura ás eleccións municipais que se celebrarán en maio de 2019.

  • Publicado en As Neves

O BNG de Redondela demanda maior seguridade viaria no entorno de Cidadelle

O portavoz do BNG no Concello de Redondela, Xoán Carlos González, vén de solicitar ao Goberno redondelán a adopción de "medidas que melloren as condicións de seguridade viaria para os peóns" con notivo das obras de urbanización do novo colexio de Chapela. González engade que “a empresa constructora debe facer unha limpeza constante dos viais con fin de evitar arrastres de áridos aos regatos”.

O BNG chama “canalla” ao PP pola sua actuación na escola de San Mateo

O BNG de Ponteareas, a través da súa concelleira Cristina Fernández Davila, vén de sair ao paso das ultimas declaracións sobre a escola unitaria de San Mateo, que o PP pretende pechar a toda costa “para continuar co desmantelamento de servizos no rural”, indica o Bloque. Fernández, concelleira de Ensino na localidade, acusa ao PP “de actuar como canallas contra a escola de San Mateo”.

O BNG insta ao PP "a pedir perdón aos ponteareáns por arruinar o Concello"

O BNG vén de sair ao paso das recentes declaracións do PP relativas aos orzamentos que veñen de aprobarse en Ponteareas lembrando que “Belén Villar e o PP non están en condicións de dar leccións económicas, xa que en catro anos foron incapaces de elaborar nin un só orzamento municipal”. Nese sentido, o Bloque insta ao PP “a pedir perdón por arruinar ao Concello, e se lle queda un mínimo de decencia política marchar para casa polo desastre realizado ”.

Suscribirse a este canal RSS