O BNG denuncia a suba da cota da Seguridade Social ao marisqueo a pé

O BNG de Redondela cualificou de "suba abusiva, inxusta e totalmente inasumible" dos recibos da seguridade social aos e ás profesionais do mar por parte do ISM. Segundo os nacionalistas, un dos sectores máis prexudicados é o marisqueo a pé, cunha cota mensual que pasa de 194 a 240 euros, 46 euros de diferenza o que supón un incremento dun 23,7%.

Xosé Antón Outeiro «Tití», candidato do BNG á alcaldía de Salvaterra de Miño

A Asemblea Local do BNG vén de elixir por unanimidade a Xosé Antón Outeiro, «Tití», como candidato á alcaldía de Salvaterra de Miño. Outeiro é concelleiro do BNG dende o 2014, e na actualidade é o seu portavoz municipal. O Bloque destacou “a capacidade de traballo, a seriedade e a experiencia de Tití”, que dende 2007 foi responsable local dos nacionalistas en Salvaterra.

O BNG do Porriño anima a participar na folga feminista do 8M

O grupo municipal do BNG levará ao vindeiro pleno no Porriño unha moción na que convida aos grupos políticos a sumarse ás reivindicacións das mulleres galegas de cara á celebración do 8 de marzo. O texto propón que a Corporación porriñesa manifeste “o seu recoñecemento e apoio a Galegas 8M e á convocatoria de manifestación nacional do día 3 de marzo e de folga de mulleres do 8 marzo de 2019".

O BNG denuncia o intento do PP de silenciar á oposición en Salvaterra

Logo de ter pasado catro meses dende a celebración do último Pleno Ordinario do Concello de Salvaterra de Miño, o BNG denunciou hoxe o que cualifica como “unha manobra política fulera do PP para silenciar o traballo da oposición”. O portavoz municipal do BNG, Xosé Antón Outeiro, sinala que, en vez de convocar os plenos ordinarios como corresponde para que todos os grupos presenten as súas iniciativas, “o goberno do Partido Popular en Salvaterra vai saíndo do paso convocando plenos extraordinarios, nos que só se trata o que o PP decide para remendar a súa mala xestión económica”.

O BNG de Redondela solicita información sobre "os fedores procedentes de Aucosa"

O Bloque Nacionalista Galego de Redondela, a través do seu portavoz Xoán Carlos González, vén de preguntar ao alcalde de Redondela, Javier Bas, sobre a problemática orixinada pola empresa produtora de fariñas a partires de sobras de peixe, ubicada na beiramar de Cabanas e que, segundo veciños e veciñas, orixina cheiros "que mesmo lles impediron abrir as fiestras". Logo de varias semanas dende a pregunta, o concelleiro nacionalista dí que o único que obteñen do Concello "é a calada por resposta".

O BNG chama aos grupos políticos a reclamar máis investimentos para O Porriño

 O BNG do Porriño presentará unha moción na vindeira sesión plenaria na que denuncia que "Pedro Sánchez afonda na discriminación de Galiza que iniciou o PP de Rajoy". O BNG cualifica os Orzamentos Xerais do Estado presentados polo Goberno de Pedro Sánchez "decepcionantes e discriminatorios con Galiza, especialmente para O Porriño", xa que, afirman os nacionalistas, "non existe ningunha partida para a eliminación do paso a nivel, unha obra de urxente necesidade".

Mondariz acolle, o sábado, unha charla do BNG sobre pediatría e atención primaria

Este sábado 2 de febreiro Mondariz acolle unha charla coloquio, organizada polo BNG, en defensa da atención primaria sanitaria e do servizo de pediatría na localidade. Neste acto, que se celebrará ás 20 horas na Biblioteca Municipal de Mondariz, trasladarase “unha visión ampla das consecuencias dos recortes en sanidade nos últimos tempos, que afectan gravemente á nosa localidade”, segundo indica o Bloque.

  • Publicado en Mondariz
Suscribirse a este canal RSS